IND vs ENG: ਸਪੋਰਟਸ ਡੈਸਕ। ਭਾਰਤੀ ਟੀਮ ਨਵੇਂ ਟੈਸਟ ਕਪਤਾਨ ਸ਼ੁਭਮਨ ਗਿੱਲ (Shubman Gill) ਦੀ ਅਗਵਾਈ ਹੇਠ ਇੰਗਲੈਂਡ ਖਿਲਾਫ਼ ਪੰਜ ਮੈਚਾਂ ਦੀ ਟੈਸਟ ਲੜੀ ਲਈ ਤਿਆਰ ਹੈ। ਪਿਛਲੇ ਕੁਝ ਮਹੀਨਿਆਂ ’ਚ ਲਾਲ ਗੇਂਦ ਦੇ ਫਾਰਮੈਟ ’ਚ ਭਾਰਤ ਦਾ ਪ੍ਰਦਰਸ਼ਨ ਚੰਗਾ ਨਹੀਂ ਰਿਹਾ ਹੈ ਤੇ ਉਸਨੂੰ ਨਿਊਜ਼ੀਲੈਂਡ ਖਿਲਾਫ਼ ਘਰੇਲੂ ਮੈਦਾਨ ਤੇ ਫਿਰ ਅਸਟਰੇਲੀਆ ’ਚ ਟੈਸਟ ਲੜੀ ਗੁਆਉਣੀ ਪਈ। ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (ਡਬਲਯੂਟੀਸੀ) ਦਾ ਨਵਾਂ ਚੱਕਰ ਭਾਰਤ-ਇੰਗਲੈਂਡ ਲੜੀ ਨਾਲ ਸ਼ੁਰੂ ਹੋਵੇਗਾ। ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਦੇ ਟੈਸਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਇਹ ਭਾਰਤੀ ਟੀਮ ਦੀ ਪਹਿਲੀ ਦੁਵੱਲੀ ਲੜੀ ਵੀ ਹੈ। IND vs ENG
ਇਹ ਖਬਰ ਵੀ ਪੜ੍ਹੋ : Sonia Gandhi Health Update: ਸੋਨੀਆਂ ਗਾਂਧੀ ਦੀ ਸਿਹਤ ਵਿਗੜੀ, ਸ਼ਿਮਲਾ ਦੇ ਹਸਪਤਾਲ ’ਚ ਕਰਵਾਇਆ ਗਿਆ ਹੈ ਦਾਖਲ
ਟੀਮ ਇੰਡੀਆ ਇੰਗਲੈਂਡ ਪਹੁੰਚੀ | IND vs ENG
ਗਿੱਲ (Shubman Gill) ਦੀ ਅਗਵਾਈ ਵਾਲੀ ਭਾਰਤੀ ਟੀਮ ਸ਼ਨਿੱਚਰਵਾਰ ਨੂੰ ਇੰਗਲੈਂਡ ਪਹੁੰਚ ਗਈ ਹੈ। ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ ਨੇ ਇੱਕ ਵੀਡੀਓ ਸਾਂਝਾ ਕੀਤਾ ਹੈ ਜਿਸ ’ਚ ਟੀਮ ਇੰਡੀਆ ਦੇ ਮੈਂਬਰ ਹਵਾਈ ਅੱਡੇ ’ਤੇ ਦਿਖਾਈ ਦੇ ਰਹੇ ਹਨ। ਭਾਰਤੀ ਟੀਮ ਸ਼ੁਭਮਨ ਗਿੱਲ ਦੀ ਕਪਤਾਨੀ ਹੇਠ ਇੰਗਲੈਂਡ ਖਿਲਾਫ਼ ਖੇਡੇਗੀ। ਗਿੱਲ ਨੂੰ ਰੋਹਿਤ ਸ਼ਰਮਾ ਦੀ ਜਗ੍ਹਾ ਟੈਸਟ ਟੀਮ ਦਾ ਕਪਤਾਨ ਬਣਾਇਆ ਗਿਆ ਹੈ। ਰਿਸ਼ਭ ਪੰਤ ਇਸ ਲੜੀ ’ਚ ਉਪ-ਕਪਤਾਨ ਦੀ ਭੂਮਿਕਾ ’ਚ ਹੋਣਗੇ।
ਪਹਿਲਾ ਮੈਚ 20 ਜੂਨ ਤੋਂ ਲੀਡਜ਼ ’ਚ | IND vs ENG
