Kyle Jamieson Controversy: ਸੂਰਿਆਵੰਸ਼ੀ 'ਤੇ ਕਾਇਲ ਜੈਮੀਸਨ ਦੀ ਹਮਲਾਵਰ ਪ੍ਰਤੀਕਿਰਿਆ ਸਬੰਧੀ ਵੱਡਾ ਐਕਸ਼ਨ, ਕਾਰਵਾਈ ਦਾ ਕਰਨਾ ਪਿਆ ਸਾਹਮਣਾ

ਸਪੋਰਟਸ ਡੈਸਕ। ਕੱਲ੍ਹ ਦੇ ਆਈਪੀਐਲ ਮੈਚ ਦੌਰਾਨ ਨਿਊਜ਼ੀਲੈਂਡ ਦੇ ਤੇਜ਼ ਗੇਂਦਬਾਜ਼ ਕਾਇਲ ਜੈਮੀਸਨ ਦਾ ਵੈਭਵ ਸੂਰਿਆਵੰਸ਼ੀ ਨੂੰ ਅੱਖ ਦਿਖਾਉਣਾ ਮਹਿੰਗਾ ਪੈ ਗਿਆ। ਬੀਸੀਸੀਆਈ ਨੇ ਉਸਨੂੰ ਇੱਕ ਡੀਮੈਰਿਟ ਪੁਆਇੰਟ ਦਿੱਤਾ ਹੈ। ਇਹ ਕਾਰਵਾਈ ਆਚਾਰ ਸੰਹਿਤਾ ਤਹਿਤ ਕੀਤੀ ਗਈ ਹੈ, ਜੋ ਖਿਡਾਰੀਆਂ ਦੇ ਅਣਉਚਿਤ ਵਿਵਹਾਰ ਨੂੰ ਸਖ਼ਤੀ ਨਾਲ ਲਾਗੂ ਕਰਦੀ ਹੈ। ਸ਼ੁੱਕਰਵਾਰ ਨੂੰ ਦਿੱਲੀ ਕੈਪੀਟਲਸ ਤੇ ਰਾਜਸਥਾਨ ਰਾਇਲਜ਼ ਵਿਚਕਾਰ ਇੱਕ ਦਿਲਚਸਪ ਮੈਚ ਖੇਡਿਆ ਗਿਆ। ਦਿੱਲੀ ਦੇ ਗੇਂਦਬਾਜ਼ ਕਾਇਲ ਜੈਮੀਸਨ ਨੇ ਸੂਰਿਆਵੰਸ਼ੀ ਨੂੰ ਆਊਟ ਕਰਨ ਤੋਂ ਬਾਅਦ ਹਮਲਾਵਰ ਢੰਗ ਨਾਲ ਜਸ਼ਨ ਮਨਾਇਆ ਤੇ ਉਸ ਵੱਲ ਅੱਖ ਦਿਖਾਈ। ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਨੇ ਜੈਮੀਸਨ ਦੇ ਹਮਲਾਵਰ ਵਿਵਹਾਰ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਹੈ।

Read Also : Women's T20 World Cup Squad: ਵਿਸ਼ਵ ਚੈਂਪੀਅਨ ਟੀਮ ਤੋਂ ਕਿੰਨਾ ਬਦਲਿਆ ਭਾਰਤ ਦਾ Squad? ਹਰਲੀਨ ਤੇ ਪ੍ਰਤੀਕਾ ਵਰਗੇ ਨਾਂਅ ਬਾਹਰ

ਖਿਡਾਰੀਆਂ ਲਈ ਬਣੀ ਹੈ ਆਚਾਰ ਸੰਹਿਤਾ | Kyle Jamieson Controversy

ਆਈਪੀਐਲ ’ਚ ਖਿਡਾਰੀਆਂ ਤੇ ਟੀਮ ਅਧਿਕਾਰੀਆਂ ਲਈ ਆਚਾਰ ਸੰਹਿਤਾ ਹੈ। ਕਾਇਲ ਨੂੰ ਆਚਾਰ ਸੰਹਿਤਾ ਦੇ ਪੱਧਰ 1 ਦੀ ਉਲੰਘਣਾ ਕਰਨ ਲਈ ਇੱਕ ਡੀਮੈਰਿਟ ਪੁਆਇੰਟ ਤੇ ਚੇਤਾਵਨੀ ਦਿੱਤੀ ਗਈ ਹੈ। ਜੈਮੀਸਨ ਨੂੰ ਆਈਪੀਐਲ ਆਚਾਰ ਸੰਹਿਤਾ ਦੇ ਆਰਟੀਕਲ 2.5 ਦੀ ਉਲੰਘਣਾ ਕਰਨ ਲਈ ਪਾਇਆ ਗਿਆ, ਜੋ ਕਿ ਭਾਸ਼ਾ, ਕਾਰਵਾਈਆਂ ਜਾਂ ਇਸ਼ਾਰਿਆਂ ਦੀ ਵਰਤੋਂ ਨਾਲ ਸਬੰਧਤ ਹੈ ਜੋ ਮੈਚ ਦੌਰਾਨ ਕਿਸੇ ਹੋਰ ਖਿਡਾਰੀ ਨੂੰ ਅਪਮਾਨਜਨਕ ਜਾਂ ਹਮਲਾਵਰ ਪ੍ਰਤੀਕਿਰਿਆ ਭੜਕਾ ਸਕਦੇ ਹਨ।

ਸੋਸ਼ਲ ਮੀਡੀਆ ’ਤੇ ਫੈਲਿਆ ਵਿਵਾਦ

ਇਹ ਘਟਨਾ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਫੈਲ ਗਈ। ਕ੍ਰਿਕੇਟ ਪ੍ਰਸ਼ੰਸਕਾਂ ਨੇ ਜੈਮੀਸਨ ਦੇ ਵਿਵਹਾਰ ਦੀ ਆਲੋਚਨਾ ਕੀਤੀ, ਇਸ ਨੂੰ ਖੇਡ ਭਾਵਨਾ ਦੇ ਵਿਰੁੱਧ ਕਿਹਾ। ਇਸ ਵਿਵਹਾਰ, ਖਾਸ ਕਰਕੇ ਇੱਕ ਨੌਜਵਾਨ ਖਿਡਾਰੀ ਦੇ ਨਾਲ, ਦੀ ਸ਼ਲਾਘਾ ਨਹੀਂ ਕੀਤੀ ਗਈ। ਜੈਮੀਸਨ ਨੇ ਆਪਣੀ ਗਲਤੀ ਮੰਨ ਲਈ ਹੈ ਤੇ ਭਵਿੱਖ ਵਿੱਚ ਸੰਜਮ ਵਰਤਣ ਦੀ ਸਲਾਹ ਦਿੱਤੀ ਗਈ ਹੈ। ਕਾਇਲ ਜੈਮੀਸਨ ਦੇ ਹਮਲਾਵਰ ਜਸ਼ਨ ਬਾਵਜੂਦ, ਵੈਭਵ ਸੂਰਿਆਵੰਸ਼ੀ ਸ਼ਾਂਤ ਰਹੇ ਅਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ।