ਕਿਸਾਨਾਂ ਦੇ ਸੁਫ਼ਨਿਆਂ ਨੂੰ ਸਫ਼ਲਤਾ ਦੇ ਖੰਭ ਲਾ ਰਿਹਾ ਵਿਪਿਨ ਸਰੀਨ
ਸੱਚ ਕਹੂੰ ਨਿਊਜ਼/ਜਸਵਿੰਦਰ ਇੰਸਾਂ
- ‘‘ਮੈਂ ਅਕੇਲਾ ਹੀ ਚਲਾ ਥਾ ਜਾਨਿਬ-ਏ-ਮੰਜ਼ਿਲ, ਮਗਰ
- ਲੋਕ ਸਾਥ ਆਤੇ ਗਏ ਔਰ ਕਾਰਵਾਂ ਬਨਤਾ ਗਯਾ’’
ਮਜਰੂਹ ਸੁਲਤਾਨਪੁਰੀ ਦੀਆਂ ਇਹ ਪੰਗਤੀਆ ਟੈਕਨੋਕ੍ਰੇਟ ਵਿਪਿਨ ਸਰੀਨ ’ਤੇ ਠੀਕ ਬੈਠਦੀਆਂ ਹਨ ਅੰਬਾਲਾ ਦੀਆਂ ਰਹਿਣ ਵਾਲੀਆਂ ਇਨ੍ਹਾਂ ਸ਼ਖਸੀਅਤਾਂ ਨੇ ਆਪਣੇ ਸਾਂਝੇ ਯਤਨਾਂ ਨਾਲ ਨਾ ਸਿਰਫ਼ ਕਰੋੜਾਂ ਦੀ ਕੰਪਨੀ ਖੜ੍ਹੀ ਕੀਤੀ ਸਗੋਂ ਕਿਸਾਨਾਂ ਨੂੰ ਦਿਖਾ ਦਿੱਤਾ ਕਿ ਜੇਕਰ ਤੁਹਾਡੇ ਅੰਦਰ ਜ਼ਜ਼ਬਾ ਹੈ ਕੁਝ ਵੀ ਕਰਨ ਦਾ ਜਨੂੰਨ ਹੈ ਤਾਂ ਤੁਹਾਨੂੰ ਸਫ਼ਲ ਹੋਣ ਤੋਂ ਕੋਈ ਨਹੀਂ ਰੋਕ ਸਕਦਾ ਸਰੀਨ ਗੰਨੇ ਦੀ ਉਪਯੋਗਿਤਾ ਨੂੰ ਵਧਾ ਕੇ ਇਸ ਨਾਲ ਬਣੇ ਜੂਸ, ਜੈਮ, ਚਟਨੀ, ਸਿਰਕਾ ਤੇ ਵੱਖ-ਵੱਖ ਸਿਹਤ ਪਦਾਰਥ ਆਮ ਲੋਕਾਂ ਲਈ ਉਪਲੱਬਧ ਕਰਵਾ ਰਿਹਾ ਹੈ ਨਾਲ ਹੀ ਕਿਸਾਨਾਂ ਨੂੰ ਗੰਨੇ ਦਾ 1000 ਰੁਪਏ ਪ੍ਰਤੀ ਕੁਇੰਟਲ ਤੱਕ ਦਾ ਰੇਟ ਦਿਵਾ ਰਿਹਾ ਹੈ ਹੁਣ ਉਸ ਦੀ ਕੋਸ਼ਿਸ਼ ਹੈ ਕਿ ਇਹ ਸਾਰੇ ਕਿਸਾਨਾਂ ਤੱਕ ਪਹੁੰਚੇ
ਇੰਜ ਹੋਈ ਸ਼ੁਰੂਆਤ
ਵਿਪਿਨ ਸਰੀਨ ਦੱਸਦਾ ਹੈ ਕਿ ਇੱਕ ਵਾਰ ਸੋਸ਼ਲ ਮੀਡੀਆ ’ਤੇ ਗੰਨੇ ਦੇ ਜੂਸ ਅਤੇ ਮਸ਼ੀਨਾਂ ਨਾਲ ਜੁੜਿਆ ਉਸ ਦਾ ਇੱਕ ਵੀਡੀਓ ਬੁਹਤ ਜ਼ਿਆਦਾ ਵਾਇਰਲ ਹੋਇਆ ਵੀਡੀਓ ਨੂੰ ਦੇਖ ਦੇਸ਼ ਭਰ ਦੇ ਕਈ ਕਿਸਾਨਾਂ ਨੇ ਉਸ ਨਾਲ ਸੰਪਰਕ ਕੀਤਾ ਇਸ ’ਤੇ ਉਨ੍ਹਾਂ ਨੇ ਹਰ ਫੋਨ ਕਰਨ ਵਾਲੇ ਵਿਅਕਤੀ ਦਾ ਨੰਬਰ ਆਪਣੇ ਕੋਲ ਸੇਵ ਕਰ ਲਿਆ ਅਤੇ ਉਨ੍ਹਾਂ ਸਭ ਦਾ ਇੱਕ ਗਰੁੱਪ ਬਣਾਇਆ ਅਤੇ ਪੂਰੀ ਮਜ਼ਬੂਤੀ ਨਾਲ ਆਪਣੀ ਗੱਲ ਉਨ੍ਹਾਂ ਦੇ ਸਾਹਮਣੇ ਰੱਖਣ ਦੀ ਕੋਸ਼ਿਸ਼ ਕੀਤੀ ਇਸ ਤੋਂ ਬਾਅਦ ਇਹ ਸਿਲਸਿਲਾ ਚੱਲਦਾ ਰਿਹਾ ਅਤੇ ਦੇਸ਼ ਦੇ ਕਈ ਵੱਖ-ਵੱਖ ਵੱਟਸਐਪ ਗਰੁੱਪ ਬਣ ਗਏੇ
