ਮਨੀਲਾ (ਏਜੰਸੀ)। ਸ਼ੁੱਕਰਵਾਰ ਨੂੰ ਫਿਲੀਪੀਨਜ਼ ’ਚ ਸਿਖਲਾਈ ਦੌਰਾਨ ਦੋ ਹਵਾਈ ਸੈਨਾ ਦੇ ਜਹਾਜ਼ ਟਕਰਾ ਗਏ। ਇਸ ’ਚ ਸਵਾਰ ਸਾਰੇ ਚਾਰ ਪਾਇਲਟ ਮਾਰੇ ਗਏ ਹਨ। ਇਹ ਹਾਦਸਾ ਮਨੀਲਾ ਦੇ ਦੱਖਣ ’ਚ ਲੀਪਾ ਸਿਟੀ ’ਚ ਫਰਨਾਂਡੋ ਏਅਰ ਬੇਸ ਨੇੜੇ ਦੁਪਹਿਰ 3:51 ਵਜੇ ਵਾਪਰਿਆ। ਦੋਵੇਂ ਐਸਐਫ-260 ਜਹਾਜ਼ ਘੱਟ ਉਚਾਈ ’ਤੇ ਉੱਡ ਰਹੇ ਸਨ। ਇੱਕ ਜਹਾਜ਼ ਦੇ ਟੁਕੜੇ ਫੌਜੀ ਬੈਰਕਾਂ ਦੇ ਨੇੜੇ ਡਿੱਗ ਗਏ। ਫਿਲੀਪੀਨਜ਼ ਹਵਾਈ ਸੈਨਾ ਨੇ ਜਾਂਚ ਪੂਰੀ ਹੋਣ ਤੱਕ ਐਸਐਫ-260 ਜਹਾਜ਼ ਉਡਾਣ ਨਹੀਂ ਭਰਨਗੇ। ਇਹ ਇਸ ਸਾਲ ਦੁਨੀਆ ’ਚ ਪੰਜਵੀਂ ਵੱਡੀ ਹਵਾਈ ਟੱਕਰ ਹੈ।
ਜਹਾਜ਼ਾਂ ਦੇ ਟੁੱਕੜੇ ਫੌਜੀ ਬੈਰਕਾਂ ਦੇ ਨੇੜੇ ਡਿੱਗੇ
ਐਸਐਫ-260 ਇਤਾਲਵੀ-ਬਣੇ ਸਿਖਲਾਈ ਜਹਾਜ਼ ਹਨ। ਫਿਲੀਪੀਨਜ਼ ਨੇ 2010-11 ਦੌਰਾਨ ਇੱਕ ਇਤਾਲਵੀ ਕੰਪਨੀ ਤੋਂ ਅਜਿਹੇ 18 ਜਹਾਜ਼ ਖਰੀਦੇ ਸਨ। ਇਨ੍ਹਾਂ ਦੀ ਵਰਤੋਂ ਹਵਾਈ ਸੈਨਾ ਦੇ ਪਾਇਲਟਾਂ ਨੂੰ ਸਿਖਲਾਈ ਦੇਣ ਲਈ ਕੀਤੀ ਜਾਂਦੀ ਹੈ। ਫਿਲੀਪੀਨਜ਼ ਫੌਜ ਲੰਬੇ ਸਮੇਂ ਤੋਂ ਆਪਣੇ ਫੌਜੀ ਉਪਕਰਣਾਂ ਨੂੰ ਆਧੁਨਿਕ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਪਰ ਲੋੜੀਂਦਾ ਬਜਟ ਵਧਾਉਣਾ ਇੱਕ ਚੁਣੌਤੀ ਰਿਹਾ ਹੈ। ਦੇਸ਼ ਨੂੰ ਆਪਣੀ ਹਵਾਈ ਸੈਨਾ ਦੇ ਨਾਲ-ਨਾਲ ਆਪਣੀ ਜਲ ਸੈਨਾ ਤੇ ਫੌਜ ਦੀਆਂ ਸਮਰੱਥਾਵਾਂ ਨੂੰ ਵਧਾਉਣ ਦੀ ਜ਼ਰੂਰਤ ਹੈ। ਦੱਖਣੀ ਚੀਨ ਸਾਗਰ ’ਚ ਚੀਨ ਨਾਲ ਵਧ ਰਹੇ ਖੇਤਰੀ ਤਣਾਅ ਵਿਚਕਾਰ ਇਹ ਲੋੜ ਹੋਰ ਵੀ ਜ਼ਰੂਰੀ ਹੋ ਗਈ ਹੈ। ਬਹੁਤ ਸਾਰੇ ਫੌਜੀ ਆਧੁਨਿਕੀਕਰਨ ਪ੍ਰੋਜੈਕਟਾਂ ਨੂੰ ਫੰਡਾਂ ਦੀ ਘਾਟ ਤੇ ਪੂਰਾ ਹੋਣ ਵਿੱਚ ਦੇਰੀ ਵਰਗੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ।
ਇਹ ਵੀ ਪੜ੍ਹੋ : Sunam News: ਕੈਮਿਸਟ ਐਸੋਸੀਏਸ਼ਨ ਨੇ ਕੈਬਨਿਟ ਮੰਤਰੀ ਅਮਨ ਅਰੋੜਾ ਤੇ ਸਿਹਤ ਮੰਤਰੀ ਡਾ. ਬਲਵੀਰ ਸਿੰਘ ਨਾਲ ਮੁਲਾਕਾਤ ਕੀਤੀ
