ਪੋਰਟ ਐਲਿਜ਼ਾਬੈਥ ’ਚ ਪਹਿਲੀ ਵਾਰ ਆਹਮੋ-ਸਾਹਮਣੇ ਹੋਣਗੀਆਂ ਦੋਵੇਂ ਟੀਮਾਂ
- ਪਹਿਲਾ ਮੁਕਾਬਲਾ ਮੀਂਹ ਕਾਰਨ ਹੋਇਆ ਸੀ ਰੱਦ
- ਅੱਜ ਵੀ ਮੀਂਹ ਦੇ ਆਉਣ ਦੀ ਸੰਭਾਵਨਾ 70 ਫੀਸਦੀ
ਪੋਰਟ ਐਲਿਜ਼ਾਬੈਥ। ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਕਾਰ ਟੀ-20 ਸੀਰੀਜ ਦਾ ਦੂਜਾ ਮੈਚ ਅੱਜ ਖੇਡਿਆ ਜਾਵੇਗਾ। ਕੇਬੇਰਾ ਦੇ ਪੋਰਟ ਐਲਿਜਾਬੈਥ ਮੈਦਾਨ ’ਤੇ ਮੈਚ ਰਾਤ 8:30 ਵਜੇ ਸ਼ੁਰੂ ਹੋਵੇਗਾ, ਟਾਸ ਰਾਤ 8:00 ਵਜੇ ਹੋਵੇਗਾ। ਪਹਿਲਾ ਟੀ-20 ਮੈਚ 10 ਦਸੰਬਰ ਨੂੰ ਹੋਣਾ ਸੀ ਪਰ ਉਹ ਮੈਚ ਮੀਂਹ ਕਾਰਨ ਰੱਦ ਹੋ ਗਿਆ ਸੀ ਅਤੇ ਅੱਜ ਵਾਲਾ ਦੂਜਾ ਟੀ-20 ਮੈਚ ਵੀ ਮੀਂਹ ਦੇ ਸਾਏ ਹੇਠ ਹੈ। ਅੱਜ ਕੇਬੇਰਾ ’ਚ 70 ਫੀਸਦੀ ਤੱਕ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਅੱਜ ਦਾ ਮੈਚ ਜਿੱਤਣ ਵਾਲੀ ਟੀਮ 3-ਟੀ-20 ਦੀ ਸੀਰੀਜ ’ਚ 1-0 ਦੀ ਬੜ੍ਹਤ ਬਣਾ ਲਵੇਗੀ। ਇਸ ਮੈਦਾਨ ’ਤੇ ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਕਾਰ ਪਹਿਲਾ ਮੈਚ ਖੇਡਿਆ ਜਾ ਰਿਹਾ ਹੈ। ਅਜਿਹੇ ’ਚ ਟੀਮ ਇੰਡੀਆ ਦੀ ਨੌਜਵਾਨ ਟੀਮ ਜਿੱਤ ਹਾਸਲ ਕਰਕੇ ਅੱਗੇ ਵਧਣਾ ਚਾਹੇਗੀ। ਦੂਜੇ ਪਾਸੇ ਮੇਜ਼ਬਾਨ ਟੀਮ ਦੱਖਣੀ ਅਫਰੀਕਾ ਸੀਰੀਜ ’ਚ ਅੱਗੇ ਰਹਿਣਾ ਚਾਹੇਗੀ। (IND Vs SA)
ਦੋਵਾਂ ਟੀਮਾਂ ਦਾ ਅੱਜ ਤੱਕ ਦਾ ਰਿਕਾਰਡ | IND Vs SA
ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਕਾਰ ਟੀ-20 ਫਾਰਮੈਟ ’ਚ ਹੁਣ ਤੱਕ ਕੁੱਲ 8 ਸੀਰੀਜ਼ ਖੇਡੀਆਂ ਗਈਆਂ ਹਨ। ਇਨ੍ਹਾਂ ’ਚੋਂ ਭਾਰਤ ਨੇ ਚਾਰ ਅਤੇ ਦੱਖਣੀ ਅਫਰੀਕਾ ਨੇ ਦੋ ਜਿੱਤੀਆਂ ਹਨ। 2 ਸੀਰੀਜ਼ ਡਰਾਅ ਰਹੀਆਂ ਹਨ। ਦੋਵਾਂ ਵਿਚਕਾਰ ਹੁਣ ਤੱਕ ਕੁੱਲ 25 ਮੈਚ ਖੇਡੇ ਗਏ ਹਨ, ਜਿਨ੍ਹਾਂ ’ਚੋਂ ਭਾਰਤ ਨੇ 13 ਅਤੇ ਦੱਖਣੀ ਅਫਰੀਕਾ ਨੇ 10 ਮੈਚ ਜਿੱਤੇ ਹਨ। (IND Vs SA)
