India Vs Afghanistan: ਭਾਰਤ ਤੇ ਅਫਗਾਨਿਸਤਾਨ ਵਿਚਕਾਰ ਖੇਡੇ ਜਾਣਗੇ 3 ਟੀ20 ਮੁਕਾਬਲੇ

ਸਾਰੇ ਮੁਕਾਬਲੇ ਨਵੀਂ ਦਿੱਲੀ ਸਟੇਡੀਅਮ ’ਚ

By Khushdeep Singh

Published On Aug 11, 2026 09:32 PM IST

ਸਪੋਰਟਸ ਡੈਸਕ। ਭਾਰਤ ਤੇ ਅਫਗਾਨਿਸਤਾਨ ਵਿਚਕਾਰ ਤਿੰਨ ਮੈਚਾਂ ਦੀ ਟੀ-20 ਲੜੀ ਖੇਡੀ ਜਾਵੇਗੀ। ਕ੍ਰਿਕਬਜ਼ ਦੀ ਇੱਕ ਰਿਪੋਰਟ ਮੁਤਾਬਕ, ਅਫਗਾਨਿਸਤਾਨ ਕ੍ਰਿਕੇਟ ਬੋਰਡ ਨੇ ਟੀ-20 ਲੜੀ ਦੀਆਂ ਤਰੀਕਾਂ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਇਹ ਮੈਚ 13, 15 ਤੇ 17 ਸਤੰਬਰ ਨੂੰ ਨਵੀਂ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ’ਚ ਖੇਡੇ ਜਾਣਗੇ। 10 ਅਗਸਤ ਨੂੰ ਇੱਕ ਪੱਤਰ ’ਚ, ਬੋਰਡ ਨੇ ਕਿਹਾ ਕਿ ਬੀਸੀਸੀਆਈ ਤਾਰੀਖਾਂ ’ਤੇ ਸਹਿਮਤ ਹੋ ਗਿਆ ਹੈ। ਇਸ ਲੜੀ ਦੇ ਨਾਲ, ਭਾਰਤ ਦੇ ਬੰਗਲਾਦੇਸ਼ ਦੌਰੇ ਦੀ ਸੰਭਾਵਨਾ ਲਗਭਗ ਖਤਮ ਹੋ ਗਈ ਹੈ।

ਅਫਗਾਨਿਸਤਾਨ ਪਹਿਲੀ ਵਾਰ ਭਾਰਤ ਦੀ ਮੇਜ਼ਬਾਨੀ ਕਰੇਗਾ

ਸੀਰੀਜ਼ ਬਾਰੇ ਬੀਸੀਸੀਆਈ ਜਾਂ ਅਫਗਾਨਿਸਤਾਨ ਬੋਰਡ ਤੋਂ ਪੁਸ਼ਟੀ ਲੰਬਿਤ ਹੈ। ਇਹ ਪਹਿਲਾ ਮੌਕਾ ਹੋਵੇਗਾ ਜਦੋਂ ਅਫਗਾਨਿਸਤਾਨ ਅਧਿਕਾਰਤ ਤੌਰ ’ਤੇ ਦੁਵੱਲੀ ਲੜੀ ’ਚ ਭਾਰਤ ਦੀ ਮੇਜ਼ਬਾਨੀ ਕਰੇਗਾ। ਬੋਰਡ ਨੇ ਮੀਡੀਆ ਅਧਿਕਾਰ ਧਾਰਕਾਂ ਨੂੰ ਆਪਣੀ ਅਗਾਊਂ ਯੋਜਨਾਬੰਦੀ, ਸਮਾਂ-ਸਾਰਣੀ, ਉਤਪਾਦਨ ਪ੍ਰਬੰਧ, ਪ੍ਰਚਾਰ ਗਤੀਵਿਧੀਆਂ ਤੇ ਹੋਰ ਤਿਆਰੀਆਂ ਸ਼ੁਰੂ ਕਰਨ ਲਈ ਕਿਹਾ ਹੈ।

ਇਹ ਵੀ ਪੜ੍ਹੋ : Abohar News: ਖੇਤ ’ਚ ਡਿੱਗਿਆ ਡਰੋਨ, ਪੁਲਿਸ ਨੇ ਥਾਂ ਘੇਰਕੇ ਫੌਜ ਤੇ ਬੀਐਸਫ ਨੂੰ ਕੀਤਾ ਸੂਚਿਤ

ਭਾਰਤ ਦਾ ਬੰਗਲਾਦੇਸ਼ ਦੌਰਾ ਦੋ ਸਾਲਾਂ ਲਈ ਮੁਲਤਵੀ

ਬੰਗਲਾਦੇਸ਼ ਕ੍ਰਿਕੇਟ ਬੋਰਡ (ਬੀਸੀਬੀ) ਨੇ 1 ਤੋਂ 13 ਸਤੰਬਰ ਤੱਕ ਭਾਰਤ ਵਿਰੁੱਧ ਛੇ ਮੈਚ ਤਹਿ ਕੀਤੇ ਸਨ। ਇਨ੍ਹਾਂ ’ਚ ਤਿੰਨ ਟੀ-20 ਤੇ ਤਿੰਨ ਵਨਡੇ ਸ਼ਾਮਲ ਸਨ। ਬੋਰਡ ਦੇ ਪ੍ਰਧਾਨ ਤਮੀਮ ਇਕਬਾਲ ਨੇ ਕਿਹਾ ਕਿ ਉਨ੍ਹਾਂ ਨੇ ਸਰਕਾਰ ਨੂੰ ਭਾਰਤ ਨਾਲ ਗੱਲ ਕਰਨ ਲਈ ਕਿਹਾ ਹੈ। ਤਮੀਮ ਨੇ ਵਿਦੇਸ਼ ਮੰਤਰਾਲੇ ਕੋਲ ਜਾ ਕੇ ਸੁਰੱਖਿਆ ਗਾਰੰਟੀ ਦੀ ਬੇਨਤੀ ਕੀਤੀ। ਹਾਲਾਂਕਿ, ਬੰਗਲਾਦੇਸ਼ ਸਰਕਾਰ ਜਾਂ ਬੀਸੀਸੀਆਈ ਵੱਲੋਂ ਕੋਈ ਬਿਆਨ ਨਹੀਂ ਆਇਆ ਹੈ। ਹੁਣ, ਅਫਗਾਨਿਸਤਾਨ ਸੀਰੀਜ਼ ਦਾ ਘੱਟੋ-ਘੱਟ ਇੱਕ ਮੈਚ ਇਸ ਵਿੰਡੋ ਨਾਲ ਟਕਰਾ ਰਿਹਾ ਹੈ।