ਪੁਰੀ (ਸੱਚ ਕਹੂੰ ਨਿਊਜ਼)। ਓਡੀਸਾ ਦਾ ਇੱਕ ਮਹੱਤਵਪੂਰਨ ਸਾਲਾਨਾ ਤਿਉਹਾਰ ਜਗਨਨਾਥ (Puri Rath Yatra) ਪੁਰੀ ਰੱਥ ਯਾਤਰਾ ਦੇ ਰੂਪ ’ਚ ਮਨਾਇਆ ਜਾਂਦਾ ਹੈ। ਇਹ ਭਗਵਾਨ ਜਗਨਨਾਥ ਨੂੰ ਸਮਰਪਿਤ ਸਾਲਾਨਾ ਰੱਥ ਤਿਉਹਾਰ ਹੈ। ਪੁਰੀ ਰੱਥ ਯਾਤਰਾ 20 ਜੂਨ ਤੋਂ ਮਨਾਈ ਜਾਂਦੀ ਹੈ ਅਤੇ ਦੇਸ਼ ਭਰ ਦੇ ਸ਼ਹਿਰਾਂ ਅਤੇ ਰਾਜਾਂ ਤੋਂ ਸ਼ਰਧਾਲੂ ਇਸ ਸਮੇਂ ਦੌਰਾਨ ਜਗਨਨਾਥ ਮੰਦਰ ਦੇ ਦਰਸ਼ਨ ਕਰਦੇ ਹਨ। ਉੜੀਸਾ ਤੋਂ ਇਲਾਵਾ ਇਹ ਵਿਸ਼ਵ ਪ੍ਰਸਿੱਧ ਤਿਉਹਾਰ ਗੁਜਰਾਤ ’ਚ ਵੀ ਮਨਾਇਆ ਜਾਂਦਾ ਹੈ। ਦੱਸ ਦੇਈਏ ਕਿ ਅਹਿਮਦਾਬਾਦ ’ਚ ਮਨਾਏ ਜਾਣ ਵਾਲੇ ‘ਰਥ ਯਾਤਰਾ’ ਤਿਉਹਾਰ ਨੂੰ ਪੁਰੀ ਜਗਨਨਾਥ ਰਥ ਯਾਤਰਾ ਤੋਂ ਬਾਅਦ ਦੇਸ਼ ਦੀ ਦੂਜੀ ਸਭ ਤੋਂ ਵੱਡੀ ਰੱਥ ਯਾਤਰਾ ਮੰਨਿਆ ਜਾਂਦਾ ਹੈ।
ਪੂਰੀ ਦੂਨੀਆ ’ਚ ਮਸ਼ਹੂਰ ਹੈ ਯਾਤਰਾ | Puri Rath Yatra
ਜ਼ਿਕਰਯੋਗ ਹੈ ਕਿ ਭਗਵਾਨ ਜਗਨਨਾਥ ਨੂੰ ਭਗਵਾਨ ਕਿ੍ਰਸ਼ਨ ਦਾ ਅਵਤਾਰ ਮੰਨਿਆ ਜਾਂਦਾ ਹੈ। ਪੁਰੀ ’ਚ ਸਥਿਤ ਭਗਵਾਨ ਜਗਨਨਾਥ ਦਾ ਮੰਦਰ ਭਾਰਤ ਦੇ ਪਵਿੱਤਰ ਸਥਾਨਾਂ ’ਚੋਂ ਇੱਕ ਹੈ। ਪੁਰੀ ਦੀ ਜਗਨਨਾਥ ਯਾਤਰਾ ਪੂਰੀ ਦੁਨੀਆ ’ਚ ਮਸ਼ਹੂਰ ਹੈ। ਹਰ ਸਾਲ ਇਹ ਰੱਥ ਯਾਤਰਾ ਅਸਾਧ ਮਹੀਨੇ ਦੀ ਸੁਕਲ ਪੱਖ ਦੀ ਦੂਜੀ ਤਰੀਕ ਤੋਂ ਸ਼ੁਰੂ ਹੁੰਦੀ ਹੈ।
ਇਹ ਵੀ ਪੜ੍ਹੋ : ਤਾਰ ’ਚ ਸਪਾਰਕ ਹੋਣ ਨਾਲ ਲੱਗੀ ਅੱਗ, ਲੱਖਾਂ ਰੁਪਏ ਦਾ ਨੁਕਸਾਨ
ਇਕ ਕਥਾ ਅਨੁਸਾਰ ਇਸ ਸਮੇਂ ਦੌਰਾਨ ਭਗਵਾਨ ਜਗਨਨਾਥ ਤੋਂ ਇਲਾਵਾ ਉਨ੍ਹਾਂ ਦੇ ਵੱਡੇ ਭਰਾ ਬਲਰਾਮ ਅਤੇ ਭੈਣ ਸੁਭਦਰਾ ਲੋਕਾਂ ਦੀ ਹਾਲਤ ਜਾਣਨ ਲਈ ਰੱਥ ’ਤੇ ਸਵਾਰ ਹੋਏ। ਹਰ ਸਾਲ ਅਸਾਧ ਮਹੀਨੇ ਦੇ ਸੁਕਲ ਪੱਖ ਦੇ ਦੂਜੇ ਦਿਨ ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ ਸ਼ੁਰੂ ਹੁੰਦੀ ਹੈ। ਇਸ ਰੱਥ ਯਾਤਰਾ ’ਚ ਭਗਵਾਨ ਜਗਨਨਾਥ ਆਪਣੇ ਭਰਾ ਬਲਭੱਦਰ ਅਤੇ ਭੈਣ ਸੁਭਦਰਾ ਜੀ ਦੇ ਨਾਲ, ਆਪਣੇ ਮੰਦਰ ਤੋਂ ਰਵਾਨਾ ਹੋ ਕੇ, ਪੁਰੀ ਸ਼ਹਿਰ ਦੀ ਯਾਤਰਾ ਕਰਦੇ ਹਨ ਅਤੇ ਜਨਕਪੁਰ ਦੇ ਗੁੰਡੀਚਾ ਮੰਦਰ ’ਚ ਪਹੁੰਚਦੇ ਹਨ।
