ਵੈਸਟਇੰਡੀਜ਼ ਟੀਮ ਵਿਸ਼ਵ ਕੱਪ ਦੀ ਰੇਸ ਤੋਂ ਬਾਹਰ

1 July, 2023 9:25 PM IST

ਕੁਆਲੀਫਾਇਰ ਮੁਕਾਬਲੇ ’ਚ ਸਕੌਟਲੈਂਡ ਨੇ 7 ਵਿਕਟਾਂ ਨਾਲ ਹਰਾਇਆ | World Cup 2023

ਹਰਾਰੇ (ਏਜੰਸੀ)। ਦੋ ਵਾਰ ਦੀ ਵਿਸ਼ਵ (World Cup 2023) ਕੱਪ ਚੈਂਪੀਅਨ ਵੈਸਟਇੰਡੀਜ਼ ਭਾਰਤ ’ਚ ਹੋ ਰਹੇ ਇੱਕਰੋਜਾ ਵਿਸ਼ਵ ਕੱਪ ਲਈ ਕੁਆਲੀਫਾਈ ਨਹੀਂ ਕਰ ਸਕੀ। ਟੀਮ ਨੂੰ ਵਿਸ਼ਵ ਕੱਪ ਕੁਆਲੀਫਾਇਰ ਮੁਕਾਬਲੇ ’ਚ ਸਕਾਟਲੈਂਡ ਨੇ 7 ਵਿਕਟਾਂ ਨਾਲ ਹਰਾ ਦਿੱਤਾ। ਟੂਰਨਾਮੈਂਟ ਦੇ ਪਿਛਲੇ 12 ਐਡੀਸ਼ਨਾਂ ’ਚ ਇਹ ਪਹਿਲਾ ਮੌਕਾ ਹੈ ਜਦੋਂ ਵੈਸਟਇੰਡੀਜ਼ ਦੀ ਟੀਮ ਵਿਸ਼ਵ ਕੱਪ ਦਾ ਹਿੱਸਾ ਨਹੀਂ ਹੋਵੇਗੀ। ਇਸ ਟੀਮ ਨੇ ਵਿਸ਼ਵ ਕੱਪ ਦੇ ਪਹਿਲੇ ਦੋ ਸੈਸ਼ਨਾਂ ਦਾ ਖਿਤਾਬ ਜਿੱਤਿਆ ਹੈ। ਟੀਮ 1975 ਅਤੇ 1979 ’ਚ ਚੈਂਪੀਅਨ ਬਣੀ ਸੀ। ਸ਼ਨਿੱਚਰਵਾਰ ਨੂੰ ਹਰਾਰੇ ਸਪੋਰਟਸ ਕਲੱਬ ’ਚ ਖੇਡੇ ਗਏ ਮੈਚ ’ਚ ਵੈਸਟਇੰਡੀਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 181 ਦੌੜਾਂ ਬਣਾਈਆਂ। ਸਕਾਟਲੈਂਡ ਨੇ 43.3 ਓਵਰਾਂ ’ਚ 3 ਵਿਕਟਾਂ ’ਤੇ ਟੀਚਾ ਹਾਸਲ ਕਰ ਲਿਆ। (World Cup 2023)

