ਕਪਤਾਨ ਰੋਹਿਤ ਸ਼ਰਮਾ ਹੋ ਸਕਦੇ ਹਨ 1 ਟੈਸਟ ਤੋਂ ਬਾਹਰ | IND vs AUS
- ਕਪਤਾਨ ਨੇ ਬੀਸੀਸੀਆਈ ਨੂੰ ਕੀਤਾ ਸੂਚਿਤ
ਸਪੋਰਟਸ ਡੈਸਕ। IND vs AUS: ਭਾਰਤ ਦੇ ਟੈਸਟ ਤੇ ਇੱਕਰੋਜ਼ਾ ਫਾਰਮੈਟ ’ਚ ਕਪਤਾਨ ਰੋਹਿਤ ਸ਼ਰਮਾ ਅਸਟਰੇਲੀਆ ’ਚ ਇੱਕ ਟੈਸਟ ਮੈਚ ਤੋਂ ਬਾਹਰ ਹੋ ਸਕਦੇ ਹਨ। ਉਨ੍ਹਾਂ ਬੀਸੀਸੀਆਈ ਨੂੰ ਸੂਚਿਤ ਕੀਤਾ ਹੈ ਕਿ ਨਿੱਜੀ ਕਾਰਨਾਂ ਕਰਕੇ ਉਨ੍ਹਾਂ ਲਈ ਪਹਿਲੇ ਦੋ ਟੈਸਟਾਂ ’ਚੋਂ ਕਿਸੇ ’ਚ ਵੀ ਖੇਡਣਾ ਮੁਸ਼ਕਲ ਹੈ। ਜੇਕਰ ਸੀਰੀਜ ਸ਼ੁਰੂ ਹੋਣ ਤੋਂ ਪਹਿਲਾਂ ਨਿੱਜੀ ਮਾਮਲਾ ਸੁਲਝ ਜਾਂਦਾ ਹੈ ਤਾਂ ਉਹ ਸਾਰੇ ਮੈਚ ਖੇਡਣਗੇ। ਅਸਟਰੇਲੀਆ ਤੇ ਭਾਰਤ ਵਿਚਾਲੇ 5 ਟੈਸਟ ਮੈਚਾਂ ਦੀ ਬਾਰਡਰ ਗਾਵਸਕਰ ਸੀਰੀਜ 22 ਨਵੰਬਰ ਤੋਂ ਸ਼ੁਰੂ ਹੋਣ ਵਾਲੀ ਹੈ। ਪਹਿਲਾ ਮੈਚ ਪਰਥ ’ਚ ਖੇਡਿਆ ਜਾਣਾ ਹੈ। ਭਾਰਤ ਨੇ ਵਿਰਾਟ ਕੋਹਲੀ ਤੇ ਅਜਿੰਕਿਆ ਰਹਾਣੇ ਦੀ ਕਪਤਾਨੀ ’ਚ ਅਸਟਰੇਲੀਆ ’ਚ ਪਿਛਲੀਆਂ 2 ਟੈਸਟ ਸੀਰੀਜ ਜਿੱਤੀਆਂ ਸਨ। Rohit Sharma
Read This : Harry Brook: ਟੁੱਟਿਆ ਸਹਿਵਾਗ ਦਾ ਰਿਕਾਰਡ, ਹੈਰੀ ਬਰੂਕ ਬਣੇ ਮੁਲਤਾਨ ਦੇ ਨਵੇਂ ਸੁਲਤਾਨ, ਪੜ੍ਹੋ ਕਿਵੇਂ
BCCI ਨੂੰ ਕੀਤਾ ਪਹਿਲਾਂ ਹੀ ਸੂਚਿਤ
ਮਿਲੀ ਜਾਣਕਾਰੀ ਮੁਤਾਬਕ ਰੋਹਿਤ ਨੇ ਆਪਣੀ ਨਿੱਜੀ ਸਮੱਸਿਆ ਬਾਰੇ ਬੋਰਡ ਨੂੰ ਪਹਿਲਾਂ ਹੀ ਸੂਚਿਤ ਕਰ ਦਿੱਤਾ ਹੈ। ਰੋਹਿਤ ਨੇ ਕਿਹਾ ਹੈ ਕਿ ਉਹ ਪਹਿਲੇ ਦੋ ਟੈਸਟਾਂ ’ਚੋਂ ਇੱਕ ਤੋਂ ਬਾਹਰ ਹੋ ਸਕਦੇ ਹਨ। ਜੇਕਰ ਨਿੱਜੀ ਸਮੱਸਿਆ ਹੱਲ ਹੋ ਜਾਂਦੀ ਹੈ ਤਾਂ ਉਹ ਪੂਰੀ ਸੀਰੀਜ਼ ਖੇਡਣਗੇ। IND vs AUS
