Ben Duckett: ਬੇਨ ਡਕੇਟ ਨੇ IPL ਤੋਂ ਨਾਂਅ ਲਿਆ ਵਾਪਸ, 2 ਸਾਲ ਪਾਬੰਦੀ ਦਾ ਖਤਰਾ

ਸੀਐਮਸਕੇ ਨੇ ਐਲਿਸ ਦੀ ਜਗ੍ਹਾ ਜੌਹਨਸਨ ਨੂੰ ਕੀਤਾ ਸ਼ਾਮਲ

Ben Duckett: ਸਪੋਰਟਸ ਡੈਸਕ। ਇੰਗਲੈਂਡ ਦੇ ਬੱਲੇਬਾਜ਼ ਬੇਨ ਡਕੇਟ ਨੇ ਆਈਪੀਐਲ 2026 ਤੋਂ ਨਾਂਅ ਵਾਪਸ ਲੈ ਲਿਆ ਹੈ। ਉਸਨੇ ਆਪਣੇ ਟੈਸਟ ਕਰੀਅਰ ’ਤੇ ਧਿਆਨ ਕੇਂਦਰਿਤ ਕਰਨ ਲਈ ਮਾੜੀ ਫਾਰਮ ਦੇ ਵਿਚਕਾਰ ਇਹ ਫੈਸਲਾ ਲਿਆ। ਹਾਲਾਂਕਿ, ਉਸਦੀ ਆਖਰੀ ਸਮੇਂ ਵਾਪਸੀ ਦੇ ਨਤੀਜੇ ਵਜੋਂ ਆਈਪੀਐਲ ਤੋਂ ਦੋ ਸਾਲ ਦੀ ਪਾਬੰਦੀ ਲੱਗ ਸਕਦੀ ਹੈ, ਕਿਉਂਕਿ ਫ੍ਰੈਂਚਾਇਜ਼ੀ ਨੇ ਪਿਛਲੇ ਸਾਲ ਅਜਿਹੇ ਵਿਦੇਸ਼ੀ ਖਿਡਾਰੀਆਂ ’ਤੇ ਕਾਰਵਾਈ ਕਰਨ ਦਾ ਫੈਸਲਾ ਕੀਤਾ ਸੀ।

ਇਹ ਖਬਰ ਵੀ ਪੜ੍ਹੋ : SWOT Analysis: ਮੌਜ਼ੂਦਾ ਚੈਂਪੀਅਨ RCB ਵਿਰਾਟ ਦੇ ਤਜ਼ਰਬੇ ’ਤੇ ਨਿਰਭਰ, ਹੇਜ਼ਲਵੁੱਡ ਦੀ ਸੱਟ ਚਿੰਤਾ ਦਾ ਵਿਸ਼ਾ

ਇਸ ਦੌਰਾਨ, ਚੇਨਈ ਸੁਪਰ ਕਿੰਗਜ਼ (ਸੀਐਸਕੇ) ਨੇ ਅਸਟਰੇਲੀਆਈ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਸਪੈਂਸਰ ਜੌਹਨਸਨ ਨੂੰ ਆਪਣੀ ਟੀਮ ’ਚ ਸ਼ਾਮਲ ਕੀਤਾ ਹੈ। ਉਸਨੂੰ ਜ਼ਖਮੀ ਨਾਥਨ ਐਲਿਸ ਦੇ ਬਦਲ ਵਜੋਂ 1.5 ਕਰੋੜ ਰੁਪਏ ਦੀ ਬੇਸ ਕੀਮਤ ’ਤੇ ਸਾਈਨ ਕੀਤਾ ਗਿਆ ਸੀ, ਜਿਸਨੂੰ ਲੰਬੇ ਸਮੇਂ ਤੋਂ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਪੂਰੇ ਟੂਰਨਾਮੈਂਟ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ।

ਡੀਸੀ ਨੇ 2 ਕਰੋੜ ’ਚ ਖਰੀਦਿਆ ਸੀ, ਨਿਸਾਂਕਾ ਤੋਂ ਮਿਲ ਰਹੀ ਸੀ ਚੁਣੌਤੀ | Ben Duckett

ਦਿੱਲੀ ਕੈਪੀਟਲਜ਼ ਨੇ ਦਸੰਬਰ ਦੀ ਨਿਲਾਮੀ ’ਚ ਬੇਨ ਡਕੇਟ ਨੂੰ₹2 ਕਰੋੜ ਰੁਪਏ ’ਚ ਖਰੀਦਿਆ ਸੀ। ਡਕੇਟ ਪਹਿਲੀ ਵਾਰ ਆਈਪੀਐਲ ’ਚ ਖੇਡਣ ਲਈ ਤਿਆਰ ਸੀ, ਪਰ ਟੀਮ ’ਚ ਵਿਦੇਸ਼ੀ ਖਿਡਾਰੀ ਦੇ ਸਥਾਨ ਲਈ ਸ਼੍ਰੀਲੰਕਾ ਦੇ ਪਾਥੁਮ ਨਿਸੰਕਾ ਤੋਂ ਸਖ਼ਤ ਮੁਕਾਬਲੇ ਦਾ ਸਾਹਮਣਾ ਕਰਨਾ ਪਿਆ। ਪਲੇਇੰਗ ਇਲੈਵਨ ’ਚ ਪੁਸ਼ਟੀ ਕੀਤੀ ਜਗ੍ਹਾ ਦੀ ਘਾਟ ਤੇ ਫਾਰਮ ਦੀ ਘਾਟ ਕਾਰਨ, ਉਸਨੇ ਭਾਰਤ ਆਉਣ ਦੀ ਬਜਾਏ ਨਾਟਿੰਘਮਸ਼ਾਇਰ ਲਈ ਕਾਉਂਟੀ ਚੈਂਪੀਅਨਸ਼ਿਪ ’ਚ ਖੇਡਣ ਦਾ ਫੈਸਲਾ ਕੀਤਾ ਹੈ।