ਹੁਣ ਸਮਝੋ ਵੈਸਟਇੰਡੀਜ਼ ਵਿਸ਼ਵ ਕੱਪ ਦੀ ਦੌੜ ਤੋਂ ਕਿਉਂ ਹੋਈ ਬਾਹਰ? | World Cup 2023

ਇਨ੍ਹੀਂ ਦਿਨਾਂ ’ਚ ਜ਼ਿੰਬਾਬਵੇ ’ਚ ਵਿਸ਼ਵ ਕੱਪ ਕੁਆਲੀਫਾਇਰ ਦੇ ਸੁਪਰ-6 ਮੈਚ ਚੱਲ ਰਹੇ ਹਨ। ਫਿਲਹਾਲ ਸੁਪਰ-6 ਦੌਰ ਦੇ ਅੰਕ ਸੂਚੀ ’ਚ ਸ਼੍ਰੀਲੰਕਾ ਅਤੇ ਜ਼ਿੰਬਾਬਵੇ 6-6 ਅੰਕਾਂ ਨਾਲ ਟਾਪ-2 ’ਤੇ ਹਨ ਅਤੇ ਵੈਸਟਇੰਡੀਜ਼ ਕੋਲ 3 ਮੈਚਾਂ ਤੋਂ ਬਾਅਦ ਕੋਈ ਅੰਕ ਨਹੀਂ ਹੈ। ਟੀਮ ਦੇ 2 ਮੈਚ ਬਾਕੀ ਹਨ। ਅਜਿਹੇ ’ਚ ਟੀਮ ਦੋਵੇਂ ਮੈਚ ਜਿੱਤ ਕੇ ਵੀ ਟਾਪ-2 ’ਚ ਨਹੀਂ ਪਹੁੰਚ ਸਕੇਗੀ। (World Cup 2023)

ਮੈਕਮੁਲਨ ਦਾ ਦੋਹਰਾ ਪ੍ਰਦਰਸ਼ਨ | World Cup 2023

ਸਕਾਟਲੈਂਡ ਦੇ ਬ੍ਰੈਂਡਨ ਮੈਕਮੁਲਨ ਨੇ ਡਬਲ ਸਕੋਰ ਕੀਤਾ। ਉਸ ਨੇ ਪਹਿਲਾਂ ਵੈਸਟਇੰਡੀਜ਼ ਦੇ ਤਿੰਨ ਬੱਲੇਬਾਜ਼ਾਂ ਨੂੰ ਆਊਟ ਕੀਤਾ। ਇਸ ਤੋਂ ਬਾਅਦ ਉਸ ਨੇ 69 ਦੌੜਾਂ ਦੀ ਪਾਰੀ ਖੇਡ ਕੇ ਟੀਮ ਦੀ ਜਿੱਤ ’ਚ ਅਹਿਮ ਰੋਲ ਅਦਾ ਕੀਤਾ। ਮੈਕਮੁਲਨ ਨੂੰ ਉਸ ਦੇ ਦੂਹਰੇ ਪ੍ਰਦਰਸ਼ਨ ਲਈ ਮੈਨ ਆਫ ਦਾ ਮੈਚ ਚੁਣਿਆ ਗਿਆ। (World Cup 2023)

ਇਹ ਰਹੇ ਵੈਸਟਇੰਡੀਜ਼ ਦੀ ਹਾਰ ਦੇ 3 ਕਾਰਨ | World Cup 2023

ਇੱਕਰੋਜਾ ਦੇ ਲਿਹਾਜ਼ ਨਾਲ ਛੋਟਾ ਸਕੋਰ : ਵੈਸਟਇੰਡੀਜ਼ ਨੇ ਇੱਕਰੋਜਾ ਦੇ ਲਿਹਾਜ਼ ਨਾਲ ਛੋਟਾ ਸਕੋਰ ਬਣਾਇਆ। ਜਿਸ ਨੂੰ ਟੀਮ ਦੇ ਗੇਂਦਬਾਜ਼ ਬਚਾਉਣ ’ਚ ਨਾਕਾਮ ਰਹੇ। ਇੱਕਰੋਜਾ ਦੀ ਮੌਜੂਦਾ ਸਥਿਤੀ ਦੇ ਹਿਸਾਬ ਨਾਲ 181 ਦੌੜਾਂ ਦਾ ਸਕੋਰ ਬਹੁਤ ਛੋਟਾ ਹੈ। ਜਿਸ ਦਾ ਬਚਾਅ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ।

