Nepal Flood

ਭਾਰਤ ਨੇ ਨੇਪਾਲ ਦੇ ਹੜ੍ਹ ਪੀੜਤਾਂ ਲਈ ਚੌਥੀ ਵਾਰ ਰਾਹਤ ਸਮੱਗਰੀ ਭੇਜੀ ਹੈ। ਭਾਰਤ ਦੇ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, 11 ਟਨ ਰਾਹਤ ਸਮੱਗਰੀ ਲੈ ਕੇ ਜਾਣ ਵਾਲਾ ਸੀ-130 ਫੌਜੀ ਜਹਾਜ਼ ਸ਼ਨਿੱਚਰਵਾਰ ਰਾਤ ਨੂੰ ਨੇਪਾਲ ਭੇਜਿਆ ਗਿਆ।

ਬੁੱਧਵਾਰ ਸਵੇਰੇ ਨੇਪਾਲ-ਤਿੱਬਤ ਸਰਹੱਦ ’ਤੇ ਅਚਾਨਕ ਆਏ ਹੜ੍ਹਾਂ ’ਚ 165 ਲੋਕਾਂ ਦੀ ਮੌਤ ਹੋ ਗਈ। ਨੇਪਾਲ ’ਚ 162 ਜਾਨਾਂ ਗਈਆਂ ਤੇ ਤਿੱਬਤ ’ਚ 3 ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ 1,100 ਤੋਂ ਵੱਧ ਲੋਕ ਅਜੇ ਵੀ ਲਾਪਤਾ ਹਨ। ਹੜ੍ਹਾਂ ਨੇ 19 ਪੁਲ, ਲਗਭਗ 40 ਕਿਲੋਮੀਟਰ ਸੜਕਾਂ ਤੇ 13 ਪਣ-ਬਿਜਲੀ ਪ੍ਰੋਜੈਕਟ ਤਬਾਹ ਕਰ ਦਿੱਤੇ।

ਤਿੱਬਤ ’ਚ ਅੱਜ ਸਵੇਰੇ ਗਲੇਸ਼ੀਅਰ ਫਟਣ ਕਾਰਨ ਨੇਪਾਲ-ਚੀਨ ਸਰਹੱਦ ’ਤੇ ਨੇਪਾਲ ਦੇ ਸਰਹੱਦੀ ਲਾਂਘਿਆਂ ਨੂੰ ਪਾਰ ਕਰਨ ਦੀ ਉਡੀਕ ਕਰ ਰਹੇ 500 ਤੋਂ ਵੱਧ ਕੰਟੇਨਰਾਂ ਨੂੰ ਵਹਾ ਕੇ ਲੈ ਜਾਣ ਦੀ ਖ਼ਬਰ ਹੈ। ਨੇਪਾਲ ਹਿਮਾਲੀਅਨ ਟ੍ਰਾਂਸਬਾਉਂਡਰੀ ਟ੍ਰੇਡ ਐਸੋਸੀਏਸ਼ਨ ਅਨੁਸਾਰ, ਰਸੁਵਾ ਦੇ ਟਿਮੁਰੇ ਵਿਖੇ ਕਸਟਮ ਯਾਰਡ ’ਚ ਰੱਖੇ ਗਏ ਸੈਂਕੜੇ ਕੰਟੇਨਰ ਹੜ੍ਹ ’ਚ ਵਹਿ ਗਏ ਗਏ ਹਨ