ਪਿੱਚ ਦੀ ਰਿਪੋਰਟ | IND Vs SA
ਦੋਵੇਂ ਟੀਮਾਂ ਆਪਣਾ ਪਹਿਲਾ ਮੈਚ ਪੋਰਟ ਐਲਿਜਾਬੇਥ ’ਚ ਇੱਕ-ਦੂਜੇ ਖਿਲਾਫ ਖੇਡਣ ਜਾ ਰਹੀਆਂ ਹਨ। ਹੁਣ ਤੱਕ ਇੱਥੇ 8 ਟੀ-20 ਮੈਚ ਖੇਡੇ ਗਏ ਹਨ। ਜਿਸ ਟੀਮ ਨੇ 4 ’ਚ ਪਹਿਲਾਂ ਬੱਲੇਬਾਜੀ ਕੀਤੀ ਅਤੇ 4 ’ਚ ਦੌੜਾਂ ਦਾ ਪਿੱਛਾ ਕੀਤਾ ਅਤੇ ਉਹ ਮੈਚ ਜਿੱਤ ਗਈ। ਪਹਿਲੀ ਪਾਰੀ ਦੀ ਔਸਤ ਕੁੱਲ 130 ਦੌੜਾਂ ਦੀ ਹੈ, ਜਦਕਿ ਦੂਜੀ ਪਾਰੀ ਦੀ ਔਸਤ ਕੁੱਲ 111 ਦੌੜਾਂ ਹੈ। ਅਜਿਹੇ ’ਚ ਇੱਥੇ ਘੱਟ ਸਕੋਰ ਵਾਲੇ ਮੈਚ ਦੀ ਉਮੀਦ ਹੈ। ਪਿੱਚ ਗੇਂਦਬਾਜਾਂ ਦੇ ਪੱਖ ’ਚ ਜਾ ਸਕਦੀ ਹੈ। (IND Vs SA)
ਮੌਸਮ : 70 ਫੀਸਦੀ ਮੀਂਹ ਦੀ ਸੰਭਾਵਨਾ | IND Vs SA
ਮੰਗਲਵਾਰ ਨੂੰ ਪੋਰਟ ਐਲਿਜਾਬੇਥ ’ਚ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਇੱਥੇ 70 ਫੀਸਦੀ ਤੋਂ ਵੱਧ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਦਿਨ ਭਰ ਬੱਦਲ ਛਾਏ ਰਹਿਣਗੇ ਅਤੇ 1.9 ਮਿਲੀਮੀਟਰ ਮੀਂਹ ਪੈ ਸਕਦਾ ਹੈ। ਅਜਿਹੇ ’ਚ ਦੂਜੇ ਮੈਚ ’ਚ ਵੀ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ਾ ਹੱਥ ਲੱਗ ਸਕਦੀ ਹੈ। (IND Vs SA)
ਟੀਮ ਅਪਡੇਟ | IND Vs SA
ਦੱਖਣੀ ਅਫਰੀਕਾ ਦੇ ਤੇਜ਼ ਗੇਂਦਬਾਜ ਲੁੰਗੀ ਐਨਗਿਡੀ ਸੱਟ ਕਾਰਨ ਟੀ-20 ਸੀਰੀਜ ਤੋਂ ਬਾਹਰ ਹੋ ਗਏ ਹਨ। ਦੱਖਣੀ ਅਫਰੀਕਾ ਦੇ ਕ੍ਰਿਕੇਟ ਬੋਰਡ ਕ੍ਰਿਕੇਟ ਦੱਖਣੀ ਅਫਰੀਕਾ (ਸੀਐਸਏ) ਨੇ ਸ਼ਨਿੱਚਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ਹੈ। ਨਗਿਡੀ ਦੀ ਜਗ੍ਹਾ ਤੇਜ਼ ਗੇਂਦਬਾਜ ਬਰੋਨ ਹੈਂਡਰਿਕਸ ਨੂੰ ਸ਼ਾਮਲ ਕੀਤਾ ਗਿਆ ਹੈ। (IND Vs SA)
