Moga News:
(ਵਿੱਕੀ ਕੁਮਾਰ) ਮੋਗਾ। ਅੱਜ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਦੇ ਸੱਦੇ ’ਤੇ ਪਿੰਡ ਕੋਕਰੀ ਕਲਾਂ ਦਾ ਸਾਂਝਾ ਇਕੱਠ ਸਾਂਝੀ ਧਰਮਸ਼ਾਲਾ ਪੱਤੀ ਨੰਗਲ ਵਿੱਚ ਕੀਤਾ ਗਿਆ। ਇਹ ਇਕੱਠ ਸਿਆਸੀ ਬਦਲਾਖੋਰੀ ਦਾ ਸ਼ਿਕਾਰ ਹੋਏ ਨਿਰਦੋਸ਼ ਨੌਜਵਾਨ ਕੁਲਦੀਪ ਸਿੰਘ ਨੀਟਾ ਪੁੱਤਰ ਤਰਸੇਮ ਸਿੰਘ ਦੀ ਗ੍ਰਿਫਤਾਰੀ ਨੂੰ ਲੈ ਕੇ ਸੰਘਰਸ਼ ਕਮੇਟੀ ਬਣਾਉਣ ਬਾਰੇ ਕੀਤਾ ਗਿਆ। ਜਿਸ ਵਿੱਚ ਪਿੰਡ ਦੇ ਵੱਡੀ ਗਿਣਤੀ ਨੌਜਵਾਨ, ਮਰਦ, ਔਰਤਾਂ ਸ਼ਾਮਲ ਹੋਏ ਅਤੇ ਕੁਲਦੀਪ ਸਿੰਘ ਦੀ ਰਿਹਾਈ ਲਈ 18 ਮੈਂਬਰੀ ਸੰਘਰਸ਼ ਕਮੇਟੀ ਦਾ ਗਠਨ ਕੀਤਾ ਗਿਆ, ਜਿਸ ਵਿੱਚ ਕਿਸਾਨ, ਮਜ਼ਦੂਰ ਜਥੇਬੰਦੀਆਂ, ਮੋਹਤਬਰ ਅਤੇ ਪੰਚਾਇਤ ਦੇ ਨੁਮਾਇੰਦੇ ਸ਼ਾਮਿਲ ਹੋਏ।
ਇਹ ਵੀ ਪੜ੍ਹੋ: House Collapse News: ਸੁਨਾਮ ’ਚ ਅੱਧੀ ਰਾਤ ਘਰ ਦੀ ਛੱਤ ਡਿੱਗੀ, ਨੌਜਵਾਨ ਵਾਲ-ਵਾਲ ਬਚਿਆ
ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਦੇ ਪ੍ਰਧਾਨ ਹੰਸਾ ਸਿੰਘ ਨੂੰ ਖਜਾਨਚੀ ਬਣਾਇਆ ਗਿਆ। ਇਸ ਮੌਕੇ ਗੁਰਜੰਟ ਸਿੰਘ ਇਕਬਾਲ ਸਿੰਘ (ਬੀਕੇਯੂ ਉਗਰਾਹਾ) ਪਰਮਜੀਤ ਸਿੰਘ ਅਮਰਜੀਤ ਨਵਜਿੰਦਰ ਸਿੰਘ ਪ੍ਰਗਟ ਸਿੰਘ (ਕਿਰਤੀ ਕਿਸਾਨ ਯੂਨੀਅਨ) ਜਗਤਾਰ ਸਿੰਘ (ਸਰਪੰਚ) ਮਨਦੀਪ ਸਿੰਘ (ਮਜ਼ਦੂਰ ਆਗੂ) ਗੁਰਭਿੰਦਰ ਸਿੰਘ, ਪਰਮਜੀਤ ਕੌਰ ਜਸਵਿੰਦਰ ਕੌਰ ਗੁਰਮੀਤ ਕੌਰ ਪਰਮਜੀਤ ਕੌਰ ਮਨਦੀਪ ਸਿੰਘ ਜਸਪਾਲ ਸਿੰਘ ਮਨਦੀਪ ਸਿੰਘ ਰਣਜੀਤ ਸਿੰਘ ਲਾਡੀ ਸੁਖਰਾਜ ਸਿੰਘ ਸਮੇਤ ਵੱਡੀ ਗਿਣਤੀ ਨੌਜਵਾਨ ਸ਼ਾਮਲ ਸਨ।
About The Author
