ਕੇਐੱਲ ਰਾਹੁਲ ਨੇ 217 ਗੇਂਦਾਂ ‘ਚ ਜੜਿਆ ਸੈਂਕੜਾ
- ਕੇ ਐਲ ਰਾਹੁਲ 122 ਤੇ ਅਜਿੰਕਿਆ ਰਹਾਣੇ 40 ਦੌੜਾਂ ਬਣ ਕੇ ਨਾਬਾਦ
ਸੇਂਚੁਰੀਅਨ, (ਏਜੰਸੀ)। ਭਾਰਤੇ ਤੇ ਸਾਊਥ ਅਫਰੀਕਾ ਦਰਮਿਆਨ ਸੇਂਚੁਰੀਅਨ ’ਚ ਪਹਿਲਾ ਟੈਸਟ ਮੈਚ ਖੇਡਿਆ ਜਾ ਰਿਹਾ ਹੈ। ਭਾਰਤ ਨੇ ਪਹਿਲੇ ਦਿਨ 3 ਵਿਕਟਾਂ ਦੇ ਨੁਕਸਾਨ ’ਤੇ 272 ਦੌੜਾਂ ਬਣਾ ਲਈਆਂ ਹਨ। ਭਾਰਤ ਤੇ ਨ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਦਾ ਫੈਸਲਾ ਕੀਤਾ। ਭਾਰਤ ਦੇ ਓਪਨਰ ਬੱਲੇਬਾਜ਼ ਕੇ ਐਲ ਰਾਹੁਲ 122 ਤੇ ਅਜਿੰਕਿਆ ਰਹਾਣੇ 40 ਦੌੜਾਂ ਬਣ ਕੇ ਨਾਬਾਦ ਹਨ। ਦੋਵਾਂ ਦਰਮਿਆਨ ਚੌਥੀ ਵਿਕਟ ਲਈ 130 ਗੇਂਦਾਂ ’ਚ 73 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਕੇ ਐਲ ਰਾਹੁਲ ਤੇ ਮਿਅੰਕ ਅਗਰਵਾਲ ਨੇ ਭਾਰਤੀ ਟੀਮ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿਵਾਈ।
ਦੋਵਾਂ ਨੇ ਖਿਡਾਰੀਆਂ ਨੇ ਪਹਿਲੀ ਵਿਕਟ ਲਈ 117 ਦੌੜਾਂ ਜੋੜੀਆਂ । 40ਵੇਂ ਓਵਰ ਦੀ ਗੇਂਦਬਾਜ਼ੀ ਕਰ ਰਹੇ ਲੂੰਗੀ ਐਨਗਿਡੀ ਨੇ ਦੂਜੀ ਗੇਂਦ ‘ਤੇ ਮਯੰਕ ਅਗਰਵਾਲ ਦੇ ਪੈਡ ‘ਤੇ ਮਾਰੀ। ਉਸ ਨੇ ਐਲਬੀਡਬਲਯੂ ਲਈ ਜ਼ੋਰਦਾਰ ਅਪੀਲ ਕੀਤੀ ਪਰ ਅੰਪਾਇਰ ਨੇ ਨਾਟ ਆਊਟ ਦਿੱਤਾ। ਅਫਰੀਕੀ ਟੀਮ ਨੇ ਸਮੀਖਿਆ ਕੀਤੀ। ਰੀਪਲੇਅ ਨੇ ਦਿਖਾਇਆ ਕਿ ਗੇਂਦ ਵਿਕਟ ਨਾਲ ਟਕਰਾ ਰਹੀ ਸੀ। ਮਯੰਕ 60 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਅਗਲੀ ਹੀ ਗੇਂਦ ‘ਤੇ, ਨਗਿਡੀ ਨੇ ਚੇਤੇਸ਼ਵਰ ਪੁਜਾਰਾ ਨੂੰ ਜ਼ੀਰੋ ‘ਤੇ ਆਊਟ ਕਰਕੇ SA ਨੂੰ ਮੈਚ ‘ਚ ਮਜ਼ਬੂਤ ਵਾਪਸੀ ਦਿੱਤੀ। ਲੁੰਗੀ ਕੋਲ ਹੈਟ੍ਰਿਕ ਪੂਰੀ ਕਰਨ ਦਾ ਮੌਕਾ ਸੀ, ਹਾਲਾਂਕਿ ਉਹ ਅਜਿਹਾ ਨਹੀਂ ਕਰ ਸਕਿਆ।
