ਘਰ ’ਚ ਹਾਰ ਨੇ ਵਧਾਈਆਂ ਮੁਸ਼ਕਲਾਂ
- ਹੁਣ ਅਸਟਰੇਲੀਆ ’ਚ 4-0 ਨਾਲ ਜਿੱਤਣਾ ਹੀ ਹੋਵੇਗਾ
ਸਪੋਰਟਸ ਡੈਸਕ। WTC Final 2025: ਨਿਊਜ਼ੀਲੈਂਡ ਨੇ ਭਾਰਤ ’ਚ 3-0 ਨਾਲ ਟੈਸਟ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ। ਉਥੇ ਹੀ ਟੀਮ ਇੰਡੀਆ ਦਾ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (ਡਬਲਯੂਟੀਸੀ) ਦੇ ਫਾਈਨਲ ’ਚ ਪਹੁੰਚਣ ਦਾ ਰਸਤਾ ਕਾਫੀ ਮੁਸ਼ਕਲ ਹੋ ਗਿਆ ਹੈ। ਜੇਕਰ ਟੀਮ ਹੁਣ ਹੋਰ ਟੀਮਾਂ ’ਤੇ ਨਿਰਭਰ ਨਹੀਂ ਕਰਦੀ ਹੈ ਤਾਂ ਉਸ ਨੂੰ 22 ਨਵੰਬਰ ਤੋਂ ਅਸਟਰੇਲੀਆ ’ਚ ਸ਼ੁਰੂ ਹੋ ਰਹੀ 5 ਟੈਸਟ ਮੈਚਾਂ ਦੀ ਸੀਰੀਜ਼ ’ਚ 4 ਮੈਚ ਜਿੱਤਣੇ ਹੋਣਗੇ। ਦੂਜੇ ਪਾਸੇ ਨਿਊਜ਼ੀਲੈਂਡ ਨੇ ਭਾਰਤ ’ਚ ਟੈਸਟ ਸੀਰੀਜ਼ ਜਿੱਤ ਕੇ ਫਾਈਨਲ ’ਚ ਪਹੁੰਚਣ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ ਹਨ। ਜੇਕਰ ਟੀਮ ਭਾਰਤ ’ਚ ਹਾਰ ਜਾਂਦੀ ਤਾਂ ਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਜਾਂਦੀ ਪਰ ਇਸ ਨੇ ਇਤਿਹਾਸ ਰਚਿਆ ਤੇ ਆਪਣੀਆਂ ਉਮੀਦਾਂ ਨੂੰ ਬਰਕਰਾਰ ਰੱਖਿਆ। WTC Final 2025
Read This : IND vs NZ: ਆਖਰ ਕਿਵੇਂ ਮਿਲੀ ਭਾਰਤ ਨੂੰ ਘਰ ‘ਚ ਇਨ੍ਹੀਂ ਸ਼ਰਮਨਾਕ ਹਾਰ, ਜਾਣੋ 5 ਕਾਰਨਾਂ ਰਾਹੀਂ…
5 ਟੀਮਾਂ ਅਜੇ ਵੀ ਫਾਈਨਲ ਲਈ ਦਾਅਵੇਦਾਰ | WTC Final 2025
