Rinku-Priya Engagement: ਕ੍ਰਿਕੇਟਰ ਰਿੰਕੂ ਸਿੰਘ ਤੇ ਸੰਸਦ ਮੈਂਬਰ ਪ੍ਰਿਆ ਦੀ ਹੋਈ ਮੰਗਣੀ, ਵੇਖੋ ਤਸਵੀਰਾਂ…

Rinku-Priya Engagement: ਲਖਨਊ (ਏਜੰਸੀ)। ਕ੍ਰਿਕੇਟਰ ਰਿੰਕੂ ਸਿੰਘ ਤੇ ਸਪਾ ਸੰਸਦ ਮੈਂਬਰ ਪ੍ਰਿਆ ਸਰੋਜ ਦੀ ਅੰਗੂਠੀ ਦੀ ਰਸਮ ਲਖਨਊ ਦੇ ‘ਦ ਸੈਂਟਰਮ’ ਹੋਟਲ ’ਚ ਹੋਈ। ਰਿੰਕੂ ਤੇ ਪ੍ਰਿਆ ਇੱਕ-ਦੂਜੇ ਦੇ ਹੱਥ ਫੜ ਕੇ ਹਾਲ ’ਚ ਪਹੁੰਚੇ। ਜਦੋਂ ਰਿੰਕੂ ਨੇ ਸਟੇਜ ’ਤੇ ਪ੍ਰਿਆ ਦੀ ਉਂਗਲੀ ’ਤੇ ਅੰਗੂਠੀ ਪਾਈ ਤਾਂ ਉਹ ਭਾਵੁਕ ਹੋ ਗਈ ਤੇ ਹੰਝੂਆਂ ’ਚ ਫੁੱਟ ਪਈ। ਰਿੰਕੂ ਨੇ ਉਨ੍ਹਾਂ ਨੂੂੰ ਸੰਭਾਲਿਆ। ਇਸ ਤੋਂ ਬਾਅਦ, ਦੋਵਾਂ ਨੇ ਆਪਣੇ ਹੱਥ ਚੁੱਕ ਕੇ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ ਤੇ ਸਮਾਰੋਹ ’ਚ ਆਏ ਲੋਕਾਂ ਦਾ ਧੰਨਵਾਦ ਕੀਤਾ। ਇਸ ਦੌਰਾਨ, ਪ੍ਰਿਆ ਨੇ ਗੁਲਾਬੀ ਰੰਗ ਦਾ ਲਹਿੰਗਾ ਪਾਇਆ ਹੋਇਆ ਸੀ, ਜਦੋਂ ਕਿ ਰਿੰਕੂ ਸਿੰਘ ਚਿੱਟੇ ਸ਼ੇਰਵਾਨੀ ’ਚ ਦਿਖਾਈ ਦੇ ਰਹੇ ਸਨ।

ਇਹ ਖਬਰ ਵੀ ਪੜ੍ਹੋ : Water Purifier: ਬਹੁਤ ਕੁਝ ਬਿਆਨਦੀ ਐ ਇਹ ਤਸਵੀਰ, ਪੜ੍ਹੋ ਤੇ ਜਾਣੋ, ਕਿੱਧਰ ਗਿਆ ਉਹ ਜ਼ਮਾਨਾ…

ਸ਼ਾਹਰੁਖ ਖਾਨ ਦੀ ਫਿਲਮ ‘ਡੰਕੀ’ ਦਾ ਗੀਤ ‘ਓ ਮਾਹੀ, ਓ ਮਾਹੀ’ ਬੈਕਗ੍ਰਾਊਂਡ ’ਚ ਚੱਲ ਰਿਹਾ ਸੀ। ਪ੍ਰਿਆ ਨੇ ਰਿੰਕੂ ਨੂੰ ਕੋਲਕਾਤਾ ਤੋਂ ਲਿਆਂਦੀ ਗਈ ਡਿਜ਼ਾਈਨਰ ਅੰਗੂਠੀ ਪਹਿਨਾਈ, ਜਦੋਂ ਕਿ ਰਿੰਕੂ ਨੇ ਪ੍ਰਿਆ ਨੂੰ ਮੁੰਬਈ ਤੋਂ ਖਰੀਦੀ ਗਈ ਡਿਜ਼ਾਈਨਰ ਅੰਗੂਠੀ ਪਹਿਨਾਈ। ਦੋਵਾਂ ਅੰਗੂਠੀਆਂ ਦੀ ਕੀਮਤ ਲਗਭਗ 2.5 ਲੱਖ ਰੁਪਏ ਹੈ। ਅੰਗੂਠੀ ਦੀ ਰਸਮ ਤੋਂ ਬਾਅਦ, ਅਖਿਲੇਸ਼ ਯਾਦਵ, ਡਿੰਪਲ ਯਾਦਵ, ਜਯਾ ਬੱਚਨ, ਸ਼ਿਵਪਾਲ ਯਾਦਵ ਸਮੇਤ 20 ਸੰਸਦ ਮੈਂਬਰ ਸਟੇਜ ’ਤੇ ਪਹੁੰਚੇ ਤੇ ਉਨ੍ਹਾਂ ਨੂੰ ਵਧਾਈ ਦਿੱਤੀ। ਅਖਿਲੇਸ਼ ਨੇ ਦੋਵਾਂ ਨਾਲ ਇੱਕ ਫੋਟੋ ਕਲਿੱਕ ਕੀਤੀ ਤੇ ਲੰਬੇ ਸਮੇਂ ਤੱਕ ਗੱਲਬਾਤ ਵੀ ਕੀਤੀ। Rinku-Priya Engagement

ਇਸ ਤੋਂ ਬਾਅਦ, ਰਿੰਗ ਸੈਰੇਮਨੀ ਤੋਂ ਬਾਅਦ, ਰਿੰਕੂ ਤੇ ਪ੍ਰਿਆ ਨੇ ਕੇਕ ਕੱਟਿਆ ਤੇ ਇੱਕ-ਦੂਜੇ ਨੂੰ ਖੁਆਇਆ। ਰਿੰਗ ਸੈਰੇਮਨੀ ਤੋਂ ਪਹਿਲਾਂ, ਦੋਵਾਂ ਨੇ ਹੋਟਲ ਦੇ ਲਾਅਨ ’ਚ ਇੱਕ ਫੋਟੋਸ਼ੂਟ ਕਰਵਾਇਆ। ਪ੍ਰਿਆ ਦੇ ਵਿਧਾਇਕ ਪਿਤਾ ਤੁਫਾਨੀ ਸਰੋਜ ਨੇ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਬੀਸੀਸੀਆਈ ਦੇ ਉਪ-ਪ੍ਰਧਾਨ ਰਾਜੀਵ ਸ਼ੁਕਲਾ, ਸਾਬਕਾ ਕ੍ਰਿਕੇਟਰ ਪਿਊਸ਼ ਚਾਵਲਾ ਤੇ ਪ੍ਰਵੀਨ ਕੁਮਾਰ ਵੀ ਰਿੰਗ ਸੈਰੇਮਨੀ ’ਚ ਮੌਜ਼ੂਦ ਸਨ। ਇਸ ਤੋਂ ਪਹਿਲਾਂ, ਐਤਵਾਰ ਸਵੇਰੇ, ਰਿੰਕੂ ਹੋਟਲ ’ਚ ਆਪਣੇ ਪਰਿਵਾਰ ਨਾਲ ਨਾਸ਼ਤਾ ਕਰ ਰਹੇ ਸਨ ਜਦੋਂ ਪ੍ਰਿਆ ਸਰੋਜ ਪਹੁੰਚੀ। ਰਿੰਕੂ ਨੇ ਉਨ੍ਹਾਂ ਨੂੰ ‘ਹੈਲੋ’ ਕਿਹਾ ਤੇ ਵੇਟਰ ਤੋਂ ਉਨ੍ਹਾਂ ਦੇ ਕਮਰੇ ਦਾ ਐਕਸੈਸ ਕਾਰਡ ਲਿਆ। ਪ੍ਰਿਆ ਰਿੰਕੂ ਦੇ ਕਮਰੇ ’ਚ ਚਲੀ ਗਈ। ਉਹ ਰਿੰਕੂ ਦਾ ਕੋਟ-ਪੈਂਟ ਉੱਥੇ ਰੱਖ ਕੇ ਵਾਪਸ ਆ ਗਈ। Rinku-Priya Engagement