ਇਹ ਲੋਕ ਲਗਾਤਾਰ ਉਸ ਦੀ ਗੱਲ ਨੂੰ ਸੁਣਦੇ ਸਨ ਤੇ ਹੌਂਸਲਾ ਵਧਾਉਂਦੇ ਸਨ ਇਸ ਮੰਤਰ ਦੇ ਵਿੱਚ ਮੇਰੇ ਦਿਮਾਗ ’ਚ ਖਿਆਲ ਆਇਆ ਕਿ ਕਿਉਂ ਨਾ ਬਾਟÇਲੰਗ ਜੂਸ ’ਤੇ ਕੰਮ ਸ਼ੁਰੂ ਕੀਤਾ ਜਾਵੇ ਇਹ ਗੱਲ ਸੁਣ ਕੇ ਕੁਝ ਲੋਕਾਂ ਨੇ ਤੈਅ ਕੀਤਾ ਕਿ ਮਿਲ ਕੇ ‘ਵਨ ਨੇਸ਼ਨ ਵਨ ਬਰੈਡ’ ’ਤੇ ਕੰਮ ਕਰਦੇ ਹਾਂ ਉਸੇ ਸਮੇਂ ਚਾਰ ਲੋਕਾਂ ਨੇ ਅਸਾਮ ਤੋਂ ਸੁਮਿਤ ਸ਼ਰਮਾ, ਮਹਾਂਰਾਸ਼ਟਰ ਤੋਂ ਰਵਾਇਤ ਸੋਨਾਰ, ਤਮਿਲਨਾਡੂ ਤੋਂ ਕਿਸਾਨ ਕ੍ਰਿਸ਼ਨ ਮੂਰਤੀ ਤੇ ਸੀਡੀ ਪਵਾਰ ਨੇ ਉਸ ਨਾਲ ਸੰਪਰਕ ਕੀਤਾ ਅਤੇ ਮਿਲ ਕੇ ਤੈਅ ਹੋਇਆ ਕਿ ਇਸ ’ਤੇ ਕੰਮ ਸ਼ੁਰੂ ਕਰਦੇ ਹਾਂ
ਮੁਸ਼ਕਲਾਂ ਅੱਗੇ ਹਾਰ ਨਹੀਂ ਮੰੰਨੀ:
ਸਰੀਨ ਅਨੁਸਾਰ ਜਦੋਂ ਉਹ ਇਸ ਪ੍ਰੋਡੈਕਟ ’ਤੇ ਕੰਮ ਕਰਨਾ ਸ਼ੁਰੂ ਕਰਨ ਲੱਗੇ ਤਾਂ 50 ਵਿਅਕਤੀ ਹੋਰ ਵੀ ਨਾਲ ਸਨ ਤੇ ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਤੇਰੇ ਨਾਲ ਹਾਂ ਉਦੋਂ ਇਹ ਤੈਅ ਹੋਇਆ ਕਿ ਦੋ-ਦੋ ਲੱਖ ਰੁਪਏ ਪਾ ਕੇ ਕੰਪਨੀ ਸ਼ੁਰੂ ਕਰਦੇ ਹਾਂ, ਤਾਂ ਉਹ ਵੀ ਪਿਛੇ ਹਟ ਗਏ ਇਸ ਨਾਲ ਥੋੜ੍ਹੀ ਜਿਹੀ ਮੁਸ਼ਕਿਲ ਤਾਂ ਮਹਿਸੂਸ ਹੋਈ ਇਸ ਤੋਂ ਬਾਅਦ ਅਸੀਂ ਚਾਰ ਲੋਕਾਂ ਨੇ ਹੀ ਦੋ-ਦੋ ਲੱਖ ਰੁਪਏ ਪਾ ਕੇ ‘ਸੈਲੀਬੇ੍ਰਟਿੰਗ ਫਾਰਮਰ’ ਕੰਪਨੀ ਸ਼ੁਰੂ ਕੀਤੀ ਹਾਲਾਂਕਿ ਅੱਜ ਮੈਂ ਊਨ੍ਹਾਂ 50 ਲੋਕਾਂ ਦਾ ਬਹੁਤ ਧੰਨਵਾਦੀ ਹਾਂ, ਕਿਉਂਕਿ ਜੇਕਰ ਉਹ ਨਾ ਹੁੰਦੇ ਤਾਂ ਸ਼ਾਇਦ ਅਸੀਂ ਇਹ ਪੌੜੀ ਨਹੀਂ ਚੜ੍ਹ ਸਕਦੇ ਸੀ
42 ਲੋਕ ਸੰਭਾਲ ਰਹੇ ਨੇ ਕਮਾਨ
