Indonesia Earthquake: 7.7 ਦੇ ਭੂਚਾਲ ਨਾਲ ਹਿੱਲਿਆ ਇੰਡੋਨੇਸ਼ੀਆ, 5 ਮੌਤਾਂ, ਕਈ ਇਮਾਰਤਾਂ ਤਬਾਹ

ਲੋਕਾਂ ਨੂੰ ਸੁਰੱਖਿਅਤ ਜਗ੍ਹਾ ’ਤੇ ਜਾਣ ਦੀ ਸਲਾਹ

By Khushdeep Singh

Published On Aug 15, 2026 10:00 AM IST

Indonesia Earthquake: ਜਕਾਰਤਾ (ਏਜੰਸੀ)। ਸ਼ਨਿੱਚਰਵਾਰ ਸਵੇਰੇ ਇੰਡੋਨੇਸ਼ੀਆ ’ਚ 7.7 ਤੀਬਰਤਾ ਦਾ ਇੱਕ ਸ਼ਕਤੀਸ਼ਾਲੀ ਭੂਚਾਲ ਆਇਆ। ਇਸ ਤੇਜ਼ ਭੂਚਾਲ ਨੇ ਕਈ ਇਲਾਕਿਆਂ ’ਚ ਵਿਆਪਕ ਦਹਿਸ਼ਤ ਫੈਲਾ ਦਿੱਤੀ। ਹੁਣ ਤੱਕ 5 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਗਈ ਹੈ। ਰਿਪੋਰਟਾਂ ਤੋਂ ਪਤਾ ਲੱਗਿਆ ਹੈ ਕਿ ਜਦੋਂ ਇਮਾਰਤਾਂ ਦਾ ਮਲਬਾ ਉਨ੍ਹਾਂ ’ਤੇ ਡਿੱਗਿਆ ਤਾਂ ਇਹ ਲੋਕ ਸੌਂ ਰਹੇ ਸਨ। ਸ਼ੁਰੂਆਤੀ ਭੂਚਾਲ ਤੋਂ ਬਾਅਦ, ਖੇਤਰ ’ਚ ਕਈ ਝਟਕੇ ਰਿਕਾਰਡ ਕੀਤੇ ਗਏ, ਜਿਨ੍ਹਾਂ ’ਚ 5.9, 5.6 ਤੇ 6.1 ਤੀਬਰਤਾ ਦੇ ਭੂਚਾਲ ਸ਼ਾਮਲ ਸਨ। ਸ਼ੁਰੂ ’ਚ ਕਈ ਤੱਟਵਰਤੀ ਖੇਤਰਾਂ ਲਈ ਸੁਨਾਮੀ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਸੀ, ਪਰ ਕੁਝ ਘੰਟਿਆਂ ਬਾਅਦ ਇਸ ਨੂੰ ਹਟਾ ਦਿੱਤਾ ਗਿਆ। ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ’ਤੇ ਰਹਿਣ ਦੀ ਅਪੀਲ ਕੀਤੀ ਗਈ ਹੈ। ਸੋਸ਼ਲ ਮੀਡੀਆ ’ਤੇ ਵੀਡੀਓਜ਼ ’ਚ ਕੁਝ ਇਮਾਰਤਾਂ ਡਿੱਗਦੀਆਂ ਤੇ ਨੁਕਸਾਨੀਆਂ ਗਈਆਂ ਦਿਖਾਈਆਂ ਗਈਆਂ ਹਨ। ਭੂਚਾਲ ਤੋਂ ਬਾਅਦ ਬਹੁਤ ਸਾਰੇ ਲੋਕ ਘਰਾਂ ਤੇ ਇਮਾਰਤਾਂ ਤੋਂ ਬਾਹਰ ਭੱਜਦੇ ਹੋਏ ਵੇਖੇ ਗਏ। ਹਾਲਾਂਕਿ, ਇਨ੍ਹਾਂ ਵੀਡੀਓਜ਼ ਦੀ ਪੁਸ਼ਟੀ ਨਹੀਂ ਕੀਤੀ ਜਾ ਸਕੀ।

