NZ vs IND: ਵੈਲਿੰਗਟਨ ਟੈਸਟ ਦੇ ਦੂਜੇ ਦਿਨ ਟੀਮ ਇੰਡੀਆ ਦਾ ਪਲਟਵਾਰ, ਯਸ਼ਸਵੀ ਜਾਇਵਾਲ ਤੇ ਰਾਹੁਲ ਦੀ ਸ਼ਾਨਦਾਰ ਬੱਲੇਬਾਜ਼ੀ

ਦੂਜੇ ਦਿਨ ਦੀ ਖੇਡ ਸਮਾਪਤ ਹੋਣ ਤੱਕ 159/1

Khushdeep Singh Picture
Published On

ਸਪੋਰਟਸ ਡੈਸਕ। ਭਾਰਤ ਤੇ ਨਿਊਜੀਲੈਂਡ ਵਿਚਕਾਰ ਪਹਿਲਾ ਟੈਸਟ ਵੈਲਿੰਗਟਨ ’ਚ ਖੇਡਿਆ ਜਾ ਰਿਹਾ ਹੈ। ਦੂਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ, ਭਾਰਤ ਨੇ ਆਪਣੀ ਪਹਿਲੀ ਪਾਰੀ ’ਚ 1 ਵਿਕਟ ਦੇ ਨੁਕਸਾਨ ’ਤੇ 159 ਦੌੜਾਂ ਬਣਾ ਲਈਆਂ ਹਨ। ਦੇਵਦੱਤ ਪਡੀਕਲ (ਨਾਬਾਦ 16) ਤੇ ਲੋਕੇਸ਼ ਰਾਹੁਲ (ਨਾਬਾਦ 52) ਇਸ ਸਮੇਂ ਕ੍ਰੀਜ਼ ’ਤੇ ਮੌਜੂਦ ਹਨ ਅਤੇ ਦੋਵਾਂ ਵਿਚਕਾਰ 29 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਹੋ ਚੁੱਕੀ ਹੈ। ਨਿਊਜ਼ੀਲੈਂਡ ਨੇ ਆਪਣੀ ਪਹਿਲੀ ਪਾਰੀ ’ਚ 368 ਦੌੜਾਂ ਬਣਾਈਆਂ।

ਜਿਸ ਨਾਲ ਭਾਰਤ ਅਜੇ ਵੀ 209 ਦੌੜਾਂ ਪਿੱਛੇ ਹੈ। ਭਾਰਤ ਲਈ ਦਿਨ ਦਾ ਇੱਕੋ-ਇੱਕ ਨੁਕਸਾਨ ਯਸ਼ਸਵੀ ਜਾਇਸਵਾਲ ਦਾ ਆਊਟ ਹੋਣਾ ਰਿਹਾ, ਜੋ ਸੈਂਕੜਾ ਲਾਉਣ ਤੋਂ ਖੁੰਝ ਗਏ। ਉਨ੍ਹਾਂ ਨੇ 89 ਗੇਂਦਾਂ ’ਤੇ 16 ਚੌਕਿਆਂ ਦੀ ਮਦਦ ਨਾਲ 85 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ। ਇਹ ਉਨ੍ਹਾਂ ਦੇ ਟੈਸਟ ਕਰੀਅਰ ਦਾ 14ਵਾਂ ਅਰਧ-ਸੈਂਕੜਾ ਸੀ। ਜਾਇਸਵਾਲ ਤੇ ਰਾਹੁਲ ਨੇ ਪਹਿਲੀ ਵਿਕਟ ਲਈ 130 ਦੌੜਾਂ ਦੀ ਸਾਂਝੇਦਾਰੀ ਕੀਤੀ, ਜਿਸ ਤੋਂ ਬਾਅਦ ਰਾਹੁਲ ਨੇ ਆਪਣੇ ਟੈਸਟ ਕਰੀਅਰ ਦਾ 22ਵਾਂ ਅਰਧ-ਸੈਂਕੜਾ ਪੂਰਾ ਕੀਤਾ। ਜਾਇਸਵਾਲ ਨੂੰ ਮੈਟ ਹੈਨਰੀ ਨੇ ਆਊਟ ਕੀਤਾ, ਜਿਨ੍ਹਾਂ ਦਾ ਕੈਚ ਵਿਕਟਕੀਪਰ ਬਲੰਡਲ ਨੇ ਫੜਿਆ।

ਨਿਊਜ਼ੀਲੈਂਡ ਦੀ ਪਹਿਲੀ ਪਾਰੀ 368 ਦੌੜਾਂ ’ਤੇ ਆਲਆਊਟ

ਦਿਨ ਦੀ ਸ਼ੁਰੂਆਤ ਵਿੱਚ, ਮੇਜ਼ਬਾਨ ਟੀਮ (ਨਿਊਜ਼ੀਲੈਂਡ) ਦੀ ਪਹਿਲੀ ਪਾਰੀ 368 ਦੌੜਾਂ ’ਤੇ ਖਤਮ ਹੋਈ। ਕੱਲ੍ਹ ਦੇ ਸਕੋਰ 243/5 ਤੋਂ ਅੱਗੇ ਖੇਡਦਿਆਂ, ਨਿਊਜ਼ੀਲੈਂਡ ਨੇ ਆਪਣੀਆਂ ਬਾਕੀ ਪੰਜ ਵਿਕਟਾਂ ਗੁਆ ਕੇ 125 ਦੌੜਾਂ ਹੋਰ ਜੋੜੀਆਂ। ਹੈਨਰੀ ਨਿਕੋਲਸ 175 ਦੌੜਾਂ ਬਣਾ ਕੇ ਅਜੇਤੂ ਰਹੇ, ਜਦਕਿ ਗਲੇਨ ਫਿਲਿਪਸ ਨੇ 118 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਇੱਕ ਸਮੇਂ ਨਿਊਜ਼ੀਲੈਂਡ ਦੀ ਟੀਮ 70 ਦੌੜਾਂ ’ਤੇ 5 ਵਿਕਟਾਂ ਗੁਆ ਕੇ ਮੁਸ਼ਕਲ ’ਚ ਸੀ, ਪਰ ਇਨ੍ਹਾਂ ਦੋਵਾਂ ਖਿਡਾਰੀਆਂ ਨੇ ਛੇਵੀਂ ਵਿਕਟ ਲਈ 216 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਟੀਮ ਨੂੰ ਸੰਕਟ ਵਿੱਚੋਂ ਬਾਹਰ ਕੱਢਿਆ। ਭਾਰਤ ਵੱਲੋਂ ਜਸਪ੍ਰੀਤ ਬੁਮਰਾਹ ਸਭ ਤੋਂ ਸਫਲ ਗੇਂਦਬਾਜ਼ ਰਹੇ, ਜਿਨ੍ਹਾਂ ਨੇ ਚਾਰ ਵਿਕਟਾਂ ਹਾਸਲ ਕੀਤੀਆਂ।

ਇਹ ਵੀ ਪੜ੍ਹੋ : Mushroom Farming: ਖੰਡਰ ਬਣੇ ਮਕਾਨ ਨੂੰ ਬਣਾਇਆ ਖੁੰਬ ਉਤਪਾਦਨ ਕੇਂਦਰ

Comments

Post Your Comment

About The Author

Related Posts