Kaushambi Firecracker Factory Blast: ਪਟਾਕਾ ਫੈਕਟਰੀ ’ਚ ਭਿਆਨਕ ਅੱਗ, ਪੰਜ ਮੌਤਾਂ, ਕਈਆਂ ਦੀ ਹਾਲਤ ਗੰਭੀਰ

ਪ੍ਰਯਾਗਰਾਜ਼ ਏਅਰਫੋਰਸ ਸਟੇਸ਼ਨ ਕੋਲ ਵਾਪਰਿਆ ਹਾਦਸਾ

By Khushdeep Singh

Published On Aug 31, 2026 04:01 PM IST

ਪ੍ਰਯਾਗਰਾਜ਼ (ਏਜੰਸੀ)। ਸੋਮਵਾਰ ਨੂੰ ਉੱਤਰ ਪ੍ਰਦੇਸ਼ ਦੇ ਪ੍ਰਯਾਗਰਾਜ-ਕੌਸ਼ਾਂਬੀ ਸਰਹੱਦ ’ਤੇ ਇੱਕ ਪਟਾਕਿਆਂ ਦੀ ਫੈਕਟਰੀ ’ਚ ਇੱਕ ਵੱਡਾ ਧਮਾਕਾ ਹੋਇਆ। ਦੋ ਬੱਚਿਆਂ ਸਮੇਤ ਪੰਜ ਲੋਕਾਂ ਦੀ ਮੌਤ ਹੋ ਗਈ ਤੇ 15 ਹੋਰ ਜ਼ਖਮੀ ਹੋ ਗਏ। ਪੁਲਿਸ ਦੇ ਅਨੁਸਾਰ, ਧਮਾਕੇ ਨੇ ਪੂਰੀ ਫੈਕਟਰੀ ਨੂੰ ਢਹਿ-ਢੇਰੀ ਕਰ ਦਿੱਤਾ। 100 ਮੀਟਰ ਦੇ ਘੇਰੇ ’ਚ ਅੱਠ ਨੇੜਲੇ ਘਰ ਨੁਕਸਾਨੇ ਗਏ, ਜਿਨ੍ਹਾਂ ਵਿੱਚੋਂ ਤਿੰਨ ਜ਼ਮੀਨਦੋਜ਼ ਹੋ ਗਏ। ਇਹ ਹਾਦਸਾ ਦੁਪਹਿਰ 12:30 ਵਜੇ ਕੌਸ਼ਾਂਬੀ ਜ਼ਿਲ੍ਹੇ ਦੇ ਮੁਹੰਮਦਪੁਰ ਪਿੰਡ ’ਚ ਹੋਇਆ, ਜੋ ਪ੍ਰਯਾਗਰਾਜ ਸਰਹੱਦ ’ਤੇ ਸਥਿਤ ਹੈ ਤੇ ਮਨੂਰੀ ਹਵਾਈ ਸੈਨਾ ਸਟੇਸ਼ਨ ਤੋਂ ਦੋ ਕਿਲੋਮੀਟਰ ਦੂਰ ਹੈ। ਪੁਲਿਸ, ਹਵਾਈ ਸੈਨਾ, ਐਨਡੀਆਰਐਫ ਤੇ ਐਸਡੀਆਰਐਫ ਦੇ 200 ਕਰਮਚਾਰੀ ਬਚਾਅ ਕਾਰਜ ਵਿੱਚ ਲੱਗੇ ਹੋਏ ਹਨ। ਦਸ ਬੁਲਡੋਜ਼ਰ ਮਲਬਾ ਹਟਾ ਰਹੇ ਹਨ। Kaushambi Firecracker Factory Blast

ਪੁਲਿਸ ਨੂੰ ਸ਼ੱਕ ਹੈ ਕਿ ਕੁਝ ਲੋਕ ਮਲਬੇ ਹੇਠ ਦੱਬੇ ਹੋ ਸਕਦੇ ਹਨ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਮੌਤਾਂ ਦੀ ਗਿਣਤੀ ਹੋਰ ਵੱਧ ਸਕਦੀ ਹੈ। ਹਾਦਸੇ ਸਮੇਂ ਫੈਕਟਰੀ ’ਚ ਵੀਹ ਮਜ਼ਦੂਰ ਕੰਮ ਕਰ ਰਹੇ ਸਨ। ਨੇੜਲੇ ਘਰਾਂ ’ਚ ਕੁਝ ਲੋਕ ਵੀ ਜ਼ਖਮੀ ਹੋਏ। ਧਮਾਕੇ ਦੀ ਆਵਾਜ਼ ਦੋ ਕਿਲੋਮੀਟਰ ਦੂਰ ਤੱਕ ਸੁਣਾਈ ਦਿੱਤੀ। ਥੋੜ੍ਹੇ ਸਮੇਂ ’ਚ ਹੀ, ਧੂੰਏਂ ਦੇ ਬੱਦਲ ਨੇ ਪੂਰੇ ਖੇਤਰ ਨੂੰ ਆਪਣੀ ਲਪੇਟ ’ਚ ਲੈ ਲਿਆ। ਧਮਾਕੇ ਤੋਂ ਬਾਅਦ, ਲਗਾਤਾਰ ਧਮਾਕੇ ਸੁਣਾਈ ਦਿੱਤੇ, ਸ਼ਾਇਦ ਪਟਾਕਿਆਂ ਕਾਰਨ। ਪਿੰਡ ਵਾਸੀ ਸੜੇ ਹੋਏ ਪੀੜਤਾਂ ਨੂੰ ਮੰਜਿਆਂ ’ਤੇ ਚੁੱਕਦੇ ਹੋਏ ਦੇਖੇ ਗਏ। ਧਮਾਕੇ ਦੀ ਤੀਬਰਤਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਾਇਆ ਜਾ ਸਕਦਾ ਹੈ ਕਿ ਇਮਾਰਤ ਦੀ ਤੀਜੀ ਮੰਜ਼ਿਲ ’ਚ 8 ਫੁੱਟ ਦਾ ਟੋਆ ਪੈ ਗਿਆ ਸੀ। ਇੱਕ ਮੰਜ਼ਿਲਾ ਫੈਕਟਰੀ 800 ਵਰਗ ਫੁੱਟ ਦੀ ਜਗ੍ਹਾ ’ਤੇ ਬਣੀ ਸੀ। ਮਾਲਕ ਦਾ ਨਾਂਅ ਆਦਿਲ ਹੈ। ਪੁਲਿਸ ਦੇ ਅਨੁਸਾਰ, ਫੈਕਟਰੀ ਦੇ ਨਾਲ ਇੱਕ ਨਵੀਂ ਬਸਤੀ ਵਿਕਸਤ ਕੀਤੀ ਜਾ ਰਹੀ ਸੀ। ਫੈਕਟਰੀ ਦੇ ਆਲੇ-ਦੁਆਲੇ ਅੱਠ ਘਰ ਬਣਾਏ ਗਏ ਸਨ।

ਇਹ ਵੀ ਪੜ੍ਹੋ : Gold Price Today: ਸਰਾਫਾ ਬਾਜ਼ਾਰ ’ਚ ਮਾਮੂਲੀ ਗਿਰਾਵਟ, ਸੋਨੇ ਤੇ ਚਾਂਦੀ ਦੀ ਫਿੱਕੀ ਪਈ ਚਮਕ