Delhi Weather: ਦਿੱਲੀ ’ਚ ਮਈ ਦੀ ਸਭ ਤੋਂ ਗਰਮ ਰਾਤ, ਟੁੱਟਿਆ 14 ਸਾਲਾਂ ਦਾ ਰਿਕਾਰਡ, IMD ਨੇ ਜਾਰੀ ਕੀਤੀ ਚਿਤਾਵਨੀ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਦਿੱਲੀ ’ਚ ਮਈ ਮਹੀਨੇ ਵਿੱਚ ਹੁਣ ਤੱਕ ਦੀ ਸਭ ਤੋਂ ਗਰਮ ਰਾਤ ਦਰਜ ਕੀਤੀ ਹੈ, ਜਿਸ ’ਚ ਘੱਟੋ-ਘੱਟ ਤਾਪਮਾਨ 31.9 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ ਹੈ। ਮੌਸਮ ਵਿਭਾਗ ਅਨੁਸਾਰ, ਇਹ ਲਗਭਗ 14 ਸਾਲਾਂ ’ਚ ਸਭ ਤੋਂ ਵੱਧ ਘੱਟੋ-ਘੱਟ ਤਾਪਮਾਨ ਹੈ। ਪਿਛਲਾ ਸਭ ਤੋਂ ਘੱਟ ਘੱਟੋ-ਘੱਟ ਤਾਪਮਾਨ 26 ਮਈ, 2012 ਨੂੰ 32.5 ਡਿਗਰੀ ਸੈਲਸੀਅਸ ਦਰਜ਼ ਕੀਤਾ ਗਿਆ ਸੀ। ਭਾਰਤ ਮੌਸਮ ਵਿਭਾਗ (ਆਈਐਮਡੀ) ਅਨੁਸਾਰ, ਸਫਦਰਜੰਗ ਤੇ ਲੋਧੀ ਰੋਡ ਸਮੇਤ ਕਈ ਸਟੇਸ਼ਨਾਂ ’ਤੇ ਰਾਤ ਨੂੰ ਮੌਸਮ ਬਹੁਤ ਗਰਮ ਰਿਹਾ। ਗਰਮ ਰਾਤ ਉਦੋਂ ਐਲਾਨੀ ਜਾਂਦੀ ਹੈ ਜਦੋਂ ਜ਼ਿਆਦਾ ਤੋਂ ਜਿਆਦਾ ਤਾਪਮਾਨ 40 ਡਿਗਰੀ ਸੈਲਸੀਅਸ ਜਾਂ ਇਸ ਤੋਂ ਵੱਧ ਹੁੰਦਾ ਹੈ ਤੇ ਘੱਟੋ-ਘੱਟ ਤਾਪਮਾਨ ਆਮ ਨਾਲੋਂ 4.5 ਤੋਂ 6.4 ਡਿਗਰੀ ਸੈਲਸੀਅਸ ਵੱਧ ਹੁੰਦਾ ਹੈ।

Read Also : Hamza Burhan: ਪੁਲਵਾਮਾ ਹਮਲੇ ਦੇ ਮਾਸਟਰਮਾਈਂਡ ਅੱਤਵਾਦੀ ਹਮਜ਼ਾ ਬੁਰਹਾਨ ਦਾ ਗੋਲੀਆਂ ਮਾਰ ਕੇ ਕਤਲ

ਸਟੇਸ਼ਨਾਂ ਅਨੁਸਾਰ, ਸਫਦਰਜੰਗ ’ਚ ਘੱਟੋ-ਘੱਟ ਤਾਪਮਾਨ 31.9 ਡਿਗਰੀ ਸੈਲਸੀਅਸ ਸੀ, ਜੋ ਆਮ ਨਾਲੋਂ 5.2 ਡਿਗਰੀ ਵੱਧ ਸੀ। ਰਿਜ ’ਚ ਤਾਪਮਾਨ 30.6 ਡਿਗਰੀ ਸੈਲਸੀਅਸ (4.4 ਡਿਗਰੀ ਸੈਲਸੀਅਸ ਵੱਧ), ਪਾਲਮ ਵਿੱਚ 30.5 ਡਿਗਰੀ ਸੈਲਸੀਅਸ (3.4 ਡਿਗਰੀ ਸੈਲਸੀਅਸ ਵੱਧ), ਲੋਧੀ ਰੋਡ ’ਚ 29.6 ਡਿਗਰੀ ਸੈਲਸੀਅਸ (4.6 ਡਿਗਰੀ ਸੈਲਸੀਅਸ ਵੱਧ) ਤੇ ਅਯਾਨਗਰ ’ਚ 27.4 ਡਿਗਰੀ ਸੈਲਸੀਅਸ (0.7 ਡਿਗਰੀ ਸੈਲਸੀਅਸ ਵੱਧ) ਦਰਜ ਕੀਤਾ ਗਿਆ। ਸ਼ਹਿਰ ’ਚ ਇੱਕ ਆਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ, ਕਿਉਂਕਿ ਵੱਧ ਤੋਂ ਵੱਧ ਤਾਪਮਾਨ 46 ਡਿਗਰੀ ਸੈਲਸੀਅਸ ਤੱਕ ਪਹੁੰਚਣ ਦੀ ਸੰਭਾਵਨਾ ਹੈ ਤੇ ਦਿਨ ਦੌਰਾਨ ਹੀਟਵੇਵ ਦੀ ਭਵਿੱਖਬਾਣੀ ਕੀਤੀ ਗਈ ਹੈ। ਸਵੇਰੇ 9 ਵਜੇ ਹਵਾ ਦੀ ਗੁਣਵੱਤਾ ਵੀ ‘ਮੱਧਮ’ ਸ਼੍ਰੇਣੀ ’ਚ ਦਰਜ ਕੀਤੀ ਗਈ, ਜਿਸਦਾ ਏਅਰ ਕੁਆਲਿਟੀ ਇੰਡੈਕਸ (ਏਕਿਊਆਈ) 153 ਸੀ। ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਅਨੁਸਾਰ, 0-50 ‘ਚੰਗਾ’, 51-100 ‘ਸੰਤੁਸ਼ਟੀਜਨਕ’, 101-200 ‘ਮੱਧਮ’, 201-300 ‘ਮਾੜਾ’, 301-400 ‘ਬਹੁਤ ਮਾੜਾ’ ਤੇ 401-500 ‘ਗੰਭੀਰ’ ਹੈ। Delhi Weather