ਬੱਲੇਬਾਜ਼ ਫਲਾਪ, ਗੇਂਦਬਾਜ਼ੀ ਆਲ ਰਾਊਂਡਰ ਨੇ ਬਣਾਇਆਂ ਦੌੜਾਂ : ਹਾਰ ਦਾ ਸਭ ਤੋਂ ਵੱਡਾ ਕਾਰਨ ਫਲਾਪ ਬੱਲੇਬਾਜ਼ੀ ਕ੍ਰਮ ਸੀ। ਟੀਮ ਦੇ ਬੱਲੇਬਾਜ਼ੀ ਕ੍ਰਮ ਦੇ ਸਿਖਰਲੇ 6 ਬੱਲੇਬਾਜ਼ 25 ਦੌੜਾਂ ਤੋਂ ਵੱਧ ਨਹੀਂ ਬਣਾ ਸਕੇ, ਜਦਕਿ ਗੇਂਦਬਾਜ਼ੀ ਆਲਰਾਊਂਡਰ ਜੇਸਨ ਹੋਲਡਰ ਨੇ 45 ਅਤੇ ਰੋਮੀਓ ਸ਼ੈਫਰਡ ਨੇ 36 ਦੌੜਾਂ ਬਣਾ ਕੇ ਟੀਮ ਨੂੰ 181 ਦੌੜਾਂ ਦੇ ਸਕੋਰ ਤੱਕ ਪਹੁੰਚਾਇਆ।

ਮੈਕਮੁਲੇਮ ਅਤੇ ਕ੍ਰੌਸ ਦੀ ਬੱਲੇਬਾਜੀ : ਮੈਥਿਊ ਕਰਾਸ ਨੇ ਅਰਧ ਸੈਂਕੜੇ ਜੜੇ ਜਦਕਿ ਮੈਕਮੁਲਨ ਅਤੇ ਕਰਾਸ ਨੇ 182 ਦੌੜਾਂ ਦਾ ਪਿੱਛਾ ਕਰਦਿਆਂ ਬੱਲੇਬਾਜ਼ੀ ਕੀਤੀ। ਮੈਕਮੁਲਨ ਨੇ 69 ਅਤੇ ਕਰਾਸ ਨੇ 74 ਦੌੜਾਂ ਬਣਾਈਆਂ।

81 ਦੌੜਾਂ ’ਤੇ ਗੁਆ ਦਿੱਤੀਆਂ ਸਨ ਛੇ ਵਿਕਟਾਂ, ਹੋਲਡਰ-ਸ਼ੇਫਰਡ ਵਿਚਕਾਰ 77 ਦੌੜਾਂ ਦੀ ਸਾਂਝੇਦਾਰੀ | World Cup 2023

ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਵੈਸਟਇੰਡੀਜ਼ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ। ਟੀਮ ਨੇ 9 ਦੌੜਾਂ ’ਤੇ ਪਹਿਲੀ ਵਿਕਟ ਗੁਆ ਦਿੱਤੀ। ਜੌਹਨਸਨ ਇੱਥੇ ਜ਼ੀਰੋ ’ਤੇ ਆਊਟ ਹੋ ਗਏ। ਚਾਰਲਸ ਦੇ ਆਊਟ ਹੋਣ ਤੋਂ ਬਾਅਦ ਵਿਕਟਾਂ ਡਿੱਗਣ ਦਾ ਸਿਲਸਿਲਾ ਸ਼ੁਰੂ ਹੋਇਆ, ਜੋ 81 ਦੇ ਸਕੋਰ ’ਤੇ ਖਤਮ ਹੋਇਆ। ਟੀਮ ਨੇ ਇਸ ਸਕੋਰ ’ਤੇ ਸ਼ੁਰੂਆਤੀ 6 ਬੱਲੇਬਾਜ਼ਾਂ ਦੀਆਂ ਵਿਕਟਾਂ ਗੁਆ ਦਿੱਤੀਆਂ ਸਨ। ਅਜਿਹੇ ’ਚ 7ਵੇਂ ਨੰਬਰ ’ਤੇ ਖੇਡਣ ਆਏ ਤੇਜ਼ ਗੇਂਦਬਾਜ਼ ਜੇਸਨ ਹੋਲਡਰ ਅਤੇ ਰੋਮਾਰੀਆ ਸ਼ੈਫਰਡ ਨੇ 77 ਦੌੜਾਂ ਦੀ ਅਰਧ ਸੈਂਕੜੇ ਵਾਲੀ ਸਾਂਝੇਦਾਰੀ ਕੀਤੀ। ਇਸ ਸਾਂਝੇਦਾਰੀ ਨੇ ਟੀਮ ਦੇ ਸਕੋਰ ਨੂੰ 180 ਤੋਂ ਪਾਰ ਪਹੁੰਚਾਇਆ।