ਕੋਹਲੀ ਨੇ ਫਿਰ ਕੀਤਾ ਨਿਰਾਸ਼
ਵਿਰਾਟ ਕੋਹਲੀ ਤੋਂ ਵੱਡੀ ਪਾਰੀ ਖੇਡਣ ਦੀ ਉਮੀਦ ਸੀ ਪਰ ਪਹਿਲੀ ਪਾਰੀ ‘ਚ ਉਹ 35 ਦੌੜਾਂ ਬਣਾ ਕੇ ਲੂੰਗੀ ਐਨਗਿਡੀ ਦੀ ਗੇਂਦ ‘ਤੇ ਵਿਆਨ ਮੁਲਡਰ ਦੇ ਹੱਥੋਂ ਕੈਚ ਆਊਟ ਹੋ ਗਏ। ਵਿਰਾਟ ਨੇ ਦੋ ਸਾਲ ਪਹਿਲਾਂ ਅੰਤਰਰਾਸ਼ਟਰੀ ਕ੍ਰਿਕੇਟ ਵਿੱਚ ਪਹਿਲਾ ਸੈਂਕੜਾ ਲਗਾਇਆ ਸੀ ਅਤੇ ਅੱਜ ਦੀ ਪਾਰੀ ਵਿੱਚ ਕੁੱਲ 59 ਪਾਰੀਆਂ ਸਨ, ਜਦੋਂ ਭਾਰਤੀ ਟੈਸਟ ਕਪਤਾਨ ਬੱਲੇ ਨਾਲ ਸੈਂਕੜਾ ਨਹੀਂ ਦੇਖੇ ਸਨ।
ਵਿਦੇਸ਼ੀ ਧਰਤੀ ‘ਤੇ ਰਾਹੁਲ ਦਾ ਇਹ ਛੇਵਾਂ ਸੈਂਕੜਾ
ਭਾਰਤੀ ਸਲਾਮੀ ਬੱਲੇਬਾਜ਼ ਕੇਐੱਲ ਰਾਹੁਲ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ 217 ਗੇਂਦਾਂ ‘ਚ ਆਪਣਾ ਸੈਂਕੜਾ ਪੂਰਾ ਕੀਤਾ। ਟੈਸਟ ‘ਚ ਇਹ ਉਸਦਾ 7ਵਾਂ ਅਤੇ ਅਫਰੀਕੀ ਟੀਮ ਖਿਲਾਫ ਪਹਿਲਾ ਸੈਂਕੜਾ ਹੈ। ਵਿਦੇਸ਼ੀ ਧਰਤੀ ‘ਤੇ ਰਾਹੁਲ ਦਾ ਇਹ ਛੇਵਾਂ ਸੈਂਕੜਾ ਹੈ। ਇਸ ਸਾਲ ਇੰਗਲੈਂਡ ਦੌਰੇ ‘ਤੇ ਵੀ ਰਾਹੁਲ ਨੇ ਲਾਰਡਸ ‘ਚ 129 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਸੀ। ਕੇਐਲ ਰਾਹੁਲ ਆਸਟਰੇਲੀਆ, ਇੰਗਲੈਂਡ ਅਤੇ ਦੱਖਣੀ ਅਫਰੀਕਾ ਵਿੱਚ ਟੈਸਟ ਸੈਂਕੜੇ ਲਗਾਉਣ ਵਾਲੇ ਇਤਿਹਾਸ ਵਿੱਚ ਪਹਿਲੇ ਭਾਰਤੀ ਸਲਾਮੀ ਬੱਲੇਬਾਜ਼ ਵੀ ਬਣ ਗਏ ਹਨ। ਭਾਰਤ ਲਈ ਇਹ ਅਫਰੀਕਾ ਦੌਰਾ ਕਾਫੀ ਅਹਿਮ ਮੰਨਿਆ ਜਾ ਰਿਹਾ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
