35ਵੇਂ ਸਥਾਨ ਤੋਂ ਪਹੁੰਚੇ 9ਵੇਂ ਸਥਾਨ ‘ਤੇ ਹੈ Virat Kohli
(ਸਪੋਰਟਸ ਡੈਸਕ)। ਭਾਰਤ ਦੇ ਧਾਕੜ ਬੱਲੇਬਾਜ਼ ਵਿਰਾਟ ਕੋਹਲੀ (Virat Kohli) ਆਈਸੀਸੀ ਟਾਪ-10 ’ਚ ਪਹੁੰਚੇ ਗਏ ਹਨ। ਪਾਕਿਸਤਾਨ ਖਿਲ਼ਾਫ ਐਤਵਾਰ ਨੂੰ ਮੈਲਬੋਰਨ ‘ਚ ਖੇਡੇ ਗਏ ਮੈਚ ’ਚ 82 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡਣ ਵਾਲੇ ਵਿਰਾਟ ਕੋਹਲੀ 635 ਅੰਕਾਂ ਨਾਲ ਟੀ-20 ਰੈਂਕਿੰਗ ‘ਚ 9ਵੇਂ ਸਥਾਨ ‘ਤੇ ਪਹੁੰਚ ਗਏ ਹਨ। ਸੂਰਿਆ ਕੁਮਾਰ ਯਾਦਵ ਨੂੰ ਇਕ ਦੌੜ ਦਾ ਨੁਕਸਾਨ ਹੋਇਆ। ਉਹ ਹੁਣ ਦੂਜੇ ਤੋਂ ਤੀਜੇ ਸਥਾਨ ‘ਤੇ ਆ ਗਿਆ ਹੈ। ਹੁਣ ਟਾਪ ਟੈਨ ’ਚ ਭਾਰਤ ਦੇ ਦੋ ਬੱਲੇਬਾਜ਼ ਸ਼ਾਮਲ ਹਨ।
ਜਿਕਰਯੋਗ ਹੀ ਕਿ ਵਿਰਾਟ ਤਿੰਨ ਮਹੀਨੇ ਪਹਿਲਾਂ ਉਸ ਸਮੇਂ ਏਸ਼ੀਆ ਕੱਪ ਸ਼ੁਰੂ ਹੋਣ ਵਾਲਾ ਸੀ ਅਤੇ ਵਿਰਾਟ ਦੀ ਰੈਂਕਿੰਗ 35 ਸੀ। ਇਸ ਤੋਂ ਬਾਅਦ ਕਿੰਗ ਕੋਹਲੀ ਅਫਗਾਨਿਸਤਾਨ ਖਿਲਾਫ ਸੈਂਕੜਾ ਲਗਾ ਕੇ 15ਵੇਂ ਸਥਾਨ ‘ਤੇ ਪਹੁੰਚ ਗਏ। ਹੁਣ ਚੋਟੀ ਦੇ 10 ਵਿੱਚ. 2019 ਤੋਂ ਬਾਅਦ ਵਿਰਾਟ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ‘ਚ ਇਕ ਵੀ ਸੈਂਕੜਾ ਨਹੀਂ ਲਗਾਇਆ। ਇਸ ਤੋਂ ਬਾਅਦ ਏਸ਼ੀਆ ਕੱਪ ‘ਚ ਅਫਗਾਨਿਸਤਾਨ ਖਿਲਾਫ ਉਸ ਦਾ ਕੁੱਲ 71ਵਾਂ ਸੈਂਕੜਾ ਸੀ।
ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਭਾਰਤ ਖਿਲਾਫ ਗੋਲਡਨ ਡਕ ਦਾ ਸ਼ਿਕਾਰ ਹੋਏ। ਇਸ ਦਾ ਖਮਿਆਜ਼ਾ ਉਸ ਨੂੰ ਰੈਂਕਿੰਗ ‘ਚ ਵੀ ਭੁਗਤਣਾ ਪਿਆ। ਬਾਬਰ ਹੁਣ ਚੌਥੇ ਸਥਾਨ ‘ਤੇ ਖਿਸਕ ਗਿਆ ਹੈ। ਦੱਖਣੀ ਅਫਰੀਕਾ ਦਾ ਏਡਨ ਮਾਰਕਰਮ ਪੰਜਵੇਂ ਨੰਬਰ ‘ਤੇ ਹੈ, ਜਦਕਿ ਇੰਗਲੈਂਡ ਦਾ ਡੇਵਿਡ ਮਲਾਨ ਛੇਵੇਂ ਨੰਬਰ ‘ਤੇ ਹੈ। ਆਸਟ੍ਰੇਲੀਆਈ ਕਪਤਾਨ ਆਰੋਨ ਫਿੰਚ ਸੱਤਵੇਂ ਨੰਬਰ ‘ਤੇ ਅਤੇ ਸ਼੍ਰੀਲੰਕਾ ਦਾ ਪਥੁਮ ਨਿਸਾਂਕਾ ਅੱਠਵੇਂ ਨੰਬਰ ‘ਤੇ ਹੈ। ਯੂਏਈ ਦੇ ਮੁਹੰਮਦ ਵਸੀਮ 10ਵੇਂ ਨੰਬਰ ‘ਤੇ ਹਨ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਰੈਂਕਿੰਗ ‘ਚ 16ਵੇਂ ਸਥਾਨ ‘ਤੇ ਹਨ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
