Hardik Pandya ਅਫਗਾਨਿਸਤਾਨ ਵਨਡੇ ਸੀਰੀਜ਼ ਤੋਂ ਬਾਹਰ

Hardik Pandya: ਸਪੋਰਟਸ ਡੈਸਕ। ਆਲਰਾਊਂਡਰ Hardik Pandya ਅਫਗਾਨਿਸਤਾਨ ਵਿਰੁੱਧ ਤਿੰਨ ਮੈਚਾਂ ਦੀ ਇੱਕ ਰੋਜ਼ਾ ਲੜੀ ਤੋਂ ਬਾਹਰ ਹੋ ਗਏ ਹਨ। ਹਾਰਦਿਕ ਨੂੰ ਮੰਗਲਵਾਰ ਨੂੰ ਬੈਂਗਲੁਰੂ ’ਚ ਬੀਸੀਸੀਆਈ ਦੇ ਸੈਂਟਰ ਆਫ਼ ਐਕਸੀਲੈਂਸ (ਸੀਓਈ) ਵਿੱਚ ਫਿਟਨੈਸ ਟੈਸਟ ਪਾਸ ਕਰਨ ਤੋਂ ਕੁਝ ਘੰਟਿਆਂ ਬਾਅਦ ਹੀ ਹੈਮਸਟ੍ਰਿੰਗ ਸਟ੍ਰੈਚ ਦਾ ਸਾਹਮਣਾ ਕਰਨਾ ਪਿਆ। ਇਹ ਲੜੀ 13 ਜੂਨ ਤੋਂ ਸ਼ੁਰੂ ਹੋ ਰਹੀ ਹੈ। 32 ਸਾਲਾ ਖਿਡਾਰੀ ਨੂੰ ਆਈਪੀਐਲ ਦੌਰਾਨ ਮੁੰਬਈ ਇੰਡੀਅਨਜ਼ ਲਈ ਖੇਡਦੇ ਸਮੇਂ ਪਿੱਠ ’ਚ ਖਿਚਾਅ ਦਾ ਸਾਹਮਣਾ ਕਰਨਾ ਪਿਆ। ਉਹ ਸੱਟ ਤੋਂ ਠੀਕ ਹੋ ਗਏ ਸਨ ਤੇ ਫਿਟਨੈਸ ਕਲੀਅਰੈਂਸ ਸਰਟੀਫਿਕੇਟ ਹਾਸਲ ਕਰਨ ਲਈ ਬੈਂਗਲੁਰੂ ’ਚ ਸਨ। ਜਾਣਕਾਰੀ ਅਨੁਸਾਰ, ਬੀਸੀਸੀਆਈ ਦੇ ਹਵਾਲੇ ਨਾਲ ਦੱਸਿਆ ਕਿ ਨਵੀਂ ਸੱਟ ਲਈ ਘੱਟੋ-ਘੱਟ ਤਿੰਨ ਹਫ਼ਤਿਆਂ ਦੀ ਰਿਕਵਰੀ ਅਤੇ ਪੁਨਰਵਾਸ ਦੀ ਲੋੜ ਹੋਵੇਗੀ, ਜਿਸ ਨਾਲ ਉਹ ਆਉਣ ਵਾਲੀ ਲੜੀ ’ਚ ਹਿੱਸਾ ਨਹੀਂ ਲੈ ਸਕਣਗੇ।

Read Also : World Eye Donation Day 2026: ਭਾਰਤੀ ਦੀਆਂ ਅੱਖਾਂ ’ਚ ਪਰਤੀ ਨਵੀਂ ਰੌਸ਼ਨੀ, ਪੂਜਨੀਕ ਗੁਰੂ ਜੀ ਦੀ ਪ੍ਰੇਰਨਾ ਨਾਲ ਹਜ਼ਾਰਾਂ ਜ਼ਿੰਦਗੀਆਂ ਹੋਈਆਂ ਰੌਸ਼ਨ

