Punjab
Murder: (ਗੁਰਜੀਤ ਸ਼ੀਂਹ) ਸਰਦੂਲਗੜ। ਪੁਲਿਸ ਥਾਣਾ ਜੌੜਕੀਆਂ ਦੇ ਪਿੰਡ ਜੌੜਕੀਆਂ ਵਿਖੇ ਬਜ਼ੁਰਗ ਮਾਤਾ ਦੇ ਅਣਪਛਾਤਿਆਂ ਵੱਲੋਂ ਕਤਲ ਕੀਤੇ ਜਾਣ ਦੀ ਖਬਰ ਹੈ। ਪ੍ਰਾਪਤ ਕੀਤੀ ਜਾਣਕਾਰੀ ਅਨੁਸਾਰ ਸੁਖਦੇਵ ਕੌਰ ਪਤਨੀ ਭਜਨ ਸਿੰਘ ਜੋ ਕਿ ਫੋਟੋਗ੍ਰਾਫਰ ਨਛੱਤਰ ਸਿੰਘ ਮੌੜ ਦੀ ਮਾਤਾ ਹਨ। ਪਰਿਵਾਰਿਕ ਮੈਂਬਰਾਂ ਨੇ ਦੱਸਿਆ ਕਿ 14 ਮਈ ਨੂੰ ਉਹ ਰੋਜ਼ਾਨਾ ਦੀ ਤਰ੍ਹਾਂ ਗੁਰੂ ਘਰ ਗਈ ਸੀ। ਜਿਸਦੇ ਕੰਨਾਂ ਵਿੱਚ ਸੋਨਾ ਹੋਣ ਕਰਕੇ ਉਸਨੂੰ ਪਿੰਡ ਦੇ ਹੀ ਕੁਝ ਵਿਅਕਤੀਆਂ ਨੇ ਲਾਲਚ ’ਚ ਆ ਕੇ ਉਸ ਦੇ ਕੰਨਾਂ ’ਚ ਪਾਇਆ ਸੋਨਾ ਲਾਹ ਕੇ ਉਸ ਦਾ ਆਪਣੇ ਘਰ ’ਚ ਕਤਲ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ: Barnala Crime News: ਬਰਨਾਲਾ ਪੁਲਿਸ ਨੇ ਵੱਖ-ਵੱਖ ਥਾਵਾਂ ’ਤੇ ਲੁੱਟਾਂ- ਖੋਹਾਂ ਦੀਆਂ ਵਾਰਦਾਤਾਂ ਕਰਨ ਦੇ ਦੋਸ਼ ’ਚ 4 ਜਣਿਆਂ ਨੂੰ ਫੜਿਆ
ਪੁਲਿਸ ਥਾਣਾ ਜੌੜਕੀਆਂ ਦੇ ਮੁਖੀ ਬਲਵੀਰ ਸਿੰਘ ਨੇ ਦੱਸਿਆ ਕਿ 90 ਸਾਲਾਂ ਬਜ਼ੁਰਗ ਮਾਤਾ ਸੁਖਦੇਵ ਕੌਰ ਪਤਨੀ ਭਜਨ ਸਿੰਘ ਰੋਜ਼ਾਨਾ ਦੀ ਤਰ੍ਹਾਂ ਗੁਰੂ ਘਰ ਜਾਂਦੀ ਸੀ। ਉਸਦੇ ਕੰਨਾਂ ’ਚ ਸੋਨਾ ਪਾਇਆ ਹੋਣ ਕਰਕੇ ਪਿੰਡ ਦੇ ਹੀ ਜਗਸੀਰ ਸਿੰਘ ਵਿਅਕਤੀ ਨੇ ਸੋਨੇ ਦਾ ਲਾਲਚ ਵੇਖਦਿਆਂ ਉਸਨੂੰ ਆਪਣੇ ਸੁੰਨੀ ਗਲੀ ਵੇਖਧਿਆਂ ਆਪਣੇ ਘਰ ਲਿਜਾ ਕੇ ਉਸ ਦੇ ਗਲ ਘੁੱਟ ਕੇ ਕਤਲ ਕਰ ਦਿੱਤਾ ਅਤੇ ਸੋਨਾ ਲਾਹ ਲਿਆ। ਪਿੰਡ ਵਿੱਚ ਔਰਤ ਦੇ ਗੁੰਮ ਹੋਣ ’ਤੇ ਪਿੰਡ ਦੀ ਪੰਚਾਇਤ ਅਤੇ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਪੁਲਿਸ ਨੇ ਜਾਂਚ ਕਰਦਿਆਂ ਇਸ ਮਾਮਲੇ ਵਿੱਚ ਮ੍ਰਿਤਕ ਮਾਤਾ ਦੇ ਸਪੁੱਤਰ ਜਸਵੀਰ ਸਿੰਘ ਦੇ ਬਿਆਨਾਂ ’ਤੇ ਜਗਸੀਰ ਸਿੰਘ ਪੁੱਤਰ ਪਾਲਾ ਸਿੰਘ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਦਿੱਤੀ ਹੈ। ਪੁਲਿਸ ਨੇ ਮ੍ਰਿਤਕ ਮਾਤਾ ਦਾ ਪੋਸਟਮਾਰਟਮ ਹਸਪਤਾਲ ਸਰਦੂਲਗੜ੍ਹ ਤੋਂ ਕਰਵਾ ਕੇ ਵਾਰਸਾਂ ਨੂੰ ਸੌਂਪ ਦਿੱਤੀ।
About The Author
