ਗੁੱਸੇ ’ਚ ਆਏ ਬਿਡੇਨ ਨੇ ਕਿਹਾ, ਹੁਣ ਕੀਮਤ ਚੁਕਾਵੇਗਾ ਹਮਾਂਸ | Israel-Hamas War
Israel-Hamas War: ਗਾਜਾ ਪੱਟੀ (ਏਜੰਸੀ)। ਫਲਸਤੀਨ ਦੀ ਗਾਜਾ ਪੱਟੀ ’ਤੇ ਪਿਛਲੇ ਦੋ ਦਿਨਾਂ ਦੌਰਾਨ ਇਜਰਾਈਲੀ ਹਵਾਈ ਹਮਲਿਆਂ ’ਚ ਘੱਟੋ-ਘੱਟ 89 ਲੋਕ ਮਾਰੇ ਗਏ ਹਨ ਤੇ 205 ਹੋਰ ਜ਼ਖਮੀ ਹੋ ਗਏ ਹਨ। ਸਿਹਤ ਮੰਤਰਾਲੇ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਮੰਤਰਾਲੇ ਨੇ ਕਿਹਾ, ‘ਪਿਛਲੇ 48 ਘੰਟਿਆਂ ’ਚ, ਇਜਰਾਈਲੀ ਕਬਜਾਧਾਰੀ ਬਲਾਂ ਨੇ ਗਾਜਾ ਪੱਟੀ ’ਚ ਪੰਜ ਪਰਿਵਾਰਾਂ ਨੂੰ ਮਾਰ ਦਿੱਤਾ ਹੈ। ਜਿਸ ’ਚ 89 ਲੋਕਾਂ ਦੀ ਮੌਤ ਹੋ ਗਈ ਤੇ 205 ਜਖਮੀਆਂ ਨੂੰ ਵੱਖ-ਵੱਖ ਹਸਪਤਾਲਾਂ ’ਚ ਦਾਖਲ ਕਰਵਾਇਆ ਗਿਆ ਹੈ। ਰਫਾਹ ਨੇੜੇ ਹਮਾਸ ਸੁਰੰਗ ’ਚੋਂ 6 ਬੰਧਕਾਂ ਦੀਆਂ ਲਾਸ਼ਾਂ ਮਿਲੀਆਂ ਹਨ, ਜਿਨ੍ਹਾਂ ’ਚ ਅਮਰੀਕੀ ਨਾਗਰਿਕ ਹਰਸ ਗੋਲਡਬਰਗ-ਪੋਲਿਨ ਵੀ ਸ਼ਾਮਲ ਹੈ।
ਖਬਰਾਂ ਦੀ ਪੁਸ਼ਟੀ ਹੋਣ ਤੋਂ ਬਾਅਦ, ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ ਗੁੱਸੇ ’ਚ ਆ ਗਏ, ਹਮਾਸ ਨੂੰ ਚੇਤਾਵਨੀ ਦਿੱਤੀ ਕਿ ‘ਹਮਾਸ ਨੂੰ ਆਪਣੇ ਅਪਰਾਧਾਂ ਦੀ ਕੀਮਤ ਚੁਕਾਉਣੀ ਪਵੇਗੀ।’ ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਗਾਜਾ ’ਚ ਫਲਸਤੀਨੀਆਂ ਦੀ ਮੌਤ ਦੀ ਗਿਣਤੀ 40,691 ਤੱਕ ਪਹੁੰਚ ਗਈ, ਜਦੋਂ ਕਿ ਪਿਛਲੇ ਸਾਲ 7 ਅਕਤੂਬਰ ਨੂੰ ਹਮਾਸ ਨੇ ਇਜਰਾਈਲ ’ਤੇ ਵੱਡਾ ਹਮਲਾ ਕੀਤਾ ਸੀ। ਇਸ ਹਮਲੇ ਵਿੱਚ ਲਗਭਗ 1,200 ਲੋਕ ਮਾਰੇ ਗਏ ਸਨ ਤੇ 250 ਤੋਂ ਵੱਧ ਹੋਰਾਂ ਨੂੰ ਬੰਧਕ ਬਣਾ ਲਿਆ ਗਿਆ ਸੀ। Israel-Hamas War
Read This : Israel-Hamas war : ਬੇਲਗਾਮ ਜੰਗ ਦੀ ਤਬਾਹੀ
ਗਾਜਾ ਪੱਟੀ ’ਤੇ ਇਜਰਾਈਲ ਦੇ ਜਵਾਬੀ ਹਮਲੇ ਤੋਂ ਬਾਅਦ ਤੋਂ ਹੁਣ ਤੱਕ ਮਰਨ ਵਾਲਿਆਂ ਦੀ ਗਿਣਤੀ 40 ਹਜਾਰ ਤੋਂ ਵੱਧ ਹੋ ਗਈ ਹੈ ਤੇ 94,000 ਤੋਂ ਵੱਧ ਹੋਰ ਜ਼ਖਮੀ ਹੋ ਗਏ ਹਨ। ਜ਼ਿਕਰਯੋਗ ਹੈ ਕਿ ਹਮਾਸ ਦੇ ਹਮਲੇ ਤੋਂ ਬਾਅਦ ਇਜਰਾਈਲ ਰੱਖਿਆ ਬਲਾਂ ਨੇ ਜਵਾਬੀ ਹਮਲਿਆਂ ’ਚ ਗਾਜਾ ਪੱਟੀ ’ਚ ਆਪ੍ਰੇਸ਼ਨ ਆਇਰਨ ਤਲਵਾਰਾਂ ਚਲਾਈਆਂ। ਇਜਰਾਈਲ ਨੇ ਘੇਰਾਬੰਦੀ ਵਾਲੇ ਖੇਤਰ ਨੂੰ ਪਾਣੀ, ਬਿਜਲੀ, ਈਂਧਨ, ਭੋਜਨ ਤੇ ਦਵਾਈਆਂ ਦੀ ਸਪਲਾਈ ਨੂੰ ਕੱਟਦੇ ਹੋਏ ਗਾਜਾ ਪੱਟੀ ਦੀ ਪੂਰੀ ਤਰ੍ਹਾਂ ਨਾਕਾਬੰਦੀ ਕਰਨ ਦਾ ਐਲਾਨ ਕੀਤਾ।