ਭਾਰਤ ਦੀ ਆਪਣੇ ਘਰੇਲੂ ਮੈਦਾਨ ’ਤੇ ਸ਼ਰਮਨਾਕ ਹਾਰ ਤੋਂ ਬਾਅਦ 5 ਟੀਮਾਂ ਲਈ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ ’ਚ ਪਹੁੰਚਣ ਦਾ ਰਾਹ ਖੁੱਲ੍ਹ ਗਿਆ ਹੈ। ਭਾਰਤ ਤੇ ਨਿਊਜ਼ੀਲੈਂਡ ਤੋਂ ਇਲਾਵਾ ਅਸਟਰੇਲੀਆ, ਦੱਖਣੀ ਅਫਰੀਕਾ ਤੇ ਸ਼੍ਰੀਲੰਕਾ ਦੀਆਂ ਟੀਮਾਂ ਵੀ ਫਾਈਨਲ ’ਚ ਥਾਂ ਬਣਾ ਸਕਦੀਆਂ ਹਨ। ਸਾਰੀਆਂ ਪੰਜ ਟੀਮਾਂ ਅੰਕ ਸੂਚੀ ਦੇ ਸਿਖਰ-5 ਸਥਾਨਾਂ ’ਤੇ ਵੀ ਹਨ। ਇਸ ਦੇ ਨਾਲ ਹੀ ਇੰਗਲੈਂਡ, ਪਾਕਿਸਤਾਨ, ਵੈਸਟਇੰਡੀਜ਼ ਤੇ ਬੰਗਲਾਦੇਸ਼ ਦੌੜ ਤੋਂ ਬਾਹਰ ਹੋ ਚੁੱਕੇ ਹਨ।
ਭਾਰਤ ਨੂੰ ਅਸਟਰੇਲੀਆ ’ਚ 4 ਟੈਸਟ ਜਿੱਤਣੇ ਹੀ ਪੈਣਗੇ | WTC Final 2025
ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਆਖਰੀ 2 ਫਾਈਨਲ ਖੇਡ ਚੁੱਕੀ ਟੀਮ ਇੰਡੀਆ ਲਈ ਇਸ ਵਾਰ ਦਾ ਖਿਤਾਬੀ ਮੁਕਾਬਲਾ ਅਸੰਭਵ ਲੱਗਦਾ ਹੈ। ਨਿਊਜ਼ੀਲੈਂਡ ਤੋਂ ਹਾਰ ਕੇ ਟੀਮ ਅੰਕ ਸੂਚੀ ’ਚ ਦੂਜੇ ਸਥਾਨ ’ਤੇ ਖਿਸਕ ਗਈ ਹੈ। ਟੀਮ 74.24 ਫੀਸਦੀ ਅੰਕਾਂ ਤੋਂ ਸਿੱਧੇ 58.33 ਫੀਸਦੀ ਅੰਕਾਂ ’ਤੇ ਪਹੁੰਚ ਗਈ ਹੈ। ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ’ਚ ਭਾਰਤ ਦੀ ਆਖਰੀ ਟੈਸਟ ਸੀਰੀਜ਼ ਹੁਣ ਅਸਟਰੇਲੀਆ ਖਿਲਾਫ਼ ਹੀ ਹੈ। ਟੀਮ ਨੂੰ ਉਥੇ 22 ਨਵੰਬਰ ਤੋਂ 7 ਜਨਵਰੀ ਤੱਕ 5 ਟੈਸਟ ਖੇਡਣੇ ਹਨ।
ਜੇਕਰ ਭਾਰਤ ਸੀਰੀਜ਼ 3-2 ਨਾਲ ਜਿੱਤਦਾ ਹੈ ਤਾਂ ਵੀ ਟੀਮ ਫਾਈਨਲ ’ਚ ਨਹੀਂ ਪਹੁੰਚ ਸਕੇਗੀ। 4 ਟੈਸਟ ਜਿੱਤ ਕੇ ਹੀ ਟੀਮ ਕਿਸੇ ’ਤੇ ਨਿਰਭਰ ਕੀਤੇ ਬਿਨਾਂ ਫਾਈਨਲ ’ਚ ਜਗ੍ਹਾ ਬਣਾ ਸਕੇਗੀ। ਹਾਲਾਂਕਿ, 4-0 ਨਾਲ ਜਿੱਤਣਾ ਬਹੁਤ ਮੁਸ਼ਕਲ ਹੈ, ਕਿਉਂਕਿ ਵਿਰਾਟ ਕੋਹਲੀ ਤੇ ਅਜਿੰਕਿਆ ਰਹਾਣੇ ਵਰਗੇ ਦਿੱਗਜਾਂ ਦੀ ਕਪਤਾਨੀ ’ਚ ਵੀ ਟੀਮ ਅਸਟਰੇਲੀਆ ਗਈ ਤੇ 8 ’ਚੋਂ ਸਿਰਫ 4 ਟੈਸਟ ਹੀ ਜਿੱਤ ਸਕੀ ਸੀ। ਉਥੇ ਹੀ ਹੁਣ ਟੀਮ ਭਾਰਤ ’ਚ 5 ਟੈਸਟ ਹਾਰਨ ਦਾ ਰਿਕਾਰਡ ਬਣਾਉਣ ਵਾਲੇ ਰੋਹਿਤ ਸ਼ਰਮਾ ਦੀ ਕਪਤਾਨੀ ’ਚ ਅਸਟਰੇਲੀਆ ਜਾ ਰਹੀ ਹੈ। ਆਓ ਜਾਣਦੇ ਹਾਂ ਕਿ ਭਾਰਤ ਨੂੰ 55 ਫੀਸਦੀ ਤੋਂ ਜ਼ਿਆਦਾ ਅੰਕ ਹਾਸਲ ਕਰਨ ਲਈ ਅਸਟਰੇਲੀਆ ’ਚ ਕਿੰਨੇ ਮੈਚ ਜਿੱਤਣੇ ਹੋਣਗੇ।
Read This : Bribe: ਨਿਗਮ ਦਾ ਮੁਲਾਜ਼ਮ ਵਿਜੀਲੈਂਸ ਵੱਲੋਂ ਰਿਸ਼ਵਤ ਲੈਂਦਾ ਰੰਗੇ ਹੱਥੀਂ ਕਾਬੂ
- 5-0 ਨਾਲ ਜਿੱਤੇ : 68.42 ਫੀਸਦੀ ਅੰਕ
- 4-0 ਨਾਲ ਜਿੱਤੇ : 64.91 ਫੀਸਦੀ ਅੰਕ
- 4-1 ਨਾਲ ਜਿੱਤੇ : 63.16 ਫੀਸਦੀ ਅੰਕ
- 3-0 ਨਾਲ ਜਿੱਤੇ : 61.40 ਫੀਸਦੀ ਅੰਕ
- 3-1 ਨਾਲ ਜਿੱਤੇ : 59.65 ਫੀਸਦੀ ਅੰਕ
- 3-2 ਨਾਲ ਜਿੱਤੇ : 57.89 ਫੀਸਦੀ ਅੰਕ
- 2-0 ਨਾਲ ਜਿੱਤੇ : 57.89 ਫੀਸਦੀ ਅੰਕ
- 1-0 ਨਾਲ ਜਿੱਤੇ : 55.26 ਫੀਸਦੀ ਅੰਕ
ਨਿਊਜ਼ੀਲੈਂਡ ਦੇ ਇੰਗਲੈਂਡ ਖਿਲਾਫ 3 ਟੈਸਟ ਬਾਕੀ | WTC Final 2025
ਨਿਊਜ਼ੀਲੈਂਡ ਦੀ ਟੀਮ ਜਦੋਂ ਏਸ਼ੀਆ ਦੌਰੇ ’ਤੇ ਆਈ ਸੀ ਤਾਂ ਮੰਨਿਆ ਜਾ ਰਿਹਾ ਸੀ ਕਿ ਉਸ ਲਈ ਟੈਸਟ ਜਿੱਤਣਾ ਵੀ ਮੁਸ਼ਕਲ ਹੋਵੇਗਾ। ਟੀਮ ਨੇ ਸ਼੍ਰੀਲੰਕਾ ਖਿਲਾਫ 0-2 ਨਾਲ ਹਾਰ ਕੇ ਇਸ ਗੱਲ ਨੂੰ ਕੁਝ ਹੱਦ ਤੱਕ ਸਹੀ ਸਾਬਤ ਕਰ ਦਿੱਤਾ ਸੀ ਪਰ ਫਿਰ ਉਸ ਨੇ ਭਾਰਤ ਨੂੰ 3-0 ਨਾਲ ਹਰਾ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਹੁਣ ਨਿਊਜ਼ੀਲੈਂਡ 11 ’ਚੋਂ 6 ਟੈਸਟ ਜਿੱਤ ਕੇ 54.55 ਫੀਸਦੀ ਅੰਕਾਂ ਨਾਲ ਚੌਥੇ ਸਥਾਨ ’ਤੇ ਪਹੁੰਚ ਗਿਆ ਹੈ। ਸੀਰੀਜ਼ ਤੋਂ ਪਹਿਲਾਂ, ਟੀਮ 37.50 ਫੀਸਦੀ ਅੰਕਾਂ ਨਾਲ ਛੇਵੇਂ ਸਥਾਨ ’ਤੇ ਸੀ ਤੇ ਇੱਕ ਟੈਸਟ ਵੀ ਹਾਰਨ ਨਾਲ ਟੀਮ ਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਜਾਵੇਗੀ। ਹੁਣ ਉਨ੍ਹਾਂ ਦੇ ਘਰੇਲੂ ਮੈਦਾਨ ’ਤੇ ਇੰਗਲੈਂਡ ਦੇ ਖਿਲਾਫ 3 ਟੈਸਟ ਖੇਡੇ ਜਾਣੇ ਹਨ। ਸੀਰੀਜ਼ 3-0 ਨਾਲ ਜਿੱਤ ਕੇ ਹੀ ਟੀਮ 64.28 ਫੀਸਦੀ ਅੰਕਾਂ ਨਾਲ ਫਾਈਨਲ ’ਚ ਥਾਂ ਬਣਾ ਸਕੇਗੀ।
ਅਸਟਰੇਲੀਆ ਨੂੰ 4 ਜਿੱਤਾਂ ਦੀ ਜ਼ਰੂਰਤ
ਕੰਗਾਰੂਆਂ ਨੇ 4 ਸੀਰੀਜ਼ ਦੇ 12 ਮੈਚਾਂ ’ਚ 8 ਮੈਚ ਜਿੱਤੇ, 3 ਹਾਰੇ ਤੇ 1 ਡਰਾਅ ਖੇਡਿਆ। ਇਸ ਨਾਲ ਟੀਮ 62.50 ਫੀਸਦੀ ਅੰਕਾਂ ਨਾਲ ਪਹਿਲੇ ਸਥਾਨ ’ਤੇ ਹੈ। ਇਸ ਦੇ 7 ਮੈਚ ਬਾਕੀ ਹਨ, ਟੀਮ ਭਾਰਤ ਖਿਲਾਫ ਘਰੇਲੂ ਮੈਦਾਨ ’ਤੇ 5 ਮੈਚ ਤੇ ਸ਼੍ਰੀਲੰਕਾ ਖਿਲਾਫ 2 ਮੈਚ ਸ਼੍ਰੀਲੰਕਾ ’ਚ ਖੇਡੇਗੀ। 60 ਫੀਸਦੀ ਤੋਂ ਜ਼ਿਆਦਾ ਅੰਕ ਹਾਸਲ ਕਰਨ ਲਈ ਟੀਮ ਨੂੰ ਅਗਲੇ 4 ਮੈਚ ਜਿੱਤਣੇ ਹੋਣਗੇ। ਟੀਮ 4 ਜਿੱਤਾਂ ਨਾਲ ਵੀ ਇਹ ਕਈ ਅੰਕ ਹਾਸਲ ਕਰ ਸਕਦੀ ਹੈ। ਇਸਦਾ ਮਤਲਬ ਹੈ ਕਿ ਉਸਦੀ ਆਖਰੀ ਸਥਿਤੀ ਲਗਭਗ ਭਾਰਤ ਦੇ ਖਿਲਾਫ ਟੈਸਟ ਸੀਰੀਜ਼ ਵੱਲੋਂ ਹੀ ਤੈਅ ਕੀਤੀ ਜਾਵੇਗੀ।
ਦੱਖਣੀ ਅਫਰੀਕਾ ਦੀਆਂ ਘਰ ’ਚ 2 ਟੈਸਟ ਸੀਰੀਜ਼ ਬਾਕੀ
ਦੱਖਣੀ ਅਫਰੀਕਾ ਪਿਛਲੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਚੱਕਰ ’ਚ ਭਾਰਤ ਤੋਂ ਬਾਅਦ ਅੰਕ ਸੂਚੀ ’ਚ ਤੀਜੇ ਸਥਾਨ ’ਤੇ ਸੀ। ਇਸ ਵਾਰ ਟੀਮ ਨੇ ਬੰਗਲਾਦੇਸ਼ ’ਚ ਟੈਸਟ ਸੀਰੀਜ਼ 2-0 ਨਾਲ ਜਿੱਤ ਕੇ ਇਤਿਹਾਸ ਰਚ ਦਿੱਤਾ। ਟੀਮ 8 ’ਚੋਂ 4 ਟੈਸਟ ਜਿੱਤ ਕੇ 54.17 ਫੀਸਦੀ ਅੰਕਾਂ ਨਾਲ ਪੰਜਵੇਂ ਸਥਾਨ ’ਤੇ ਹੈ। ਦੱਖਣੀ ਅਫਰੀਕਾ ਨੂੰ ਹੁਣ ਸ਼੍ਰੀਲੰਕਾ ਤੇ ਪਾਕਿਸਤਾਨ ਖਿਲਾਫ ਘਰੇਲੂ ਮੈਦਾਨ ’ਤੇ 2-2 ਟੈਸਟ ਸੀਰੀਜ਼ ਖੇਡਣੀਆਂ ਹਨ। ਸ਼੍ਰੀਲੰਕਾ ਨੇ 2019 ’ਚ ਹੀ ਦੱਖਣੀ ਅਫਰੀਕਾ ’ਚ ਟੈਸਟ ਸੀਰੀਜ਼ ਜਿੱਤੀ ਸੀ ਪਰ ਪਾਕਿਸਤਾਨ ਹੁਣ ਤੱਕ ਦੱਖਣੀ ਅਫਰੀਕਾ ’ਚ ਟੈਸਟ ਸੀਰੀਜ਼ ਨਹੀਂ ਜਿੱਤ ਸਕਿਆ ਹੈ। ਹਾਲਾਂਕਿ, ਜੇਕਰ ਦੱਖਣੀ ਅਫਰੀਕਾ ਸਾਰੇ ਚਾਰ ਟੈਸਟ ਜਿੱਤ ਲੈਂਦਾ ਹੈ, ਤਾਂ ਟੀਮ 69.44 ਫੀਸਦੀ ਅੰਕਾਂ ਨਾਲ ਫਾਈਨਲ ’ਚ ਥਾਂ ਬਣਾ ਲਵੇਗੀ। 1 ਟੈਸਟ ਵੀ ਹਾਰਨ ਨਾਲ ਟੀਮ ਦੇ ਅੰਕ 59 ਫੀਸਦੀ ਤੋਂ ਘੱਟ ਅੰਕ ਰਹਿ ਜਾਣਗੇ। WTC Final 2025
ਸ਼੍ਰੀਲੰਕਾ ਕੋਲ 2 ਮੁਸ਼ਕਲ ਸੀਰੀਜ਼ ਬਾਕੀ | WTC Final 2025
ਸ਼੍ਰੀਲੰਕਾ ਨੇ ਇੰਗਲੈਂਡ ’ਚ ਇੱਕ ਟੈਸਟ ਤੇ ਨਿਊਜ਼ੀਲੈਂਡ ਖਿਲਾਫ 2 ਟੈਸਟ ਜਿੱਤ ਕੇ ਫਾਈਨਲ ’ਚ ਪਹੁੰਚਣ ਦੀਆਂ ਆਪਣੀਆਂ ਉਮੀਦਾਂ ਨੂੰ ਬਰਕਰਾਰ ਰੱਖਿਆ ਹੈ। ਟੀਮ 55.56 ਫੀਸਦੀ ਅੰਕਾਂ ਨਾਲ ਤੀਜੇ ਸਥਾਨ ’ਤੇ ਹੈ, ਹੁਣ ਉਸ ਕੋਲ ਦੱਖਣੀ ਅਫਰੀਕਾ ਤੇ ਅਸਟਰੇਲੀਆ ਖਿਲਾਫ 2 ਸੀਰੀਜ਼ ਬਾਕੀ ਹਨ। ਟੀਮ ਅਸਟਰੇਲੀਆ ਖਿਲਾਫ ਘਰੇਲੂ ਮੈਦਾਨ ’ਤੇ ਖੇਡੇਗੀ, ਦੋਵੇਂ ਸੀਰੀਜ਼ 2-2 ਮੈਚਾਂ ਦੀ ਹੋਣਗੀਆਂ। ਜੇਕਰ ਉਹ 4 ਟੈਸਟ ਜਿੱਤ ਜਾਂਦੇ ਹਨ, ਤਾਂ ਸ਼੍ਰੀਲੰਕਾ 69.23 ਫੀਸਦੀ ਅੰਕਾਂ ਨਾਲ ਫਾਈਨਲ ’ਚ ਪਹੁੰਚ ਜਾਵੇਗੀ। 3 ਟੈਸਟ ਜਿੱਤਣ ਤੋਂ ਬਾਅਦ ਵੀ ਟੀਮ ਦੇ 61.53 ਫੀਸਦੀ ਅੰਕ ਹੋਣਗੇ ਤੇ ਉਸ ਦੀਆਂ ਉਮੀਦਾਂ ਬਰਕਰਾਰ ਰਹਿਣਗੀਆਂ। ਹਾਲਾਂਕਿ ਜੇਕਰ ਟੀਮ ਦੋ ਟੈਸਟ ਹਾਰ ਜਾਂਦੀ ਹੈ ਤਾਂ ਉਹ ਫਾਈਨਲ ’ਚ ਪਹੁੰਚਣ ਦੀ ਦੌੜ ਤੋਂ ਬਾਹਰ ਹੋ ਜਾਵੇਗੀ।
