ਡੀਏਐੱਲਐੱਡ ਦੇ ਪੇਪਰ 27 ਤੋਂ 4 ਅਗਸਤ ਤੱਕ | HBSE Date Sheet
ਭਿਵਾਨੀ, (ਸੱਚ ਕਹੂੰ ਨਿਊਜ਼)। ਹਰਿਆਣਾ ਸਕੂਲ ਸਿੱਖਿਆ ਬੋਰਡ ਦੀ ਸੀਨੀਅਰ ਸੈਕੰਡਰੀ ਇੱਕ ਰੋਜਾ ਇੱਕ ਰੋਜਾ (ਅਕਾਦਮਿਕ) ਪ੍ਰੀਖਿਆ 26 ਜੁਲਾਈ ਅਤੇ ਸੈਕੰਡਰੀ (ਅਕਾਦਮਿਕ) ਅਤੇ ਡੀਐਲਈਡੀ ਜੁਲਾਈ-2023 ਦੀਆਂ ਪ੍ਰੀਖਿਆਵਾਂ 27 ਜੁਲਾਈ ਤੋਂ ਹੋਣਗੀਆਂ। ਪ੍ਰੀਖਿਆਵਾਂ ਦੀ ਸ਼ੋਧੀ ਹੋਈ ਡੇਟ ਸ਼ੀਟ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ ’ਤੇ ਉਪਲਬਧ ਹੈ। ਬੋਰਡ ਦੇ ਪ੍ਰਧਾਨ ਡਾ. ਵੀ.ਪੀ. ਯਾਦਵ ਨੇ ਦੱਸਿਆ ਕਿ ਹਰਿਆਣਾ ਰਾਜ ’ਚ ਭਾਰੀ ਮੀਂਹ/ਹੜ੍ਹਾਂ ਕਾਰਨ ਜੁਲਾਈ-2023 ਦੀਆਂ ਪ੍ਰੀਖਿਆਵਾਂ, ਜੋ ਕਿ 20 ਅਤੇ 21 ਜੁਲਾਈ ਤੋਂ ਸ਼ੁਰੂ ਹੋਣੀਆਂ ਸਨ, ਮੁਲਤਵੀ ਕਰ ਦਿੱਤੀਆਂ ਗਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਸੀਨੀਅਰ ਸੈਕੰਡਰੀ (ਅਕਾਦਮਿਕ) ਕੰਪਾਰਟਮੈਂਟ, ਵਾਧੂ ਵਿਸੇ, ਅੰਸ਼ਿਕ, ਅੰਕ ਸੁਧਾਰ, ਇਕ ਵਿਸ਼ੇ ਦੀ ਇਕ ਰੋਜਾ ਪ੍ਰੀਖਿਆ 26 ਜੁਲਾਈ ਨੂੰ ਕਰਵਾਈ ਜਾਵੇਗੀ। (HBSE Date Sheet)
ਇਹ ਵੀ ਪੜ੍ਹੋ : ਉਤਰਾਖੰਡ : ਟਰਾਂਸਫਾਰਮਰ ’ਚ ਧਮਾਕਾ, 15 ਦੀ ਮੌਤ
ਉਨ੍ਹਾਂ ਦੱਸਿਆ ਕਿ ਸੈਕੰਡਰੀ (ਅਕਾਦਮਿਕ) ਕੰਪਾਰਟਮੈਂਟ, ਵਾਧੂ ਵਿਸ਼ਾ, ਪੂਰੇ ਵਿਸ਼ੇ, ਅੰਸ਼ਿਕ ਅੰਕ ਸੁਧਾਰ ਅਤੇ ਵਿਸ਼ੇਸ਼ ਮੌਕੇ ਦੀਆਂ ਪ੍ਰੀਖਿਆਵਾਂ 27 ਜੁਲਾਈ ਤੋਂ ਸ਼ੁਰੂ ਹੋ ਕੇ 4 ਅਗਸਤ ਤੱਕ ਚੱਲਣਗੀਆਂ। ਬੋਰਡ ਸਕੱਤਰ ਕ੍ਰਿਸ਼ਨ ਕੁਮਾਰ ਨੇ ਦੱਸਿਆ ਕਿ ਡੀ.ਐਲ.ਡੀ. ਦਾਖਲਾ ਸਾਲ 2020, 2021 ਅਤੇ 2022 ਪਹਿਲੇ ਸਾਲ ਦੇ ਰੈਗੂਲਰ ਅਤੇ ਰੀ-ਅਪੀਅਰ ਅਤੇ ਦਾਖਲਾ ਸਾਲ-2016-2018, 2017-2019, 2018-2020 ਅਤੇ 2019-2021 ਮਰਸੀ ਚਾਂਸ ਪਹਿਲੇ ਸਾਲ ਦੀਆਂ ਪ੍ਰੀਖਿਆਵਾਂ 27 ਜੁਲਾਈ ਤੋਂ 22 ਅਗਸਤ ਤੱਕ ਸ਼ੁਰੂ ਹੋਣਗੀਆਂ। (HBSE Date Sheet)
ਇਹ ਵੀ ਪੜ੍ਹੋ : ਹੜ੍ਹਾਂ ਦੀ ਮਾਰ : ਪੰਜਾਬ ਦੇ 7 ਪਿੰਡਾਂ ਦਾ ਦੇਸ਼ ਨਾਲੋਂ ਸੰਪਰਕ ਟੁੱਟਿਆ
ਉਨ੍ਹਾਂ ਦੱਸਿਆ ਕਿ ਇਸੇ ਤਰ੍ਹਾਂ ਦਾਖਲਾ ਸਾਲ 2020 ਅਤੇ 2021 ਲਈ ਦੂਜੇ ਸਾਲ ਦੀ ਰੈਗੂਲਰ ਅਤੇ ਰੀ-ਅਪੀਅਰ ਪ੍ਰੀਖਿਆਵਾਂ ਅਤੇ ਦਾਖਲਾ ਸਾਲ 2016-2018, 2017-2019, 2018-2020 ਅਤੇ 2019-2021 ਲਈ ਮਰਸੀ ਚਾਂਸ ਦੂਜੇ ਸਾਲ ਦੀਆਂ ਪ੍ਰੀਖਿਆਵਾਂ ਸ਼ੁਰੂ ਹੋਣਗੀਆਂ। ਉਨ੍ਹਾਂ ਦੱਸਿਆ ਕਿ ਪ੍ਰੀਖਿਆਵਾਂ ਦਾ ਸਮਾਂ ਦੁਪਹਿਰ 2 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਹੋਵੇਗਾ। (HBSE Date Sheet)