ਫਿਟਨੈਸ ਮੁਲਾਂਕਣ ’ਚ 10 ਓਵਰ ਗੇਂਦਬਾਜ਼ੀ ਕਰਨਾ ਪਿਆ ਮਹਿੰਗਾ

ਰਿਪੋਰਟਾਂ ਅਨੁਸਾਰ, ਹਾਰਦਿਕ ਪੰਡਯਾ ਬੈਂਗਲੁਰੂ ’ਚ ਫਿਟਨੈਸ ਟੈਸਟਿੰਗ ਦੇ ਆਖਰੀ ਦੌਰ ’ਚ ਸੀ। ਮੁਲਾਂਕਣ ਦੌਰਾਨ, ਉਸਨੇ ਆਪਣੀ ਸਮਰੱਥਾ ਦਾ ਮੁਲਾਂਕਣ ਕਰਨ ਲਈ ਮੈਦਾਨ ’ਤੇ ਪੂਰੇ 10 ਓਵਰ ਗੇਂਦਬਾਜ਼ੀ ਕੀਤੀ। ਇਹ ਮੰਨਿਆ ਜਾਂਦਾ ਹੈ ਕਿ ਲੰਬੇ ਬ੍ਰੇਕ ਤੋਂ ਬਾਅਦ ਅਚਾਨਕ ਗੇਂਦਾਂ ਦਾ ਪੂਰਾ ਕੋਟਾ ਸੁੱਟਣ ਨਾਲ ਉਸਦੇ ਪੱਟ ਦੀਆਂ ਮਾਸਪੇਸ਼ੀਆਂ ’ਤੇ ਵਾਧੂ ਦਬਾਅ ਪਿਆ, ਜਿਸ ਕਾਰਨ ਇੱਕ ਨਵੀਂ ਸੱਟ ਲੱਗ ਗਈ।

ਰੋਹਿਤ ਤੇ ਹਾਰਦਿਕ ਨੇ ਮੰਗਲਵਾਰ ਨੂੰ ਹੀ ਪਾਸ ਕੀਤਾ ਸੀ ਫਿਟਨੈਸ ਟੈਸਟ | Hardik Pandya

ਮੰਗਲਵਾਰ ਨੂੰ, ਰੋਹਿਤ ਸ਼ਰਮਾ ਤੇ ਹਾਰਦਿਕ ਪੰਡਯਾ ਸ਼ਨਿੱਚਰਵਾਰ ਤੋਂ ਸ਼ੁਰੂ ਹੋਣ ਵਾਲੀ ਭਾਰਤ ਤੇ ਅਫਗਾਨਿਸਤਾਨ ਵਿਚਕਾਰ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ’ਚ ਖੇਡਣਗੇ। ਦੋਵਾਂ ਨੇ ਫਿਟਨੈਸ ਟੈਸਟ ਪਾਸ ਕਰ ਲਿਆ ਹੈ ਤੇ ਜਲਦੀ ਹੀ ਟੀਮ ’ਚ ਸ਼ਾਮਲ ਹੋ ਜਾਣਗੇ। ਰੋਹਿਤ ਆਈਪੀਐਲ ਦੌਰਾਨ ਹੈਮਸਟ੍ਰਿੰਗ ਦੀ ਸਮੱਸਿਆ ਤੋਂ ਪੀੜਤ ਸਨ, ਜਦੋਂ ਕਿ ਹਾਰਦਿਕ ਪੰਡਯਾ ਪਿੱਠ ਦੀ ਜਕੜਨ ਤੋਂ ਪੀੜਤ ਸੀ। ਮੁੰਬਈ ਇੰਡੀਅਨਜ਼ ਲਈ ਖੇਡਦੇ ਸਮੇਂ ਦੋਵੇਂ ਜ਼ਖਮੀ ਹੋ ਗਏ ਸਨ। ਦੋਵਾਂ ਨੂੰ ਫਿਟਨੈਸ ਦੇ ਅਧੀਨ ਵਨਡੇ ਸੀਰੀਜ਼ ਲਈ ਟੀਮ ’ਚ ਸ਼ਾਮਲ ਕੀਤਾ ਗਿਆ ਸੀ।