ਦੂਜਾ ਟੈਸਟ 6 ਦਸੰਬਰ ਤੋਂ
ਟੀਮ ਇੰਡੀਆ 3 ਸਾਲ ਬਾਅਦ ਅਸਟਰੇਲੀਆ ’ਚ ਟੈਸਟ ਸੀਰੀਜ ਖੇਡਣ ਜਾ ਰਹੀ ਹੈ। ਪਹਿਲਾ ਮੈਚ 22 ਨਵੰਬਰ ਤੋਂ ਪਰਥ ’ਚ ਤੇ ਦੂਜਾ ਮੈਚ 6 ਦਸੰਬਰ ਤੋਂ ਐਡੀਲੇਡ ’ਚ ਖੇਡਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਟੀਮ 16 ਅਕਤੂਬਰ ਤੋਂ ਭਾਰਤ ’ਚ ਨਿਊਜੀਲੈਂਡ ਖਿਲਾਫ 3 ਟੈਸਟ ਮੈਚਾਂ ਦੀ ਸੀਰੀਜ ਵੀ ਖੇਡੇਗੀ। ਟੀਮ ਇੰਡੀਆ ਨੇ 2014 ਤੋਂ ਬਾਅਦ ਅਸਟਰੇਲੀਆ ਖਿਲਾਫ ਕੋਈ ਟੈਸਟ ਸੀਰੀਜ ਨਹੀਂ ਹਾਰੀ ਹੈ। ਇਸ ਦੌਰਾਨ ਟੀਮ ਨੇ ਵਿਰਾਟ ਕੋਹਲੀ ਦੀ ਕਪਤਾਨੀ ’ਚ 2 ਸੀਰੀਜਾਂ ਵੀ ਜਿੱਤੀਆਂ।
ਕੌਣ ਕਰੇਗਾ ਕਪਤਾਨ? | IND vs AUS
ਬੰਗਲਾਦੇਸ਼ ਖਿਲਾਫ ਟੈਸਟ ਸੀਰੀਜ ਦੇ ਦੌਰਾਨ ਟੀਮ ਇੰਡੀਆ ਦੇ ਸਹਾਇਕ ਕੋਚ ਅਭਿਸ਼ੇਕ ਨਾਇਰ ਨੇ ਕਿਹਾ ਸੀ, ‘ਟੀਮ ’ਚ ਸ਼ੁਭਮਨ ਗਿੱਲ, ਰਿਸ਼ਭ ਪੰਤ ਤੇ ਕੇਐਲ ਰਾਹੁਲ ਦੇ ਰੂਪ ’ਚ ਕੁਝ ਆਈਪੀਐਲ ਕਪਤਾਨ ਹਨ। ਬੇਸ਼ੱਕ ਹਰ ਉਮਰ ਦੇ ਨੌਜਵਾਨ ਹਨ, ਪਰ ਇਨ੍ਹਾਂ ਸਾਰਿਆਂ ਦੇ ਖੇਡੇ ਗਏ ਮੈਚਾਂ ਦੀ ਗਿਣਤੀ ਨੂੰ ਵੇਖਦੇ ਹੋਏ, ਉਨ੍ਹਾਂ ਨੂੰ ਨੌਜਵਾਨ ਕਹਿਣਾ ਬੇਵਕੂਫੀ ਹੋਵੇਗੀ। ਹਰ ਕਿਸੇ ’ਚ ਲੀਡਰਸ਼ਿਪ ਦਾ ਗੁਣ ਹੁੰਦਾ ਹੈ, ਇਸ ਲਈ ਫਿਲਹਾਲ ਟੀਮ ਦੇ ਉਪ ਕਪਤਾਨ ਬਾਰੇ ਜ਼ਿਆਦਾ ਸੋਚਣ ਦੀ ਲੋੜ ਨਹੀਂ ਹੈ।
ਰੋਹਿਤ ਦੀ ਜਗ੍ਹਾ ਕੌਣ ਕਰੇਗਾ ਓਪਨਿੰਗ?