ਉਨ੍ਹਾਂ ਦੱਸਿਆ ਕਿ ਅੱਜ ਦੇਸ਼ ਭਰ ਤੋਂ ਅਸੀਂ ਕੰਪਨੀ ਦੇ 42 ਲੋਕ ਹਾਂ ਜਿਸ ਵਿਚ ਅਧਿਆਪਕ, ਕਿਸਾਨ, ਸਟਾਰਟਅੱਪ, ਕਾਰਪੋਰੇਟ, ਸਰਕਾਰੀ ਨੌਕਰੀ ਵਾਲੇ, ਉਦਯੋਵਪਤੀ, ਡਰੇਨ ਬਣਾਉਣ ਵਾਲੇ, ਕੁਕਿਜ਼ ਬਣਾਉਣ ਵਾਲੇ, ਪੋਰਟੇਬਲ ਬੈਗ ਬਣਾਉਣ ਵਾਲੇ ਆਦਿ ਸ਼ਾਮਲ ਹਨ, ਇਹ ਸਾਰੇ ਸਾਡੇ ਸ਼ੇਅਰਧਾਰਕ ਹਨ ਸਾਡੇ ਬਿਜ਼ਨਸ ਦਾ ਕੇਂਦਰ ਬਿੰਦੂ ਗੰਨਾ ਹੈ ਕਿਸਾਨ ਵੀ ਇਸ ਕੰਪਨੀ ਦੇ ਸ਼ੇਅਰਧਾਰਕ ਹਨ
ਪੈਸੇ ਨਹੀਂ ਹਿੰਮਤ ਦੀ ਜ਼ਰੂਰਤ
ਉਹ ਕਹਿੰਦੇ ਹਨ ਕਿ ਪਹਿਲਾਂ ਮੈਂ ਗੰਨੇ ਦੀ ਬਰਫ ਬਣਾਈ, ਫਿਰ ਹੋਰ ਪ੍ਰੋਡਕਟਸ ਬਣਾਏ ਇਸ ਤੋਂ ਬਾਅਦ ਮੈਂ 15 ਲੱਖ ਰੁਪਏ ਖਰਚ ਕਰਕੇ ਪ੍ਰੋਡਕਟਸ ਨੂੰ ਤਿਆਰ ਕੀਤਾ ਸਾਡੀਆਂ ਕੋਸ਼ਿਸ਼ਾਂ ਸਦਕਾ ਅੱਜ ਇਹੋ-ਜਿਹੇੇ ਕਿਸਾਨ ਵੀ ਹਨ ਜੋ ਕਿ ਆਪਣੀ ਫ਼ਰਿੱਜ ’ਚ 50 ਚੂਪਣੇ ਬਣਾ ਕੇ ਘਰ ਬੈਠੇ ਹੀ 750 ਰੁਪਏ ਵਿੱਚ ਵੇਚ ਰਹੇ ਹਨ। ਜਿਸ ਨੇ ਤਿੰਨ ਮਹੀਨੇ ਪਹਿਲਾਂ ਘਰ ਦੇ ਫਰਿੱਜ ਤੋਂ ਕੰਮ ਸ਼ੁਰੂ ਕੀਤਾ ਸੀ, ਅੱਜ ਉਹ ਡੀਪ ਫਰੀਜ਼ਰ ਲੈ ਕੇ ਆਇਆ ਹੈ। ਇਹ ਮੁੱਢਲੀ ਗੱਲ ਹੈ ਕਿ ਇਸ ਕੰਮ ਲਈ ਪੈਸੇ ਦੀ ਨਹੀਂ ਹਿੰਮਤ ਦੀ ਲੋੜ ਹੈ।
ਇਸ ਮਾਡਲ ’ਤੇ ਕੰਮ ਕਰੇੇਗੀ ਕੰਪਨੀ:
ਸਰੀਨ ਦਾ ਕਹਿਣਾ ਹੈ ਕਿ ਸਾਡੀ ਕੰਪਨੀ ਦੇ ਮਾਡਲ ਅਨੁਸਾਰ 10-10 ਕਿਸਾਨਾਂ ਦੇ ਗਰੁੱਪ ਮਿਲ ਕੇ ਕੰਮ ਕਰਨਗੇ। 10 ਲੋਕਾਂ ਨੂੰ ਇੱਕ ਨੂੰ ਇੱਕ ਜੂਸ ਮਸ਼ੀਨ, ਇੱਕ ਡੀਪ ਫਰੀਜਰ ਚਾਹੀਦਾ ਹੈ ਤੇ 10 ਲੋਕ ਇਕੱਠੇ ਇਸ ਤੋਂ ਬਣੇ ਸਾਮਾਨ ਨੂੰ ਵੇਚਣਗੇ। ਦੋ ਸਮੂਹ ਇਕੱਠੇ, ਇੱਕ ਕਿਸਾਨ ਉਤਪਾਦਕ ਕੰਪਨੀ ਤੇ ਦੋ ਕਿਸਾਨ ਉਤਪਾਦਕ ਕੰਪਨੀ ਮਿਲ ਕੇ ਇੱਕ ਰਾਸ਼ਟਰੀ ਕਿਸਾਨ ਕੰਪਨੀ ਦੇ ਰੂਪ ਵਿੱਚ, ਖੇਤੀਬਾੜੀ ਇਨਪੁਟ ਸਾਈਡ ਅਤੇ ਉਤਪਾਦਨ ਸਾਈਡ ਦਾ ਕੰਮ ਸ਼ੁਰੂ ਕਰ ਰਹੇ ਹਨ।
