3 ਵੱਖ ਵੱਖ ਬੇਨਾਮ ਕਲੋਨੀਆਂ ’ਚ 5 ਉਸਾਰੀ ਅਧੀਨ ਇਮਾਰਤਾਂ ਤੇ ਦੁਕਾਨ ਕੀਤੀ ਢਹਿ ਢੇਰੀ | Galada
ਸਾਹਨੇਵਾਲ/ ਲੁਧਿਆਣਾ (ਜਸਵੀਰ ਸਿੰਘ ਗਹਿਲ/ ਸਾਹਿਲ ਅਗਰਵਾਲ)। ਗਲਾਡਾ ਵੱਲੋਂ ਨਿਯਮਾਂ ’ਤੇ ਖਰੇ ਨਾ ਉਤਰਨ ਵਾਲੇ ਕਲੋਨਾਈਜਰਾਂ ਦੀਆਂ ਕਲੋਨੀਆਂ ’ਚ ਪੀਲਾ ਪੰਜਾ ਚਲਾ ਕੇ ਉਸਾਰੀ ਅਧੀਨ ਕਈ ਇਮਾਰਤਾਂ ਤੇ ਦੁਕਾਨਾਂ ਨੂੰ ਢਹਿ ਢੇਰੀ ਕਰ ਦਿੱਤਾ। ਇਸ ਮੌਕੇ ਗਲਾਡਾ ਦੀ ਕਾਰਵਾਈ ਨੂੰ ਪੀੜਤਾਂ ਨੇ ਨਜਾਇਜ਼ ਠਹਿਰਾਇਆ।
ਪ੍ਰਾਪਤ ਜਾਣਕਾਰੀ ਮੁਤਾਬਕ ਗਲਾਡਾ ਦੇ ਅਧਿਕਾਰੀਆਂ ਵੱਲੋਂ ਅੱਜ ਲੁਧਿਆਣਾ ਦੇ ਮਿਹਰਵਾਨ ਤੇ ਧੌਲਾ ਰੋਡ ਇਲਾਕੇ ’ਚ ਵੱਖ ਵੱਖ ਥਾਵਾਂ ’ਤੇ ਸਥਿੱਤ 3 ਬੇਨਾਮ ਕਲੋਨੀਆਂ ’ਚ ਕਾਰਵਾਈ ਕੀਤੀ ਗਈ ਹੈ। ਜਿੱਥੇ ਕਰਦਿਆਂ ਲੈਂਟਰ ਪਾਏ ਹੋਏ ਰਿਹਾਇਸੀ ਮਕਾਨਾਂ ਨੂੰ ਛੱਡ ਕੇ ਉਸਾਰੀ ਅਧੀਨ 5 ਇਮਾਰਤਾਂ ਤੇ ਦੁਕਾਨਾਂ ਨੂੰ ਮਲਬੇ ਵਿੱਚ ਤਬਦੀਲ ਕਰ ਦਿੱਤਾ। ਇਸ ਮੌਕੇ ਮੌਜੂਦ ਅਧਿਕਾਰੀਆਂ ਤੋਂ ਪ੍ਰਾਪਤ ਜਾਣਕਾਰੀ ਮੁਤਾਬਕ ਕਲੋਨਾਈਜਰਾਂ ਵੱਲੋਂ ਕਲੋਨੀਆਂ ਦਾ ਬਣਦਾ ਟੈਕਸ ਜਮਾਂ ਨਹੀਂ ਕਰਵਾਇਆ ਗਿਆ। ਜਿਸ ਕਰਕੇ ਗਲਾਡਾ ਅਧਿਕਾਰੀਆਂ ਨੂੰ ਮਜ਼ਬੂਰਨ ਕਲੋਨੀਆਂ ’ਤੇ ਬਣੇ ਮਕਾਨਾਂ ਤੇ ਦੁਕਾਨਾਂ ਨੂੰ ਢਾਉਣਾ ਪਿਆ ਹੈ।