ਭਾਰਤ ਤੇ ਇੰਗਲੈਂਡ ਵਿਚਕਾਰ ਪੰਜ ਮੈਚਾਂ ਦੀ ਲੜੀ ਦਾ ਪਹਿਲਾ ਟੈਸਟ 20 ਜੂਨ ਤੋਂ ਲੀਡਜ਼ ’ਚ ਖੇਡਿਆ ਜਾਵੇਗਾ। ਇਸ ਲੜੀ ਨਾਲ, ਭਾਰਤ ਦਾ ਨਵਾਂ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਚੱਕਰ (WTC 2025-27) ਵੀ ਸ਼ੁਰੂ ਹੋਵੇਗਾ। ਕਰੁਣ ਨਾਇਰ ਅੱਠ ਸਾਲਾਂ ਬਾਅਦ ਭਾਰਤੀ ਟੀਮ ’ਚ ਵਾਪਸੀ ਕਰ ਚੁੱਕੇ ਹਨ। ਸ਼ਾਰਦੁਲ ਠਾਕੁਰ ਵੀ ਭਾਰਤੀ ਟੀਮ ’ਚ ਵਾਪਸੀ ਕਰ ਰਹੇ ਹਨ। ਇੰਗਲੈਂਡ ਪਹੁੰਚਣ ਦੀ ਬੀਸੀਸੀਆਈ ਵੱਲੋਂ ਸਾਂਝੀ ਕੀਤੀ ਗਈ ਵੀਡੀਓ ’ਚ, ਖਿਡਾਰੀ ਇੱਕ ਦੂਜੇ ਨਾਲ ਹੱਸਦੇ ਤੇ ਮਜ਼ਾਕ ਕਰਦੇ ਦਿਖਾਈ ਦੇ ਰਹੇ ਹਨ।
ਟੀਮ ਇੰਡੀਆ ਪਿਛਲੇ ਦੌਰੇ ’ਤੇ ਲੜੀ ਜਿੱਤਣ ਤੋਂ ਖੁੰਝੀ ਸੀ | IND vs ENG
ਭਾਰਤ ਨੇ 2021 ’ਚ ਇੱਕ ਵਾਰ ਫਿਰ ਇੰਗਲੈਂਡ ਦਾ ਦੌਰਾ ਕੀਤਾ ਤੇ ਉਸ ਸਮੇਂ ਵੀ ਕਮਾਨ ਕੋਹਲੀ (Virat Kohli) ਦੇ ਹੱਥਾਂ ਵਿੱਚ ਸੀ। ਭਾਰਤੀ ਟੀਮ ਨੇ ਉਸ ਲੜੀ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਤੇ ਚਾਰ ਵਿੱਚੋਂ ਦੋ ਮੈਚ ਜਿੱਤਣ ’ਚ ਕਾਮਯਾਬ ਰਹੀ। ਉਸ ਸਮੇਂ ਅਜਿਹਾ ਲੱਗ ਰਿਹਾ ਸੀ ਕਿ ਭਾਰਤੀ ਟੀਮ ਇਹ ਪੰਜ ਮੈਚਾਂ ਦੀ ਲੜੀ ਜਿੱਤ ਲਵੇਗੀ ਤੇ ਇੰਗਲੈਂਡ ਵਿੱਚ ਟੈਸਟ ਲੜੀ ਜਿੱਤ ਦਾ ਸੋਕਾ ਹੁਣ ਖਤਮ ਹੋ ਜਾਵੇਗਾ। ਪਰ ਪੰਜਵਾਂ ਟੈਸਟ ਮੁਲਤਵੀ ਕਰ ਦਿੱਤਾ ਗਿਆ ਤੇ ਲੜੀ ਦਾ ਆਖਰੀ ਮੈਚ ਜੁਲਾਈ 2022 ’ਚ ਹੋਇਆ।
ਉਦੋਂ ਤੱਕ ਕੋਹਲੀ (Virat Kohli) ਨੇ ਟੈਸਟ ਟੀਮ ਦੀ ਕਮਾਨ ਛੱਡ ਦਿੱਤੀ ਸੀ। ਜਸਪ੍ਰੀਤ ਬੁਮਰਾਹ ਨੂੰ ਫੈਸਲਾਕੁੰਨ ਮੈਚ ਲਈ ਕਪਤਾਨੀ ਸੌਂਪੀ ਗਈ ਸੀ, ਪਰ ਇੰਗਲੈਂਡ ਨੇ ਇਹ ਮੈਚ ਸੱਤ ਵਿਕਟਾਂ ਨਾਲ ਜਿੱਤ ਕੇ ਸੀਰੀਜ਼ 2-2 ਨਾਲ ਬਰਾਬਰ ਕਰ ਦਿੱਤੀ। ਇਸ ਤਰ੍ਹਾਂ, ਭਾਰਤ ਦਾ ਇੰਗਲੈਂਡ ’ਚ ਟੈਸਟ ਸੀਰੀਜ਼ ਜਿੱਤਣ ਦਾ ਇੰਤਜ਼ਾਰ ਫਿਰ ਤੋਂ ਵੱਧ ਗਿਆ ਹੈ। ਹੁਣ ਇੱਕ ਵਾਰ ਫਿਰ ਭਾਰਤੀ ਕ੍ਰਿਕੇਟ ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਟੀਮ ਇੰਡੀਆ ਇਸ ਵਾਰ ਇੰਗਲੈਂਡ ’ਚ ਸੋਕੇ ਨੂੰ ਖਤਮ ਕਰਨ ’ਚ ਸਫਲ ਰਹੇਗੀ। IND vs ENG