ਜੇਕਰ ਰੋਹਿਤ ਸ਼ੁਰੂਆਤੀ ਮੈਚ ਨਹੀਂ ਖੇਡਦੇ ਤਾਂ ਟੀਮ ’ਚ ਸ਼ੁਭਮਨ ਗਿੱਲ ਤੇ ਕੇਐੱਲ ਰਾਹੁਲ ਦੇ ਰੂਪ ’ਚ ਦੋ ਬੈਕਅੱਪ ਸਲਾਮੀ ਓਪਨਰ ਬੱਲੇਬਾਜ ਹਨ। ਇਨ੍ਹਾਂ ਤੋਂ ਇਲਾਵਾ ਘਰੇਲੂ ਕ੍ਰਿਕੇਟ ’ਚ ਚੰਗਾ ਪ੍ਰਦਰਸ਼ਨ ਕਰਨ ਵਾਲੇ ਅਭਿਮਨਿਊ ਈਸ਼ਵਰਨ ਵੀ ਇਸ ਦੌਰਾਨ ਭਾਰਤ ‘ਏ’ ਟੀਮ ਨਾਲ ਅਸਟਰੇਲੀਆ ’ਚ ਰਹਿਣਗ। ਰੋਹਿਤ ਦੀ ਜਗ੍ਹਾ ਤਿੰਨਾਂ ’ਚੋਂ ਕੋਈ ਵੀ ਓਪਨਿੰਗ ਸਥਿਤੀ ਨੂੰ ਸੰਭਾਲ ਸਕਦਾ ਹੈ। ਇਨ੍ਹਾਂ ਤੋਂ ਇਲਾਵਾ ਭਾਰਤ ਨੇ ਇਸ ਸਾਲ ਦੇਵਦੱਤ ਪਾਡੀਕਲ ਤੇ ਰਜਤ ਪਾਟੀਦਾਰ ਨੂੰ ਵੀ ਟੈਸਟ ਡੈਬਿਊ ਕਰਨ ਦਾ ਮੌਕਾ ਦਿੱਤਾ। ਇਹ ਦੋਵੇਂ ਖਿਡਾਰੀ ਸ਼ੁਰੂਆਤੀ ਸਥਿਤੀ ਨੂੰ ਵੀ ਸੰਭਾਲ ਸਕਦੇ ਹਨ।
ਰੋਹਿਤ ਨੇ 18 ਟੈਸਟਾਂ ’ਚ ਕੀਤੀ ਹੈ ਭਾਰਤੀ ਟੀਮ ਦੀ ਕਪਤਾਨੀ
ਵਿਰਾਟ ਕੋਹਲੀ ਦੇ ਕਪਤਾਨੀ ਛੱਡਣ ਤੋਂ ਬਾਅਦ ਰੋਹਿਤ ਸ਼ਰਮਾ ਨੇ 2022 ’ਚ ਟੈਸਟ ਫਾਰਮੈਟ ’ਚ ਕਪਤਾਨੀ ਸੰਭਾਲੀ ਸੀ। ਹੁਣ ਤੱਕ ਉਨ੍ਹਾਂ ਨੇ 18 ਟੈਸਟ ਮੈਚਾਂ ’ਚ ਕਪਤਾਨੀ ਕਰਦੇ ਹੋਏ 12 ਮੈਚ ਜਿੱਤੇ ਹਨ। ਟੀਮ ਸਿਰਫ 4 ਟੈਸਟ ਮੈਚ ਹਾਰੇ ਹਨ, ਜਦਕਿ 2 ਟੈਸਟ ਮੈਚ ਡਰਾਅ ਵੀ ਰਹੇ ਹਨ। IND vs AUS