ਇਸ ਨਾਲ ਕੰਪਨੀ ਨਹੀਂ ਬਣ ਰਹੀ ਸਗੋਂ ਹੇਠਾਂ ਵਾਲੇ ਲੋਕ ਕੰਮ ਕਰ ਰਹੇ ਹਾਂ। ਮਹਾਂਰਾਸ਼ਟਰ ’ਚ ਗੰਨੇ ਦੇ ਰਸ ਦੀ ਚਾਹ ਦਾ ਪਹਿਲਾ ਆਊਟਲੈੱਟ ਚਲਾਉਣ ਵਾਲੇ ਵਿਪਿਨ ਦਾ ਕਹਿਣਾ ਹੈ ਕਿ ਮਹਾਂਰਾਸ਼ਟਰ ’ਚ ਸਾਡੇ ਦੋ ਕਿਸਾਨ ਸਮੂਹ ਹਨ। 20 ਕਿਸਾਨ ਢੰਡ ਅਤੇ 10 ਕਿਸਾਨ ਰੋੜੀ ਦੇ ਸ਼ਾਮਲ ਹਨ। ਰੋੜੀ ਦੇ ਕਿਸਾਨਾਂ ਨੇ ਮਿਲ ਕੇ ਗੰਨੇ ਦੇ ਰਸ ਤੋਂ ਬਣੀ ਚਾਹ ਲਈ ਦੁਨੀਆ ਦਾ ਪਹਿਲਾ ਆਊਟਲੈਟ ਖੋਲ੍ਹਿਆ ਹੈ। ਉਸ ਦੇ ਇਸ ਉਪਰਾਲੇ ਕਾਰਨ ਨੇੜਲੀ ਅਦਾਲਤ ਨੇ ਵੀ ਉਸ ਨੂੰ ਰੋਜ਼ਾਨਾ 100 ਕੱਪ ਚਾਹ ਪੀਣ ਦਾ ਹੁਕਮ ਦਿੱਤਾ ਹੈ। ਇਹ ਇਕੱਠੇ ਕੰਮ ਕਰਨ ਦੀ ਸ਼ਕਤੀ ਹੈ ਇਸੇ ਤਰ੍ਹਾਂ ਹਰਿਆਣਾ ਸਮੇਤ ਹੋਰ ਰਾਜਾਂ ਦੇ ਕਿਸਾਨ ਵੀ ਸੁਰੂ ਹੋ ਜਾਣਗੇ।
ਆਧੁਨਿਕ ਤਕਨਾਲੋਜੀ ’ਤੇ ਧਿਆਨ
ਸਰੀਨ ਦਾ ਕਹਿਣਾ ਹੈ ਕਿ ਲੋਕਾਂ ਨੇ ਉਨ੍ਹਾਂ ਦੀ ਕੰਪਨੀ ’ਚ ਪੈਸਾ ਲਾਇਆ ਹੈ ਤਾਂ ਅਸੀਂ ਉਨ੍ਹਾਂ ਲੋਕਾਂ ਤੋਂ ਤਕਨੀਕ ਲਈ ਹੈ ।
ਗੰਨੇ ਦੇ ਰਸ ਨੂੰ ਤੁਰੰਤ ਠੰਢਾ ਕਰਨ ਲਈ, ਆਈਟੀਆਈ ਮੁੰਬਈ ਤੋਂ 15 ਲੱਖ ਰੁਪਏ ਵਿੱਚ ਕੁਸ਼ਲ ਤਕਨਾਲੋਜੀ ਲਈ ਹੈ। ਅਸੀਂ ਮਸ਼ੀਨ ਦੀ ਗਰਮੀ ਨਾਲ ਗੰਨੇ ਨੂੰ ਕੇਂਦਰਿਤ ਕਰਾਂਗੇ ਜੋ ਗੰਨੇ ਦੇ ਰਸ ਨੂੰ ਫਰਿੱਜ ਵਿੱਚ ਬਣਾਉਣ ਲਈ ਬਣਾਈ ਜਾ ਰਹੀ ਹੈ। ਇਹ ਸਾਰੀਆਂ ਮਸੀਨਾਂ ਕਿਸਾਨਾਂ ਲਈ ਬਣਾਈਆਂ ਜਾਣਗੀਆਂ ਅਤੇ ਇਨ੍ਹਾਂ ਦੀ ਵਰਤੋਂ ਕਰਨਗੇ।
ਇਸ ਤਰ੍ਹਾਂ ਕਵਰ ਕੀਤਾ ਜਾਵੇਗਾ ਮਾਰਕੀਟ ਨੂੰ :
ਵਿਪਿਨ ਦਾ ਕਹਿਣਾ ਹੈ ਕਿ ਸਾਡੀ ਕੋਸ਼ਿਸ਼ ਹੈ ਕਿ ਕਿਸਾਨਾਂ ਦਾ ਇੱਕ ਗਰੁੱਪ ਇਸ ਮਸ਼ੀਨ ਨੂੰ ਨੇੜੇ ਦੇ ਹਸਪਤਾਲਾਂ, ਸਕੂਲਾਂ, ਫੂਡ ਆਉਟਲੈਟਾਂ ’ਤੇ ਵੇਚੇਗਾ ਜਾਂ ਕਿਰਾਏ ’ਤੇ ਦੇਵੇਗਾ ਜਾਂ ਸਾਂਝੇਦਾਰੀ ’ਤੇ ਲਾ ਕੇ ਆਪਣਾ ਗੰਨਾ ਸਪਲਾਈ ਕਰੇਗਾ। ਇਸ ਤਰ੍ਹਾਂ ਸਾਡੇ ਕਿਸਾਨ ਮੰਡੀ ਨਾਲ ਜੁੜਨਗੇ। ਇਸ ਤਰ੍ਹਾਂ ਜਦੋਂ ਉਹ ਮਸੀਨ ਲਈ ਗੰਨਾ ਦੇਣ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਗੁੜ ਅਤੇ ਹੋਰ ਉਤਪਾਦ ਵੀ ਮਿਲਣਗੇ ਤੇ ਉਨ੍ਹਾਂ ਦਾ ਦਾਇਰਾ ਵਧੇਗਾ। ਇਸ ਤੋਂ ਇਲਾਵਾ ਗੰਨੇ ਦੇ ਰਸ ਤੋਂ ਲੈ ਕੇ ਚਟਨੀ, ਜੈਮ, ਸਿਰਕਾ, ਬਿਸਕੁਟ-ਕੁਕੀਜ, ਇਹ ਸਭ ਕੁਝ ਆਉਣ ਵਾਲੇ ਸਮੇਂ ਵਿਚ ਛੋਟੇ ਪੱਧਰ ’ਤੇ ਲਿਆਵਾਂਗੇ।
ਇਨ੍ਹਾਂ ਸਾਰੇ ਉਤਪਾਦਾਂ ਦੇ ਉਤਪਾਦਨ ਲਈ ਮਾਹਿਰ ਸਾਡੇ ਨਾਲ ਜੁੜੇ ਹਨ। ਇਹ ਮਾਹਿਰ ਕਿਸਾਨਾਂ ਨੂੰ ਵੀ ਪੜ੍ਹਾ ਰਹੇ ਹਨ। ਇਸ ਤਰ੍ਹਾਂ ਸਾਡੇ ਸਟਾਰਟਅੱਪਸ ਨੇ ਮਿਲ ਕੇ ਉਤਪਾਦਾਂ ਦੀ ਲਾਗਤ ਨੂੰ ਘਟਾਇਆ ਹੈ ਤੇ ਸਾਂਝੇ ਯਤਨਾਂ ਨਾਲ ਕੰਮ ਨੂੰ ਅੱਗੇ ਵਧਾ ਰਹੇ ਹਨ। ਇਸ ਦੇ ਨਾਲ ਹੀ ਸਹਾਇਕ ਉਤਪਾਦਾਂ ਨੂੰ ਵੀ ਜੋੜਿਆ ਜਾਵੇਗਾ।
ਗੰਨੇ ਦੀ ਚੂਰੀ ਤੋਂ ਵੀ ਮੁਨਾਫਾ ਕਮਾਇਆ ਜਾਵੇਗਾ:
ਸਰੀਨ ਦਾ ਕਹਿਣਾ ਹੈ ਕਿ ਕਿਸਾਨਾਂ ਨੂੰ ਸਿਰਫ਼ ਗੰਨੇ ਦੇ ਰਸ ਤੋਂ ਹੀ ਨਹੀਂ ਸਗੋਂ ਗੰਨੇ ਦੀ ਚੂਰੀ (ਗੰਨੇ ਨੂੰ?ਪੀੜਨ ਤੋਂ ਬਾਅਦ ਜੋ ਰਹਿੰਦ-ਖੂੰਹਦ ਬਚਦੀ ਹੈ) ਤੋਂ ਵੀ ਲਾਭ ਪਹੁੰਚਾਉਣ ਦੀ ਯੋਜਨਾ ਹੈ। ਇਸ ਤਹਿਤ ਚੂਰੀ ਤੋਂ ਮੋਨਸਟਰ ਮਸ਼ਰੂਮ ਉਗਾਏ ਜਾਣਗੇ। ਇਸ ਲਈ ਜਿੰਨਾ ਪੈਸਾ ਅਸੀਂ ਜੂਸ ਤੋਂ ਕਮਾ ਰਹੇ ਹਾਂ, ਅਸੀਂ ਚੂਰੀ ਤੋਂ ਕਮਾਉਣ ਜਾ ਰਹੇ ਹਾਂ, ਉਸੇ ਤਰ੍ਹਾਂ ਅਸੀਂ ਸਮੁੱਚੀ ਕੀਮਤ ਨੂੰ ਹੇਠਾਂ ਲਿਆਉਣ ਜਾ ਰਹੇ ਹਾਂ। ਸਾਰੇ ਉਤਪਾਦ ਆਮ ਆਦਮੀ ਦੀ ਪਹੁੰਚ ਵਿੱਚ ਹੋਣ ਲਈ ਹੁੰਦੇ ਹਨ।
ਭੋਜਨ ਮਾਰਕੀਟ ਦਾ ਮਾਲਕ ਕਿਸਾਨ ਬਣ ਜਾਵੇਗਾ:
ਅੰਤ ਵਿੱਚ ਵਿਪਿਨ ਸਰੀਨ ਦਾ ਕਹਿਣਾ ਹੈ ਕਿ ਕਿਸਾਨ ਭੋਜਨ ਦੇ ਕਾਰੋਬਾਰ ਦਾ ਮਾਲਕ ਬਣਨ ਵਾਲਾ ਹੈ। ਉਹ ਸਪਲਾਇਰ ਨਹੀਂ ਹੈ ਜਿਸ ਨੂੰ ਤੁਸੀਂ 10 ਰੁਪਏ ਦਾ ਭੁਗਤਾਨ ਕਰ ਰਹੇ ਹੋ। ਇਹ ਉਸਦੇ ਬੱਚੇ ਹਨ ਜੋ ਫੈਕਟਰੀ ਖੋਲ੍ਹਣ ਜਾ ਰਹੇ ਹਨ, ਆਉਣ ਵਾਲੇ ਸਮੇਂ ਵਿੱਚ ਸਾਰੇ ਉਤਪਾਦ ਤੁਹਾਡੇ ਘਰ ਦੇ ਨੇੜੇ ਉਪਲੱਬਧ ਕਰਵਾਏ ਜਾਣਗੇ। ਇਸ ਲਈ, ਸਾਡੇ ਨਾਲ ਸਾਮਲ ਹੋਣ ਵਾਲੇ ਸਾਰੇ ਕਿਸਾਨਾਂ ਨੂੰ ਸਟ੍ਰੀਟ ਫੂਡ ਵਿਕ੍ਰੇਤਾ, ਕੈਟਰਿੰਗ, ਨਿਰਮਾਣ ਅਤੇ ਜ਼ਿਲ੍ਹਾ ਪ੍ਰਚੂਨ ਸਮੇਤ ਦੀ ਪੂਰੀ ਪੱਧਰ ਦੀ ਸਿਖਲਾਈ ਦਿੱਤੀ ਜਾ ਰਹੀ ਹੈ, ਕਿਉਂਕਿ ਉਨ੍ਹਾਂ ਦੇ ਉਤਪਾਦ ਹਰ ਜਗ੍ਹਾ ਜਾਣ ਵਾਲੇ ਹਨ।
ਖੇਤਾਂ ਦੀਆਂ ਵੱਟਾਂ ’ਤੇ ਲਗਾਓ ਸਫੈਦਾ:
ਪੰਜਾਬ ਦੇ ਕਿਸਾਨ ਵੱਲੋਂ ਕਣਕ ਅਤੇ ਝੋਨੇ ਹੇਠ ਰਕਬਾ ਘਟਾ ਕੇ ਹਾਈਬਰੀਡ ਸਫੈਦੇ ਦੀ ਖੇਤੀ ਕਰਨ ਵੱਲ ਆਪਣਾ ਧਿਆਨ ਮੋੜਿਆ ਗਿਆ ਹੈ। ਸਫੈਦੇ ਦੀ ਖੇਤੀ ਕਰਨ ਲਈ ਕੋਈ ਬਹੁਤ ਮਿਹਨਤ ਵੀ ਨਹੀਂ ਕਰਨੀ ਪੈਂਦੀ ਅਤੇ ਕਮਾਈ ਆਮ ਫਸਲਾਂ ਨਾਲੋਂ ਜਿਆਦਾ ਹੈ। ਜੰਗਲਾਤ ਵਿਭਾਗ ਵੀ ਇਸ ਮਾਮਲੇ ਵਿੱਚ ਕਿਸਾਨਾਂ ਦੀ ਖੂਬ ਮੱਦਦ ਕਰ ਰਿਹਾ ਹੈ ਤਾਂ ਕਿ ਕਿਸਾਨਾਂ ਦੀ ਆਮਦਨ ’ਚ ਵਾਧਾ ਹੋਣ ਦੇ ਨਾਲ ਹੀ ਜੰਗਲਾਤ ਹੇਠ ਆਉਣ ਵਾਲੀਆਂ ਜਮੀਨਾਂ ਹੇਠਲਾ ਰਕਬਾ ਵੀ ਵਧ ਸਕੇ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਹਾਈਬਰੀਡ ਸਫੈਦੇ ਦਾ ਬੂਟਾ 10 ਰੁਪਏ ਦਾ ਅਤੇ ਕਲੋਨ ਵਾਲਾ ਬੂਟਾ ਤਕਰੀਬਨ 12 ਰੁਪਏ ਦਾ ਮਿਲ ਜਾਂਦਾ ਹੈ।
ਜੇਕਰ ਕਿਸਾਨ ਇਸ ਨੂੰ ਏਕੜਾਂ ’ਚ ਨਾ ਵੀ ਲਾਉਣਾ ਚਾਹੁਣ ਤਾਂ ਛੋਟੇ ਅਤੇ ਦਰਮਿਆਨੇ ਕਿਸਾਨ ਆਪਣੇ ਖੇਤ ਦੀਆਂ ਵੱਟਾਂ ’ਤੇ ਵੀ ਲਾ ਸਕਦੇ ਹਨ ਕਿਉਂਕਿ ਹਾਈਬਰੀਡ ਸਫੈਦੇ ਦੀ ਲੰਬਾਈ ਜਿਆਦਾ ਹੋਣ ਕਾਰਨ ਫਸਲ ’ਤੇ ਕੋਈ ਮਾੜਾ ਪ੍ਰਭਾਵ ਨਹੀਂ ਪੈਂਦਾ। ਇੱਕ ਏਕੜ ’ਚ ਤਕਰੀਬਨ 800 ਬੂਟਾ ਸਫੈਦੇ ਦਾ ਲਾਇਆ ਜਾ ਸਕਦਾ ਹੈ। ਜਿਹੜਾ ਪੰਜਵੇਂ ਸਾਲ ਵਿੱਚ ਕਿਸਾਨਾਂ ਨੂੰ ਆਮਦਨ ਦੇ ਦਿੰਦਾ ਹੈ। ਹਾੜ੍ਹੀ ਦੀਆਂ ਫਸਲਾਂ ਦੌਰਾਨ ਸਫੈਦੇ ’ਚ ਕਣਕ ਦੀ ਫਸਲ ਵੀ ਬੀਜੀ ਜਾ ਸਕਦੀ ਹੈ। ਕਿਉਂਕਿ ਸਰਦੀ ਵਿੱਚ ਇਸ ਦੇ ਸਾਰੇ ਪੱਤੇ ਝੜ ਜਾਂਦੇ ਹਨ।