ਮਾਨਤਾਵਾਂ ਦੇ ਅਨੁਸਾਰ, ਭਗਵਾਨ ਇੱਥੇ ਆਰਾਮ ਕਰਦੇ ਹਨ। ਰੱਥ ਯਾਤਰਾ ’ਚ ਵੱਡੇ ਭਰਾ ਬਲਰਾਮ ਅੱਗੇ, ਭੈਣ ਸੁਭਦਰਾ ਵਿਚਕਾਰ ਅਤੇ ਭਗਵਾਨ ਜਗਨਨਾਥ ਦਾ ਰੱਥ ਅੰਤ ’ਚ ਹੁੰਦਾ ਹੈ। ਇਸ ਯਾਤਰਾ ਨੂੰ ਪੂਰੇ ਭਾਰਤ ’ਚ ਤਿਉਹਾਰ ਵਜੋਂ ਮਨਾਇਆ ਜਾਂਦਾ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਹ ਰੱਥ ਯਾਤਰਾ ਹਰ ਸਾਲ ਜਗਨਨਾਥ ਮੰਦਰ ਦੇ ਮੁੱਖ ਗੇਟ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਪੂਰੇ ਸ਼ਹਿਰ ’ਚ ਤਿੰਨ ਮਹੀਨੇ ਚੱਲਦੀ ਹੈ। ਇਹ ਯਾਤਰਾ ਸ਼ਰਧਾ ਅਤੇ ਧਾਰਮਿਕ ਮਹੱਤਤਾ ਦੇ ਲਿਹਾਜ ਨਾਲ ਬਹੁਤ ਮਹੱਤਵਪੂਰਨ ਮੰਨੀ ਜਾਂਦੀ ਹੈ। ਇਸ ’ਚ ਲੱਖਾਂ ਦੀ ਗਿਣਤੀ ’ਚ ਸ਼ਰਧਾਲੂ ਸ਼ਾਮਲ ਹੁੰਦੇ ਹਨ।
ਦਿੱਲੀ ਪੁਲਿਸ ਦੀ ਸਲਾਹ | Puri Rath Yatra
ਦਿੱਲੀ ਪੁਲਿਸ ਨੇ ਐਡਵਾਈਜਰੀ ਜਾਰੀ ਕਰਦਿਆਂ ਕਿਹਾ ਹੈ ਕਿ ਸ੍ਰੀ ਜਗਨਨਾਥ ਮੰਦਿਰ, ਤਿਆਗਰਾਜ ਨਗਰ, ਨਵੀਂ ਦਿੱਲੀ ਤੋਂ ਸ਼ੁਰੂ ਹੋਣ ਵਾਲੇ 56ਵੇਂ ਜਗਨਨਾਥ ਰਥ ਯਾਤਰਾ ਉਤਸਵ ਦੇ ਮੱਦੇਨਜਰ ਆਵਾਜਾਈ ਦੇ ਪ੍ਰਬੰਧ ਕੀਤੇ ਜਾਣਗੇ। ਕਿਰਪਾ ਕਰਕੇ ਸਲਾਹ ਦੀ ਪਾਲਣਾ ਕਰੋ। ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਜਲੂਸ ਕੱਢਣ ਦਾ ਸਮਾਂ ਤੈਅ ਕੀਤਾ ਹੋਇਆ ਸੀ। ਯਾਤਰਾ ਤਿਆਗਰਾਜਾ ਸਟੇਡੀਅਮ ਨੇੜੇ ਜਗਨਨਾਥ ਮੰਦਿਰ ਤੋਂ ਦੁਪਹਿਰ 3.30 ਵਜੇ ਸ਼ੁਰੂ ਹੋਈ ਇਹ ਜਲੂਸ ਮੰਗਲਵਾਰ ਨੂੰ ਦੁਪਹਿਰ 2 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਚੱਲੇਗੀ।
ਜਲੂਸ ਦਾ ਰੂਟ ਸ੍ਰੀ ਜਗਨਨਾਥ ਮਾਰਗ, ਚੰਦੂਲਾਲ ਵਾਲਮੀਕਿ ਮਾਰਗ ਤੋਂ ਹੁੰਦਾ ਹੋਇਆ ਪੰਡਿਤ ਭਗਵਾਨ ਸਹਾਏ ਵਤਸ ਵਿੱਟੀ ਤੱਕ ਜਾਵੇਗਾ ਜਿੱਥੇ ਆਵਾਜਾਈ ਵਿਵਸਥਾ ਠੱਪ ਰਹੇਗੀ। ਟ੍ਰੈਫਿਕ ਪੁਲਿਸ ਨੇ ਕਿਹਾ, ‘ਜਲੂਸ ਵਾਲੇ ਰਸਤੇ ’ਤੇ ਪਾਰਕਿੰਗ ਦੀ ਇਜਾਜਤ ਨਹੀਂ ਦਿੱਤੀ ਜਾਵੇਗੀ। ਲੋਕਾਂ ਨੂੰ ਨਿਰਵਿਘਨ ਯਾਤਰਾ ਲਈ ਜਨਤਕ ਆਵਾਜਾਈ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।
