ਪੂਰੇ ਭਾਰਤ ’ਚ ਉਤਸ਼ਾਹ ਨਾਲ ਮਨਾਇਆ ਜਾ ਰਿਹਾ ਹੈ ਦੁਸਹਿਰਾ  (Ravana)

(ਸੱਚ ਕਹੂੰ ਨਿਊਜ਼) ਨਵੀਂ ਦਿੱਲੀ। ਪੂਰੇ ਦੇਸ਼ ਵਿੱਚ ਅੱਜ ਦੁਸਹਿਰਾ ਮਨਾਇਆ ਜਾ ਰਿਹਾ ਹੈ। ਦੁਸਹਿਰੇ ਮੌਕੇ ਰਾਵਣ (Ravana) ਦਾ ਪੁਤਲਾ ਪਟਾਕਿਆਂ ਨਾਲ ਸਾੜਿਆ ਜਾਂਦਾ ਹੈ। ਪਰ  ਇਸ ਵਾਰ ਰਾਜਧਾਨੀ ’ਚ ਬਿਨਾ ਪਟਾਕਿਆ ਤੋਂ ਰਾਣਵ ਫੂਕਿਆ ਜਾਵੇਗਾ। ਦਿੱਲੀ ਵਿੱਚ ਪਹਿਲੀ ਵਾਰ ਰਾਵਣ ਨੂੰ ਪਟਾਕਿਆਂ ਤੋਂ ਬਿਨਾਂ ਸਾੜਿਆ ਜਾਵੇਗਾ, ਫਿਰ ਕੁੱਲੂ, ਬਸਤਰ ਅਤੇ ਮੈਸੂਰ ਵਿੱਚ ਅਜਿਹਾ ਦੁਸਹਿਰਾ ਮਨਾਇਆ ਜਾਵੇਗਾ, ਜਿੱਥੇ ਨਾ ਤਾਂ ਰਾਮ ਹੋਵੇਗਾ ਅਤੇ ਨਾ ਹੀ ਰਾਵਣ ਦਾ ਦਹਿਨ, ਫਿਰ ਵੀ ਦੁਸਹਿਰਾ ਮਨਾਇਆ ਜਾਵੇਗਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਕੁੱਲੂ ਦੇ ਦੁਸਹਿਰੇ ਵਿੱਚ ਸ਼ਾਮਲ ਹੋਣਗੇ।

ਦਿੱਲੀ ‘ਚ ਪਟਾਕਿਆਂ ‘ਤੇ ਪਾਬੰਦੀ ਦਾ ਅਸਰ ਇਸ ਵਾਰ ਇੱਥੇ ਰਾਮਲੀਲਾ ‘ਚ ਦੇਖਣ ਨੂੰ ਮਿਲੇਗਾ। ਦਿੱਲੀ ਦੇ ਰਾਮਲੀਲਾ ‘ਚ ਰਾਵਣ, ਕੁੰਭਕਰਨ ਅਤੇ ਮੇਘਨਾਦ ਦੇ ਪੁਤਲੇ ਜ਼ੋਰਦਾਰ ਸ਼ੋਰ-ਸ਼ਰਾਬੇ ਅਤੇ ਰੌਸ਼ਨੀਆਂ ਵਿਚਕਾਰ ਫੂਕੇ ਜਾਣਗੇ। ਦਿੱਲੀ ਵਿੱਚ 70 ਤੋਂ 100 ਫੁੱਟ ਤੱਕ ਰਾਵਣ ਦੇ ਪੁਤਲੇ ਤਿਆਰ ਕੀਤੇ ਗਏ ਹਨ। ਲਾਲ ਕਿਲੇ ‘ਚ ਲਵਕੁਸ਼ ਰਾਮਲੀਲਾ ‘ਚ 100 ਫੁੱਟ, ਨਵਸ਼੍ਰੀ ‘ਚ 90 ਫੁੱਟ ਅਤੇ ਰਾਵਣ ਦਾ 80 ਫੁੱਟ ਲੰਬਾ ਸ਼੍ਰੀਧਰਮਿਕ ਲੀਲਾ ਕਮੇਟੀ ਵੱਲੋਂ ਤਿਆਰ ਕੀਤਾ ਗਿਆ ਹੈ। ਰਾਮਲੀਲਾ ਮੈਦਾਨ ‘ਚ 90 ਫੁੱਟ ਦਾ ਰਾਵਣ ਫੂਕਿਆ ਜਾਵੇਗਾ। ਇਸ ਵਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਇਸ ਸਮਾਗਮ ਵਿੱਚ ਸ਼ਾਮਲ ਹੋਣਗੇ। ਇੱਥੇ ਉਹ ਕਈ ਐਲਾਨ ਕਰਨਗੇ। ਜਿਕਰਯੋਗ ਹੈ ਕਿ ਰਾਜਧਾਨੀ ਦੇ ਪ੍ਰਦੂਸ਼ਣ ਦੇ ਮੱਦੇਨਜ਼ਰ ਇਸ ਵਾਰ ਬਿਨਾ ਪਟਾਕਿਆਂ ਤੋਂ ਰਾਵਣ ਫੂਕਿਆ ਜਾਵੇਗਾ। ਦੁਸਹਿਰੇ ਤੇ ਦੀਵਾਲੀ ਮੌਕੇ ਪਟਾਕਿਆਂ ਕਾਰਨ ਰਾਜਧਾਨੀ ’ਚ ਪ੍ਰਦੂਸ਼ਣ ਜਿਆਦਾ ਹੋ ਜਾਂਦਾ ਹੈ। ਇਸ ਲਈ ਰਾਵਣ ਨੂੰ ਬਿਨਾ ਪਟਾਕਿਆਂ ਤੋਂ ਫੂਕਿਆ ਜਾਵੇਗਾ।