ਨਵੀਂ ਦਿੱਲੀ (ਏਜੰਸੀ)। ਦੁਨੀਆਂ ’ਚ ਇੱਕ ਚਿੰਤਾ ਖਤਮ ਹੁੰਦੀ ਹੈ ਤੇ ਦੂਜੀ ਸਿਰ ’ਤੇ ਚੜ੍ਹ ਕੇ ਪ੍ਰੇਸ਼ਾਨ ਕਰਨ ਲੱਗਦੀ ਹੈ। ਓਮੀਕ੍ਰੋਨ ਜੇਐੱਨ.1 ਵੰਸ਼ ਦੇ ਵਿਚਕਾਰ ਕੋਵਿਡ 19 ਦਾ ਨਵਾਂ ਸਮੂਹ ਹੈ। ਸੰਯੁਕਤ ਰਾਜ ਅਮਰੀਕਾ ’ਚ ਤੇਜ਼ੀ ਨਾਲ ਫੈਲ ਰਿਹਾ ਫਲਿਰਟ ਨਾਅ ਦਾ ਇਹ ਵੈਰੀਐਂਟ ਦੁਨੀਆਂ ’ਚ ਕੋਹਰਾਮ ਮਚਾ ਸਕਦਾ ਹੈ। ਇੱਕ ਮੀਡੀਆ ਰਿਪੋਰਟ ਦੇ ਅਨੁਸਾਰ ਕੇਪੀ.2 ਅਤੇ ਕੇਪੀ 1.1 ਸਮੇਤ ਇਨ੍ਹਾਂ ਵੈਰੀਐਂਟ ’ਚ ਨਵੇਂ ਉਤਪਰਿਵਰਤਨ ਹਨ, ਜੋ ਉਨ੍ਹਾਂ ਨੂੰ ਪਿਛਲੇ ਓਮੀਕ੍ਰਾਨ ਵੈਰੀਐਂਟ ਦੇ ਮੁਕਾਬਲੇ ਜ਼ਿਆਦਾ ਸੰਕ੍ਰਾਮਕ ਬਣਾਉਂਦੇ ਹਨ। (Covid Variant FLiRT)
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਵੈਰੀਐਂਟ ਦੇ ਲੱਛਣ ਕਾਫ਼ੀ ਹੱਦ ਤੱਕ ਹੋਰ ਓਮੀਕ੍ਰਾਨ ਸੰਕ੍ਰਮਣਾਂ ਦੇ ਬਰਾਬਰ ਹਨ। ਕੇਪੀ.2 ਨੇ ਅਮਰੀਕਾ ’ਚ ਜੇਐੱਨ.1 ਵੈਰੀਐਂਟ ਨੂੰ ਪਿੱਛੇ ਛੱਡ ਦਿੱਤਾ ਹੈ, ਪਰ ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ ਹਸਪਤਾਲ ’ਚ ਭਰਤੀ ਮਰੀਜਾਂ ਦੀ ਗਿਣਤੀ ਘੱਟ ਹੈ। ਰਿਪੋਰਟ ਅਨੁਸਾਰ ਕੇਪੀ 1.1, FLiRT ਸਮੂਹ ਦਾ ਇੱਕ ਹੋਰ ਸੰਕ੍ਰਮਣ, ਅਮਰੀਕਾ ’ਚ ਵੀ ਨੋਟ ਕੀਤਾ ਗਿਆ ਹੈ, ਪਰ ਕੇਪੀ.2 ਦੇ ਮੁਕਾਬਲੇ ਇਹ ਘੱਟ ਵਿਆਪਕ ਲੱਗਦਾ ਹੈ। ਅਮਰੀਕਾ ਦੀ ਸੰਕ੍ਰਾਮਕ ਰੋਗ ਸੁਸਾਇਟੀ ਅਨੁਸਾਰ, ਉਪਨਾਮ FLiRT ਉਨ੍ਹਾਂ ਦੇ ਉਤਪਰਿਵਰਤਣ ਦੇ ਤਕਨੀਕੀ ਨਾਵਾਂ ਤੋਂ ਲਿਆ ਗਿਆ ਹੈ।
ਜਾਣੋ ਲੱਛਣ
- ਗਲਾ ਖਰਾਬ ਹੋਣਾ
- ਖੰਘ
- ਨੱਕ ਬੰਦ ਹੋਣਾ ਜਾਂ ਨੱਕ ਵਗਣਾ
- ਥਕਾਵਟ
- ਬੁਖਾਰ ਜਾਂ ਠੰਢ ਲੱਗਣਾ
- ਸਵਾਦ ਜਾਂ ਗੰਧ ਮਹਿਸੂਸ ਨਾ ਹੋਣਾ
ਡਾ. ਮੋਦੀ ਨੇ ਇਸ ਸਬੰਧੀ ਕਿਹਾ ਕਿ ‘FLiRT’ ਵੈਰੀਐਂਟ ਵਿਸ਼ੇਸ਼ ਰੂਪ ’ਚ ਜੇਐੱਨ.2 ’ਚ ਪਿਛਲੇ ਓਮੀਕ੍ਰੋਨ ਸਬ-ਵੈਰੀਐਂਟ ਦੇ ਮੁਕਾਬਲੇ ਵਧੀ ਹੋਈ ਟ੍ਰਾਂਸਮਿਸੇਬਿਲਿਟੀ ਦਿਖਾਈ ਦਿੰਦੀ ਹੈ। ਉਹ ਪੂਰਨ ਸੰਕ੍ਰਮਣ ਤੇ ਟੀਕਿਆਂ ਤੋਂ ਰੱਖਿਆ ਦੀ ਸਮਰੱਥਾ ਵੀ ਦਿਖਾਉਂਦੇ ਹਨ, ਹਾਲਾਂਕਿ ਇਸ ਦੀ ਹੱਦ ਦਾ ਅਜੇ ਵੀ ਅਧਿਐਨ ਚੱਲ ਰਿਹਾ ਹੈ। (Covid Variant FLiRT)
Also Read : Shambhu Border: ਬੁਰੀ ਖ਼ਬਰ, ਸ਼ੰਭੂ ਬਾਰਡਰ ’ਤੇ ਮਹਿਲਾ ਕਿਸਾਨ ਦੀ ਮੌਤ
