Nepal Industry Minister: ਨੇਪਾਲ ਦੀ ਉਦਯੋਗ ਮੰਤਰੀ ਗੌਰੀ ਯਾਦਵ ਨੇ ਦਿੱਤਾ ਅਸਤੀਫਾ

ਕਾਠਮੰਡੂ (ਸੱਚ ਕਹੂੰ ਨਿਊਜ਼/ਹਿੰ.ਸ.)। Nepal Industry Minister: ਨੇਪਾਲ ਦੀ ਉਦਯੋਗ, ਵਣਜ ਤੇ ਸਪਲਾਈ ਮੰਤਰੀ ਗੌਰੀ ਯਾਦਵ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਬਲੇਂਦਰ ਸ਼ਾਹ ਨੂੰ ਆਪਣਾ ਅਸਤੀਫਾ ਸੌਂਪ ਦਿੱਤਾ। ਉਨ੍ਹਾਂ ਦੇ ਕਥਿਤ ਧਮਕੀ ਭਰੇ ਬਿਆਨ ਨੇ ਗੈਸ ਉਤਪਾਦਕਾਂ ਤੇ ਸਰਕਾਰ ਵਿਚਕਾਰ ਟਕਰਾਅ ਨੂੰ ਹੋਰ ਵਧਾ ਦਿੱਤਾ ਸੀ। ਮੰਤਰੀ ਯਾਦਵ ਨੇ ਬੁੱਧਵਾਰ ਨੂੰ ਉਦਯੋਗ ਕਮੇਟੀ ਦੀ ਮੀਟਿੰਗ ’ਚ ਗੈਸ ਉਤਪਾਦਕਾਂ ਬਾਰੇ ਵਿਵਾਦਪੂਰਨ ਬਿਆਨ ਦਿੱਤਾ। ਗੈਸ ਉਤਪਾਦਕਾਂ ਨੇ ਉਨ੍ਹਾਂ ਦੇ ਬਿਆਨ ’ਤੇ ਇਤਰਾਜ਼ ਜਤਾਇਆ ਤੇ ਪ੍ਰਧਾਨ ਮੰਤਰੀ ਦਾ ਧਿਆਨ ਇਸ ਮਾਮਲੇ ਵੱਲ ਦਿਵਾਇਆ। ਮੀਟਿੰਗ ’ਚ, ਮੰਤਰੀ ਯਾਦਵ ਨੇ ਕਿਹਾ ਕਿ ਮੌਜ਼ੂਦਾ ਗੈਸ ਸੰਕਟ ਲਈ ਗੈਸ ਉਤਪਾਦਕ ਜ਼ਿੰਮੇਵਾਰ ਹਨ ਤੇ ਉਨ੍ਹਾਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੇ ਜਾਣ ਤੱਕ ਗੈਸ ਦੀ ਘਾਟ ਹੱਲ ਨਹੀਂ ਹੋਵੇਗੀ। ਉਨ੍ਹਾਂ ਅੱਗੇ ਕਿਹਾ ਸੀ ਕਿ ਨੇਪਾਲ ’ਚ ਕੰਮ ਕਰ ਰਹੇ ਸਾਰੇ 58 ਗੈਸ ਉਤਪਾਦਕਾਂ ਦੇ ਲਾਇਸੈਂਸ ਰੱਦ ਕਰ ਦਿੱਤੇ ਜਾਣੇ ਚਾਹੀਦੇ ਹਨ।

ਉਨ੍ਹਾਂ ਕਿਹਾ ਕਿ ਦੇਸ਼ ਨੂੰ ਇੰਨੇ ਸਾਰੇ ਗੈਸ ਉਤਪਾਦਕਾਂ ਦੀ ਜ਼ਰੂਰਤ ਨਹੀਂ ਹੈ ਤੇ ਸਿਰਫ਼ ਦੋ ਹੀ ਕਾਫ਼ੀ ਹੋਣਗੇ। ਇਸ ਵੇਲੇ, ਕਾਠਮੰਡੂ ਘਾਟੀ ’ਚ ਰਸੋਈ ਗੈਸ ਦੀ ਭਾਰੀ ਘਾਟ ਹੈ। ਖਪਤਕਾਰਾਂ ਨੂੰ ਇੱਕ ਸਿਲੰਡਰ ਗੈਸ ਲਈ ਦਿਨ-ਰਾਤ ਲੰਬੀਆਂ ਕਤਾਰਾਂ ’ਚ ਖੜ੍ਹੇ ਹੋਣ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ। ਖਪਤਕਾਰਾਂ ਨੂੰ 2,060 ਨੇਪਾਲੀ ਰੁਪਏ ਦੇ ਇੱਕ ਸਿਲੰਡਰ ਲਈ 3,000 ਰੁਪਏ ਤੱਕ ਦੇਣੇ ਪੈ ਰਹੇ ਹਨ। ਖਪਤਕਾਰਾਂ ਦਾ ਕਹਿਣਾ ਹੈ ਕਿ ਘੰਟਿਆਂਬੱਧੀ ਲਾਈਨ ’ਚ ਖੜ੍ਹੇ ਰਹਿਣ ਬਾਵਜੂਦ, ਉਨ੍ਹਾਂ ਨੂੰ ਗੈਸ ਨਹੀਂ ਮਿਲ ਰਹੀ। ਹਾਲ ਹੀ ’ਚ ਆਈ ਕੁਦਰਤੀ ਆਫ਼ਤ ਨੇ ਲੰਬੇ ਸਮੇਂ ਤੋਂ ਚੱਲ ਰਹੇ ਗੈਸ ਸੰਕਟ ਨੂੰ ਹੋਰ ਵੀ ਗੰਭੀਰ ਬਣਾ ਦਿੱਤਾ ਹੈ। ਭਦੌ ਤੋਂ ਕ੍ਰਿਸ਼ਨਾਭੀਰ ਤੱਕ ਸੜਕ ਦੇ ਢਹਿ ਜਾਣ ਕਾਰਨ, ਕਾਫ਼ੀ ਗੈਸ ਸਪਲਾਈ ਨਹੀਂ ਹੈ। ਵਿਕਲਪਕ ਰੂਟਾਂ ਰਾਹੀਂ ਗੈਸ ਸਪਲਾਈ ਕੀਤੇ ਜਾਣ ਦੇ ਬਾਵਜੂਦ, ਖਪਤਕਾਰਾਂ ਲਈ ਇਸਦੀ ਆਸਾਨ ਉਪਲਬਧਤਾ ਨੂੰ ਯਕੀਨੀ ਨਹੀਂ ਬਣਾਇਆ ਗਿਆ ਹੈ। ਸਰਕਾਰ ਕੋਲ ਗੈਸ ਆਯਾਤ, ਸਟੋਰੇਜ ਤੇ ਵੰਡ ਲਈ ਢੁਕਵੇਂ ਬੁਨਿਆਦੀ ਢਾਂਚੇ ਦੀ ਘਾਟ ਹੈ।

ਇਹ ਵੀ ਪੜ੍ਹੋ : Bus Accident: ਗੁਰਦਾਸਪੁਰ-ਬਹਿਰਾਮਪੁਰ ਰੋਡ 'ਤੇ ਪਲਟੀ ਮੁੱਖ ਮੰਤਰੀ ਤੀਰਥ ਯਾਤਰਾ ਯੋਜਨਾ ਵਾਲੀ ਬੱਸ

ਦੇਸ਼ ਵਿੱਚ ਕੰਮ ਕਰ ਰਹੇ ਸਾਰੇ 58 ਗੈਸ ਉਦਯੋਗ ਨਿੱਜੀ ਮਾਲਕੀ ਵਾਲੇ ਹਨ। ਨੇਪਾਲ ਆਇਲ ਕਾਰਪੋਰੇਸ਼ਨ, ਇੱਕ ਸਰਕਾਰੀ ਮਾਲਕੀ ਵਾਲੀ ਸੰਸਥਾ, ਕੋਲ ਇੱਕ ਵੀ ਗੈਸ ਬੋਤਲਿੰਗ ਪਲਾਂਟ ਨਹੀਂ ਹੈ। ਸਾਲਟ ਟ੍ਰੇਡਿੰਗ ਕਾਰਪੋਰੇਸ਼ਨ, ਜਿਸ ਕੋਲ 20 ਫੀਸਦੀ ਸਰਕਾਰੀ ਹਿੱਸੇਦਾਰੀ ਹੈ, ਕੁਝ ਗੈਸ ਵੇਚਦੀ ਹੈ, ਪਰ ਬਾਜ਼ਾਰ ਦੀ ਪੂਰੀ ਮੰਗ ਨੂੰ ਪੂਰਾ ਕਰਨ ’ਚ ਅਸਮਰੱਥ ਹੈ। ਨੇਪਾਲ ਆਇਲ ਕਾਰਪੋਰੇਸ਼ਨ ਤੇ ਉਦਯੋਗ ਮੰਤਰਾਲਾ ਨਿਯਮਿਤ ਤੌਰ ’ਤੇ ਗੈਸ ਸਪਲਾਈ ਦੇ ਅੰਕੜੇ ਜਾਰੀ ਕਰਦੇ ਹਨ, ਪਰ ਅਸਲ ਬਾਜ਼ਾਰ ਸਥਿਤੀ ਇਨ੍ਹਾਂ ਅੰਕੜਿਆਂ ਤੋਂ ਵੱਖਰੀ ਹੈ। ਇਸ ਤੋਂ ਇਲਾਵਾ, ਨੇਪਾਲ ਕੋਲ ਗੈਸ ਆਵਾਜਾਈ ਲਈ ਆਪਣਾ ਇੱਕ ਵੀ ਗੈਸ ਬੁਲੇਟ ਟੈਂਕਰ ਨਹੀਂ ਹੈ। ਨਿੱਜੀ ਗੈਸ ਉਦਯੋਗ ਵੀ ਭਾਰਤ ਤੋਂ ਗੈਸ ਆਯਾਤ ਕਰਨ ਲਈ ਭਾਰਤੀ ਬੁਲੇਟ ਟੈਂਕਰਾਂ ’ਤੇ ਨਿਰਭਰ ਕਰਦੇ ਹਨ। ਇਸ ਦੇ ਨਤੀਜੇ ਵਜੋਂ ਸਿਰਫ਼ ਗੈਸ ਆਵਾਜਾਈ ਲਈ ਸਾਲਾਨਾ ਲਗਭਗ 6 ਅਰਬ ਨੇਪਾਲੀ ਰੁਪਏ ਦਾ ਪ੍ਰਵਾਹ ਹੋਣ ਦਾ ਅਨੁਮਾਨ ਹੈ। ਅਜਿਹੇ ਹਾਲਾਤਾਂ ’ਚ, ਗੈਸ ਵਪਾਰੀਆਂ ’ਤੇ ਕਾਰਵਾਈ ਕਰਨ ਬਾਰੇ ਮੰਤਰੀ ਯਾਦਵ ਦੇ ਬਿਆਨ ਨੇ ਵਿਵਾਦ ਨੂੰ ਹੋਰ ਵਧਾ ਦਿੱਤਾ। Nepal Industry Minister