ਸਮੁੰਦਰ ਹੇਠਾਂ ਸੀ ਭੂਚਾਲ | Indonesia Earthquake

ਯੂਐਸ ਜੀਓਲੌਜੀਕਲ ਸਰਵੇ (ਯੂਐਸਜੀਐਸ) ਅਨੁਸਾਰ, ਭੂਚਾਲ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 6 ਵਜੇ ਆਇਆ। ਭੂਚਾਲ ਦਾ ਕੇਂਦਰ ਐਂਡੇ ਸ਼ਹਿਰ ਤੋਂ ਲਗਭਗ 68 ਕਿਲੋਮੀਟਰ ਦੂਰ ਸਥਿਤ ਸੀ। ਭੂਚਾਲ ਲਗਭਗ 10 ਕਿਲੋਮੀਟਰ ਦੀ ਡੂੰਘਾਈ ’ਤੇ ਆਇਆ।

ਇਹ ਵੀ ਪੜ੍ਹੋ : ਘੜੀ ਸੁਲੱਖਣੀ ਦਿਨ ਭਾਗਾਂ ਭਰਿਆ

ਹਸਪਤਾਲਾਂ ਤੋਂ ਮਰੀਜ਼ਾਂ ਨੂੰ ਕੱਢਿਆ ਗਿਆ

ਭੂਚਾਲ ਤੋਂ ਬਾਅਦ ਸਾਵਧਾਨੀ ਵਜੋਂ ਕਈ ਹਸਪਤਾਲਾਂ ਤੋਂ ਮਰੀਜ਼ਾਂ ਨੂੰ ਬਾਹਰ ਕੱਢਿਆ ਗਿਆ। ਸਥਾਨਕ ਟੀਵੀ ਚੈਨਲਾਂ ਦੀਆਂ ਤਸਵੀਰਾਂ ’ਚ ਡਾਕਟਰਾਂ ਤੇ ਸਿਹਤ ਕਰਮਚਾਰੀਆਂ ਨੂੰ ਸਟ੍ਰੈਚਰ ’ਤੇ ਮਰੀਜ਼ਾਂ ਨੂੰ ਬਾਹਰ ਲਿਜਾਂਦੇ ਦਿਖਾਇਆ ਗਿਆ। ਹਸਪਤਾਲਾਂ ਦੇ ਬਾਹਰ ਬਿਸਤਰੇ, ਆਈਵੀ ਸਟੈਂਡ ਤੇ ਆਕਸੀਜਨ ਸਿਲੰਡਰ ਸਥਾਪਤ ਕੀਤੇ ਗਏ ਸਨ। ਕਈ ਥਾਵਾਂ ’ਤੇ, ਬਾਹਰ ਅਸਥਾਈ ਇਲਾਜ ਕੀਤਾ ਗਿਆ।

ਕਈ ਇਮਾਰਤਾਂ ਨੂੰ ਨੁਕਸਾਨ, ਲੋਕ ਉੱਚੀ ਜ਼ਮੀਨ ਵੱਲ ਭੱਜੇ

ਫਲੋਰੇਸ ਟਾਪੂ ਦੇ ਬਹੁਤ ਸਾਰੇ ਹਿੱਸੇ ’ਚ ਤੇਜ਼ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਸ਼ੁਰੂਆਤੀ ਰਿਪੋਰਟਾਂ ਤੋਂ ਸੰਕੇਤ ਮਿਲਦਾ ਹੈ ਕਿ ਕਈ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਪੂਰਬੀ ਨੁਸਾ ਟੇਂਗਾਰਾ ਪ੍ਰਾਂਤ ਦੇ ਸਿੱਕਾ ਦੇ ਨਿਵਾਸੀ ਯੋਹਾਨਾ ਐਂਬੂ ਨੇ ਕਿਹਾ ਕਿ ਜਿਵੇਂ ਹੀ ਭੂਚਾਲ ਆਇਆ, ਲੋਕ ਉੱਚੀ ਜ਼ਮੀਨ ਵੱਲ ਭੱਜੇ। ਉਸਨੇ ਮੌਮੇਰੇ ਬੰਦਰਗਾਹ ਟਰਮੀਨਲ ’ਤੇ ਉਡੀਕ ਕਮਰਾ ਢਹਿ ਢੇਰੀ ਹੁੰਦਾ ਵੀ ਵੇਖਿਆ।