ਜੰਗਲਾਤ ਵਿਭਾਗ ਵੱਲੋਂ ਸਫੈਦੇ ਦੀ ਕਾਸ਼ਤ ਕਰਨ ਲਈ ਕਿਸਾਨਾਂ ਨੂੰ ਪਹਿਲੇ ਦੋ ਸਾਲ ਪ੍ਰਤੀ ਬੂਟਾ 14 ਰੁਪਏ ਅਤੇ ਤੀਸਰੇ ਸਾਲ ਪ੍ਰਤੀ ਬੂਟਾ 7 ਰੁਪਏ ਖਰਚੇ ਦੇ ਤੌਰ ’ਤੇ ਦਿੱਤੇ ਜਾਂਦੇ ਹਨ। ਵਿਭਾਗ ਕੋਲੋਂ ਇਹ ਖਰਚਾ ਲੈਣ ਲਈ ਕਿਸਾਨਾਂ ਨੂੰ ਜਮੀਨ ਦੀ ਫਰਦ ਦੇਣੀ ਹੁੰਦੀ ਹੈ। ਪੰਜ ਸਾਲ ਦਾ ਬੂਟਾ ਵੇਚਣ ਯੋਗ ਹੋ ਜਾਂਦਾ ਹੈ। ਜਿਹੜਾ 1800 ਤੋਂ ਲੈ ਕੇ 2000 ਰੁਪਏ ਪ੍ਰਤੀ ਬੂਟੇ ਤੱਕ ਵਿਕ ਜਾਂਦਾ ਹੈ। ਬਾਕੀ ਮੰਡੀ ਦੇ ਉੱਤਰਾਅ-ਚੜ੍ਹਾਅ ਕਾਰਨ ਭਾਅ ਘੱਟ-ਵੱਧ ਵੀ ਹੋ ਸਕਦਾ ਹੈ। ਜੇਕਰ ਪੰਜਾਬ ਦੇ ਕਿਸਾਨ ਆਪਣੀ ਜ਼ਮੀਨ ਦਾ ਕੁਝ ਰਕਬਾ ਸਫੈਦੇ ਦੀ ਕਾਸ਼ਤ ਕਰਨ ਜਾਂ ਫਿਰ ਵੱਟਾਂ ’ਤੇ ਸਫੈਦੇ ਲਾਉਣ ਤਾਂ ਆਮਦਨੀ ਦਾ ਵਧੀਆ ਸਾਧਨ ਹੋ ਸਕਦਾ ਹੈ।
ਲੀਚੀ ਦੇ ਬਾਗ ਵੀ ਆਮਦਨ ਦਾ ਸਾਧਨ:
ਲੀਚੀ ਦੇ ਫਲਾਂ ਦਾ ਸੀਜ਼ਨ ਸ਼ੁਰੂ ਹੋ ਚੁੱਕਾ ਹੈ। ਫਲਾਂ ਦੇ ਨਾਲ ਹੀ ਲੀਚੀ ਦੇ ਜੂਸ ਨੂੰ ਗਰਮੀ ਦੇ ਮੌਸਮ ਵਿੱਚ ਸਭ ਤੋਂ ਜਿਆਦਾ ਪਸੰਦ ਕੀਤਾ ਜਾਂਦਾ ਹੈ। ਲਖਨਊ ਦੀ ਇੱਕ ਸੰਸਥਾ ਨੇ ਲੀਚੀ ਦਾ ਜੂਸ ਤਿਆਰ ਕਰਨ ਦੀ ਤਕਨੀਕ ਤਿਆਰ ਕੀਤੀ ਹੈ। ਲੀਚੀ ਉਤਪਾਦਕ ਤੇ ਛੋਟੇ ਕਿਸਾਨ ਜੂਸ ਤਿਆਰ ਕਰਕੇ ਵਧੀਆ ਪੈਸਾ ਕਮਾ ਸਕਦੇ ਹਨ। ਆਮ ਲੋਕਾਂ ਦੀ ਆਮਦਨ ਵਧਣ ਦੇ ਨਾਲ ਹੀ ਸਿਹਤ ਪ੍ਰਤੀ ਵੀ ਜਾਗਰੂਕਤਾ ਪੈਦਾ ਹੋਈ ਹੈ। ਜਿਸ ਕਰਕੇ ਦੂਸਰੇ ਫਲਾਂ ਦੇ ਜੂਸ ਦੀ ਮੰਗ ਵੀ ਵਧਦੀ ਜਾ ਰਹੀ ਹੈ। ਲੀਚੀ ਦੀ ਕਾਸ਼ਤ ਕਰਨ ਵਾਲੇ ਕਿਸਾਨ ਜੂਸ ਦੀ ਪੈਕਿੰਗ ਕਰਕੇ ਬਜਾਰ ਵਿੱਚ ਵੇਚ ਸਕਦੇ ਹਨ। ਲਖਨਊ ਦੇ ਕੇਂਦਰੀ ਬਾਗਬਾਨੀ ਵਿਭਾਗ ਨੇ ਲੀਚੀ ਦਾ ਜੂਸ ਤਿਆਰ ਕਰਨ ਦਾ ਸੌਖਾ ਢੰਗ ਤਿਆਰ ਕੀਤਾ ਹੈ। ਜਿਸ ਨਾਲ ਜੂਸ ਤਿਆਰ ਕਰਕੇ ਬਜਾਰ ਵਿੱਚ ਵੇਚਿਆ ਜਾ ਸਕਦਾ ਹੈ।
