ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। Chandigarh Sukhna Lake News: ਪਿਛਲੇ ਕੁਝ ਦਿਨਾਂ ਤੋਂ ਮੀਂਹ ਤੇ ਬੱਦਲਵਾਈ ਕਾਰਨ ਚੰਡੀਗੜ੍ਹ ਦਾ ਮੌਸਮ ਸੁਹਾਵਣਾ ਬਣਿਆ ਹੋਇਆ ਹੈ। ਇਸ ਕਾਰਨ ਲੋਕ ਵੱਡੀ ਗਿਣਤੀ ’ਚ ਸੁਖਨਾ ਝੀਲ ’ਚ ਘੁੰਮਣ ਤੇ ਆਨੰਦ ਲੈਣ ਜਾ ਰਹੇ ਹਨ, ਪਰ ਸੋਮਵਾਰ ਨੂੰ ਇਨ੍ਹਾਂ ਲੋਕਾਂ ਦੇ ਦਿਲ ਉਸ ਸਮੇਂ ਕੰਬ ਗਏ ਜਦੋਂ ਝੀਲ ’ਤੇ ਕਈ ਫੁੱਟ ਲੰਬਾ ਅਜਗਰ ਦਿਖਾਈ ਦਿੱਤਾ। ਇੰਨਾ ਵੱਡਾ ਅਜਗਰ ਵੇਖ ਲੋਕ ਡਰ ਕੇ ਇਧਰ-ਉਧਰ ਭੱਜਣ ਲੱਗ ਪਏ। ਇਸ ਘਟਨਾ ਦੀ ਸੂਚਨਾ ਤੁਰੰਤ ਪੁਲਿਸ ਕੰਟਰੋਲ ਰੂਮ ਨੂੰ ਦਿੱਤੀ ਗਈ। ਜਿਸ ਤੋਂ ਬਾਅਦ ਕੰਟਰੋਲ ਰੂਮ ਨੇ ਜੰਗਲਾਤ ਵਿਭਾਗ ਨੂੰ ਸੂਚਿਤ ਕੀਤਾ।
ਇਹ ਖਬਰ ਵੀ ਪੜ੍ਹੋ : Punjab Drug Trafficking News: ਪੰਜਾਬ ਪੁਲਿਸ ਨੇ ਜ਼ਬਤ ਕੀਤੀ 422 ਕਰੋੜ ਰੁਪਏ ਦੀ ਹੈਰੋਇਨ, 60 ਕਿੱਲੋ ਹੈਰੋਇਨ ਸਮੇਤ…
ਕੁਝ ਸਮੇਂ ਬਾਅਦ, ਜੰਗਲਾਤ ਵਿਭਾਗ ਦੀ ਟੀਮ ਸੁਖਨਾ ਝੀਲ ਪਹੁੰਚੀ ਤੇ ਅਜਗਰ ਨੂੰ ਫੜਨ ਲਈ ਬਚਾਅ ਕਾਰਜ ਸ਼ੁਰੂ ਕੀਤਾ ਗਿਆ। ਲਗਭਗ 2 ਘੰਟੇ ਚੱਲੇ ਇਸ ਬਚਾਅ ਕਾਰਜ ਦੌਰਾਨ, ਬਹੁਤ ਮਿਹਨਤ ਤੋਂ ਬਾਅਦ ਅਜਗਰ ਨੂੰ ਕਾਬੂ ਕੀਤਾ ਗਿਆ ਤੇ ਫਿਰ ਇਸ ਨੂੰ ਜੰਗਲ ’ਚ ਸੁਰੱਖਿਅਤ ਛੱਡ ਦਿੱਤਾ ਗਿਆ। ਜ਼ਿਕਰਯੋਗ ਹੈ ਕਿ ਇਸ ਸਮੇਂ ਮਾਨਸੂਨ ਦਾ ਮੌਸਮ ਚੱਲ ਰਿਹਾ ਹੈ ਤੇ ਸੁਖਨਾ ਝੀਲ ਦੇ ਆਲੇ-ਦੁਆਲੇ ਜੰਗਲੀ ਖੇਤਰ ਹੋਣ ਕਾਰਨ ਸੱਪਾਂ ਦਾ ਨਿਕਲਣਾ ਆਮ ਗੱਲ ਹੈ। ਹਾਲਾਂਕਿ ਅਜਗਰ ਜ਼ਹਿਰੀਲੇ ਨਹੀਂ ਹੁੰਦੇ, ਪਰ ਆਪਣੀ ਮਜ਼ਬੂਤ ਪਕੜ ਤੇ ਤਾਕਤ ਕਾਰਨ ਇਹ ਖ਼ਤਰਨਾਕ ਸਾਬਤ ਹੋ ਸਕਦੇ ਹਨ। Chandigarh Sukhna Lake News
