Cough Syrup: ਹੁਣ ਛੋਟੇ ਪਿੰਡਾਂ ’ਚ ਵੀ ਬਿਨਾਂ ਲਾਇਸੈਂਸ ਨਹੀਂ ਵਿਕ ਸਕਣਗੇ ਕਫ਼ ਸਿਰਪ, ਸਿਹਤ ਮੰਤਰਾਲੇ ਨੇ ਬਦਲੇ ਨਿਯਮ

Cough Syrup: ਨਵੀਂ ਦਿੱਲੀ (ਹਿੰ.ਸ.)। ਕੇਂਦਰੀ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ ਮੰਗਲਵਾਰ ਨੂੰ ਦਵਾਈਆਂ ਦੀ ਵਿਕਰੀ ਨੂੰ ਨਿਯੰਤਰਿਤ ਕਰਨ ਵਾਲੇ ਨਿਯਮਾਂ ’ਚ ਮਹੱਤਵਪੂਰਨ ਸੋਧ ਕੀਤੀ ਹੈ। ਮੰਤਰਾਲੇ ਨੇ ਡਰੱਗਜ਼ ਰੂਲਜ਼, 1945 ’ਚ ਬਦਲਾਅ ਕਰਦੇ ਹੋਏ ਛੋਟੇ ਪਿੰਡਾਂ ’ਚ ਕਫ਼ ਸਿਰਪ ਦੀ ਸ਼ਰਬਤ ਦੀ ਵਿਕਰੀ ਲਈ ਛੋਟ ਨੂੰ ਰੱਦ ਕਰ ਦਿੱਤਾ ਹੈ। ਹੁਣ, ਕਫ਼ ਸਿਰਪ ਨੂੰ ਛੋਟੇ ਪਿੰਡਾਂ ’ਚ ਵੀ ਲਾਇਸੈਂਸ ਤੋਂ ਬਿਨਾਂ ਨਹੀਂ ਵੇਚਿਆ ਜਾ ਸਕਦਾ। ਮੰਤਰਾਲੇ ਵੱਲੋਂ ਮੰਗਲਵਾਰ ਨੂੰ ਜਾਰੀ ਨੋਟੀਫਿਕੇਸ਼ਨ ਦੇ ਅਨੁਸਾਰ, 1,000 ਤੋਂ ਘੱਟ ਆਬਾਦੀ ਵਾਲੇ ਪਿੰਡਾਂ ਨੂੰ ਪਹਿਲਾਂ ਕਫ਼ ਸਿਰਪ ਦੀ ਵਿਕਰੀ ਲਈ ਕੁਝ ਲਾਇਸੈਂਸਿੰਗ ਪ੍ਰਬੰਧਾਂ ਤੋਂ ਛੋਟ ਸੀ। ਸੋਧ ਵਿੱਚ ਹੁਣ ਸੰਬੰਧਿਤ ਐਂਟਰੀ ਤੋਂ ‘ਸਿਰਪ’ ਸ਼ਬਦ ਨੂੰ ਹਟਾ ਦਿੱਤਾ ਗਿਆ ਹੈ।

Read Accident : Road Accident: ਸੜਕ ਹਾਦਸੇ ’ਚ ਮਹਿਲਾ ਇੰਸਪੈਕਟਰ ਦੀ ਮੌਤ

ਇਸ ਬਦਲਾਅ ਤੋਂ ਬਾਅਦ, ਕਫ਼ ਸਿਰਪ ਨੂੰ ਛੋਟੇ ਪਿੰਡਾਂ ਵਿੱਚ ਸਿਰਫ਼ ਸਹੀ ਢੰਗ ਨਾਲ ਲਾਇਸੰਸਸ਼ੁਦਾ ਮੈਡੀਕਲ ਸਟੋਰਾਂ ਜਾਂ ਫਾਰਮੇਸੀਆਂ ਰਾਹੀਂ ਵੇਚਿਆ ਤੇ ਵੰਡਿਆ ਜਾ ਸਕਦਾ ਹੈ। ਨਿਯਮਾਂ ਤਹਿਤ ਹੁਣ ਬਿਨਾਂ ਲਾਇਸੈਂਸ ਦੇ ਕਫ਼ ਸਿਰਪ ਦੀ ਵਿਕਰੀ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਮੰਤਰਾਲੇ ਨੇ ਕਿਹਾ ਕਿ ਇਹ ਕਦਮ ਸਿਰਪ ਅਧਾਰਤ ਦਵਾਈਆਂ ਦੀ ਵਿਕਰੀ ਅਤੇ ਵੰਡ ਦੀ ਨਿਯਮਤ ਨਿਗਰਾਨੀ ਨੂੰ ਮਜ਼ਬੂਤ ਕਰਨ ਤੇ ਜਨਤਕ ਸਿਹਤ ਤੇ ਸੁਰੱਖਿਆ ਮਿਆਰਾਂ ਨੂੰ ਬਿਹਤਰ ਬਣਾਉਣ ਲਈ ਚੁੱਕਿਆ ਗਿਆ ਹੈ। ਮੰਤਰਾਲੇ ਨੇ ਕਫ਼ ਸਿਰਪ ਨਿਰਮਾਣ, ਵੰਡ ਤੇ ਵਿਕਰੀ ’ਚ ਸ਼ਾਮਲ ਸਾਰੇ ਨਿਰਮਾਤਾਵਾਂ, ਵਿਤਰਕਾਂ ਤੇ ਪ੍ਰਚੂਨ ਵਿਕਰੇਤਾਵਾਂ ਨੂੰ ਡਰੱਗਜ਼ ਐਂਡ ਕਾਸਮੈਟਿਕਸ ਐਕਟ, 1940 ਤੇ ਡਰੱਗਜ਼ ਰੂਲਜ਼, 1945 ਦੇ ਉਪਬੰਧਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਨ ਦੀ ਸਲਾਹ ਦਿੱਤੀ ਹੈ। Cough Syrup