ਲੀਚੀ ਦੇ ਜੂਸ ਨੂੰ ਛੇ ਮਹੀਨੇ ਤੱਕ ਸਾਂਭ ਕੇ ਰੱਖਿਆ ਜਾ ਸਕਦਾ ਹੈ ਤੇ ਸਵਾਦ ਵਿੱਚ ਕੋਈ ਫਰਕ ਨਹੀਂ ਪੈਂਦਾ। ਗਰਮੀਆਂ ਦੇ ਮੌਸਮ ਵਿੱਚ ਤਾਂ ਜੂਸ ਦੀ ਮੰਗ ਬਹੁਤ ਵਧ ਜਾਦੀ ਹੈ। ਅੰਬ, ਸੰਗਤਰਾ, ਮੁਸੰਮੀ ਦੇ ਨਾਲ ਹੀ ਲੀਚੀ ਦੇ ਜੂਸ ਦੀ ਮੰਗ ਵਧਦੀ ਜਾ ਰਹੀ ਹੈ। ਬੋਤਲ ਬੰਦ ਲੀਚੀ ਦਾ ਜੂਸ ਵੱਧ ਆਮਦਨ ਦੇ ਸਕਦਾ ਹੈ। ਵਿਦੇਸ਼ਾਂ ਵਿੱਚ ਇਸ ਦੀ ਮੰਗ ਵਧ ਰਹੀ ਹੈ। ਲੀਚੀ ਉਤੱਰ ਭਾਰਤ ਵਿੱਚ ਪੈਦਾ ਹੋਣ ਵਾਲਾ ਇੱਕ ਮਹੱਤਵਪੂਰਨ ਫਲ ਹੈ। ਸਮੁੱਚੇ ਦੇਸ਼ ਵਿੱਚ ਤਕਰੀਬਨ 70 ਹਜਾਰ ਹੈਕਟੇਅਰ ਵਿੱਚ ਲੀਚੀ ਦੀ ਖੇਤੀ ਹੋ ਰਹੀ ਹੈ। ਹਰ ਸਾਲ 160 ਟਨ ਲੀਚੀ ਨਿਰਯਾਤ ਕੀਤੀ ਜਾ ਰਹੀ ਹੈ।
ਘਰੇਲੂ ਬਜਾਰ ਵਿੱਚ ਲੀਚੀ ਦਾ ਜੂਸ ਸਿਰਫ 10 ਫੀਸਦੀ ਤਿਆਰ ਕੀਤਾ ਜਾ ਰਿਹਾ ਹੈ। ਜਿਸ ਕਰਕੇ ਲੀਚੀ ਦੇ ਜੂਸ ਦੀਆਂ ਬਜਾਰ ਵਿੱਚ ਬਹੁਤ ਸੰਭਾਨਾਵਾਂ ਹਨ। ਲਘੂ ਉਦਯੋਗ ਦੇ ਰੂਪ ਵਿੱਚ ਲੀਚੀ ਦਾ ਜੂਸ ਤਿਆਰ ਕਰਨ ਦੀ ਇਕਾਈ ਲਾਈ ਜਾ ਸਕਦੀ ਹੈ। ਜੂਸ ਤਿਆਰ ਕਰਨ ਲਈ ਲੀਚੀ ਦਾ ਬੀਜ ਵੱਖਰਾ ਕਰਕੇ ਗੁੱਦੇ ਨੂੰ ਚੰਗੀ ਤਰ੍ਹਾਂ ਪੀਸ ਲਿਆ ਜਾਂਦਾ ਹੈ ਅਤੇ ਹੋਰ ਬਰੀਕ ਕਰਨ ਲਈ ਮਸ਼ੀਨ ਦਾ ਪ੍ਰਯੋਗ ਕੀਤਾ ਜਾਂਦਾ ਹੈ। ਲੀਚੀ ਦਾ 50 ਲੀਟਰ ਜੂਸ ਤਿਆਰ ਕਰਨ ਲਈ 2 ਹਜਾਰ ਰੁਪਏ ਦੀ ਲਾਗਤ ਆਉਂਦੀ ਹੈ। 200 ਮਿਲੀਲੀਟਰ ਦਾ ਪੈਕਟ ਬਜਾਰ ਵਿੱਚ 10 ਤੋਂ 12 ਰੁਪਏ ਦਾ ਵਿਕਦਾ ਹੈ।
ਬ੍ਰਿਸ਼ਭਾਨ ਬੁਜਰਕ,
ਕਾਹਨਗੜ੍ਹ ਰੋਡ, ਪਾਤੜਾਂ, ਪਟਿਆਲਾ
ਮੋ. 98761-01698
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
