ਪਤੰਗਾਂ ਬਾਰੇ ਬੇਨਤੀ
ਗੁੱਡੀਆਂ ਨੂੰ ਅੰਬਰੀਂ ਚੜ੍ਹਾਉਣ ਵਾਲੇ ਬੱਚਿਓ,
ਚਾਵਾਂ ਨਾਲ ਪਤੰਗਾਂ ਨੂੰ ਉਡਾਉਣ ਵਾਲੇ ਬੱਚਿਓ
ਗੱਲਾਂ ਨੇ ਜਰੂਰੀ ਕੁਝ, ਰੱਖਿਓ ਧਿਆਨ
ਖ਼ਤਰੇ ਚ’ ਪਾਇਓ ਨਾ, ਕੀਮਤੀ ਹੈ ਇਹ ਜਾਨ
ਪਹਿਲੀ ਗੱਲ ਜਿਹਦੀ, ਤੁਸੀਂ ਕਰਨੀ ਏ ਸਭ ਨੇ ਗੌਰ,
ਖਰੀਦੋ ਨਾ ਕਦੇ ਵੀ, ਖਤਰਨਾਕ ਚਾਈਨਾ ਡੋਰ
ਚੀਨ ਦੀ ਇਹ ਡੋਰ, ਬਣ ਚੁੱਕੀ ਮੌਤ ਦਾ ਸਾਮਾਨ,
ਕਈ ਜਾਨਵਰਾਂ, ਪੰਛੀਆਂ, ਇਨਸਾਨਾਂ ਦੀ, ਲੈ ਲਈ ਇਸਨੇ ਜਾਨ
ਦੂਜੀ ਗੱਲ ਜਿਹੜੀ ਮੈਂ ਦੱਸਾਂ, ਉਸਦਾ ਵੀ ਕਰਿਓ ਧਿਆਨ,
ਛੱਤਾਂ ‘ਤੇ ਪਤੰਗਾਂ ਫੜਨ ਲਈ, ਭੱਜਿਓ ਨਾ, ਹੋ ਕੇ ਬੇਧਿਆਨ
ਆਖਰੀ ਬੇਨਤੀ ‘ਯਸ਼’ ਦੀ, ਸਾਰਾ-ਸਾਰਾ ਦਿਨ ਨਾ ਪਤੰਗਾਂ ਉਡਾਇਓ,
ਸਮੇਂ ਸਿਰ ਕਰਿਓ ਪੜ੍ਹਾਈ ਵੀ, ਕੀਮਤੀ ਸਮਾਂ ਨਾ ਵਿਅਰਥ ਗਵਾਇਓ
ਯਸ਼ਪਾਲ ਮਾਹਵਰ,
ਸ੍ਰੀ ਮੁਕਤਸਰ ਸਾਹਿਬ
ਮੋ. 90413-47351
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ.
