ਮਸਕਟ (ਓਮਾਨ)/ਤਹਿਰਾਨ (ਈਰਾਨ) (ਸੱਚ ਕਹੂੰ ਨਿਊਜ਼/ਹਿੰ.ਸ.)। ਬ੍ਰਿਟੇਨ ਦੀ ਸਮੁੰਦਰੀ ਸੁਰੱਖਿਆ ਏਜੰਸੀ, ਯੂਨਾਈਟਿਡ ਕਿੰਗਡਮ ਮੈਰੀਟਾਈਮ ਟ੍ਰੇਡ ਆਪ੍ਰੇਸ਼ਨਜ਼ (ਯੂਕੇਐਮਟੀਓ) ਨੇ ਓਮਾਨ ਦੇ ਸੋਹਰ ਨੇੜੇ ਕਰੂਡ ਆਇਲ ਟੈਂਕਰ ’ਤੇ ਡਰੋਨ ਹਮਲੇ ਦੀ ਪੁਸ਼ਟੀ ਕੀਤੀ ਹੈ। ਏਜੰਸੀ ਅਨੁਸਾਰ, ਓਮਾਨ ਦੇ ਸੋਹਰ ਐਂਕਰੇਜ ਨੇੜੇ ਇੱਕ ਕੱਚੇ ਤੇਲ ਦੇ ਟੈਂਕਰ ’ਤੇ ਡਰੋਨ ਵੱਲੋਂ ਹਮਲਾ ਕੀਤਾ ਗਿਆ ਹੈ। ਹਮਲੇ ਤੋਂ ਬਾਅਦ ਦੋ ਭਾਰਤੀ ਮਲਾਹ ਲਾਪਤਾ ਹਨ। ਗਲਫ ਨਿਊਜ਼ ਦੀ ਰਿਪੋਰਟ ਦੇ ਅਨੁਸਾਰ, ਯੂਕੇਐਮਟੀਓ ਨੇ ਅਪਡੇਟ ’ਚ ਕਿਹਾ ਕਿ ਟੈਂਕਰ ’ਤੇ ਬਿਨਾਂ ਚਾਲਕ ਦਲ ਦੇ ਹਵਾਈ ਵਾਹਨ (ਡਰੋਨ) ਵੱਲੋਂ ਹਮਲਾ ਕੀਤਾ ਗਿਆ। ਸਥਾਨਕ ਅਧਿਕਾਰੀਆਂ ਨੇ ਚਾਲਕ ਦਲ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਵਾਤਾਵਰਣ ’ਤੇ ਇਸ ਦੇ ਪ੍ਰਭਾਵ ਬਾਰੇ ਤੁਰੰਤ ਕੋਈ ਜਾਣਕਾਰੀ ਉਪਲਬਧ ਨਹੀਂ ਹੈ।
ਅਮਰੀਕਾ ਨੇ ਈਰਾਨ ਦੀਆਂ ਕੁਝ ਸ਼ਰਤਾਂ ਸਵੀਕਾਰ ਕੀਤੀਆਂ | World News
ਇਸ ਦੌਰਾਨ, ਈਰਾਨੀ ਅਧਿਕਾਰੀ ਮੋਹਸੇਨ ਰੇਜ਼ਾਈ ਨੇ ਐਤਵਾਰ ਨੂੰ ਐਕਸ ’ਤੇ ਕਿਹਾ ਕਿ ਅਮਰੀਕਾ ਨੇ ਟਕਰਾਅ ਨੂੰ ਖਤਮ ਕਰਨ ਲਈ ਤਹਿਰਾਨ ਦੀਆਂ ਸੱਤ ਸ਼ਰਤਾਂ ਵਿੱਚੋਂ ਕੁਝ ਨੂੰ ਸਵੀਕਾਰ ਕਰ ਲਿਆ ਹੈ। ਈਰਾਨ ਦੀ ਸੁਪਰੀਮ ਨੈਸ਼ਨਲ ਸਿਕਿਓਰਿਟੀ ਕੌਂਸਲ ਦੇ ਸਕੱਤਰ ਰੇਜ਼ਾਈ ਨੇ ਕਿਹਾ, ‘ਅਮਰੀਕਾ ਈਰਾਨ ਦੀਆਂ ਸੱਤ ਸ਼ਰਤਾਂ ਵਿੱਚੋਂ ਕੁਝ ਨਾਲ ਸਹਿਮਤ ਹੋ ਗਿਆ ਹੈ, ਪਰ ਅਸੀਂ ਇਸਦੇ ਜਵਾਬ ਨੂੰ ਨਾਕਾਫ਼ੀ ਮੰਨਦੇ ਹਾਂ।’ ਰੇਜ਼ਾਈ ਨੇ ਵਾਸ਼ਿੰਗਟਨ ’ਤੇ ਹੋਰਮੁਜ਼ ਜਲਡਮਰੂ ਨੂੰ ਦੁਬਾਰਾ ਖੋਲ੍ਹਣ ’ਚ ਅਸਫਲ ਰਹਿਣ ਤੇ ‘ਤਸਕਰੀ’ ਦਾ ਸਹਾਰਾ ਲੈਣ ਦਾ ਦੋਸ਼ ਵੀ ਲਾਇਆ। ਉਨ੍ਹਾਂ ਲਿਖਿਆ, ‘ਹੁਣ, ਜਦੋਂ ਅਮਰੀਕੀ ਬੇੜਾ ਹੋਰਮੁਜ਼ ਨੂੰ ਦੁਬਾਰਾ ਖੋਲ੍ਹਣ ’ਚ ਅਸਫਲ ਰਿਹਾ, ਤਾਂ ਉਸਨੇ ਤਸਕਰੀ ਦਾ ਸਹਾਰਾ ਲਿਆ ਹੈ। ਅਮਰੀਕੀ ਫੌਜ ਕਦੇ ਵੀ ਇੰਨੇ ਸ਼ਰਮਨਾਕ ਪੱਧਰ ’ਤੇ ਨਹੀਂ ਡਿੱਗੀ ਸੀ।’ ਈਰਾਨ ਨੇ ਪੇਸ਼ਕਸ਼ ਕੀਤੀ ਹੈ ਕਿ ਜੇਕਰ ਵਾਸ਼ਿੰਗਟਨ ਆਪਣੀਆਂ ਮੰਗਾਂ ਨੂੰ ਸਵੀਕਾਰ ਕਰਦਾ ਹੈ ਤਾਂ ਸੱਤ ਦਿਨਾਂ ਦੇ ਅੰਦਰ ਆਮ ਸ਼ਿਪਿੰਗ ਬਹਾਲ ਕੀਤੀ ਜਾਵੇਗੀ। ਅਮਰੀਕਾ ਨੇ ਕਤਰ ਦੇ ਵਿਚੋਲਿਆਂ ਰਾਹੀਂ ਜਵਾਬ ਦਿੱਤਾ। World News
ਇਹ ਵੀ ਪੜ੍ਹੋ : Punjab Weather News: ਮੀਂਹ ਮਗਰੋਂ ਪੰਜਾਬ ਤੇ ਚੰਡੀਗੜ੍ਹ ’ਚ ਵਧੀ ਠੰਢ, ਵੱਧ ਤੋਂ ਵੱਧ ਤਾਪਮਾਨ 4.8 ਡਿਗਰੀ ਡਿੱਗਿਆ
