ਐਚਪੀਸੀਐਲ ਅਤੇ ਈਕੋ ਗਲੋਬਲ ਸੋਸਾਇਟੀ ਨੇ ਪੌਦੇ ਲਾ ਮਨਾਇਆ ਵਾਤਾਵਰਨ ਦਿਵਸ 

(ਸੁਖਜੀਤ ਮਾਨ) ਬਠਿੰਡਾ। ਵਾਤਾਵਰਣ ਦਿਵਸ ਮੌਕੇ ਬਠਿੰਡਾ ਨੇੜਲੇ ਪਿੰਡ ਨਸੀਬਪੁਰਾ ਵਿਖੇ ਭਾਰਤ ਦੀ ਸਭ ਤੋਂ  ਵੱਡੀ ਤੇ ਪਹਿਲੀ ਕੰਪਨੀ ਐਚਪੀਸੀਐਲ 2ਜੀ ਇਥਨੋਲ ਰਿਫਾਇਨਰੀ ਦੇ ਪ੍ਰੋਜੈਕਟ ਇੰਚਾਰਜ ਇਖਲਾਕ ਅਹਿਮਦ ਅਤੇ ਰਿਸ਼ੀ ਕਾਂਤ ਪਾਂਡੇ ਸੀਨੀਅਰ ਪ੍ਰੋਜੈਕਟ ਇੰਜੀਨੀਅਰ ਐਂਡ ਸਿਵਲ ਬਾਇਓਮਾਸ ਸਪੀਡ ਬਾਇਓਫਿਊਲ ਦੇ ਐਮ ਡੀ ਅਤੇ ਈਕੋ ਗਲੋਬਲ ਸੋਸਾਇਟੀ ਦੇ ਚੇਅਰਮੈਨ ਜਗਸੀਰ ਸਿੰਘ ਮਾਨ ਵੱਲੋਂ ਮਿਲ ਕੇ ਵਾਤਾਵਰਣ ਨੂੰ ਸਾਫ ਸੁਥਰਾ ਬਣਾਉਣ ਲਈ ਐਚਪੀਸੀਐਲ ਦੇ ਪਰਾਲੀ ਸਟੋਰ ਡੰਪ ਨਸੀਬਪੁਰਾ, ਕੋਟਬਖਤੂ ਅਤੇ ਕੋਟਸਮੀਰ ਵਿਖੇ ਪੌਦੇ ਲਗਾਏ ਗਏ।  Environment Day

ਉਨ੍ਹਾਂ ਦੱਸਿਆ ਕਿ ਇਸ ਵਾਰ ਕੰਪਨੀ ਵੱਲੋਂ ਇੱਕ ਲੱਖ ਤੀਹ ਹਜ਼ਾਰ ਮੀਟਰਕ ਟਨ ਪਰਾਲੀ ਦੀ ਖਰੀਦ ਕੀਤੀ ਗਈ ਹੈ ਜਿਸ ਨਾਲ ਬਠਿੰਡਾ ਜ਼ਿਲ੍ਹੇ ਵਿੱਚ ਕਿਸਾਨਾਂ ਵੱਲੋਂ ਪਰਾਲੀ ਨੂੰ ਅੱਗ ਨਾ ਲਗਾਉਣ ਨਾਲ ਵਾਤਾਵਰਣ ਵਿੱਚ ਕਾਫੀ ਬਦਲਆ ਆਇਆ ਹੈ। ਇਸ ਦੇ ਨਾਲ ਹੀ ਜਿਥੇ ਕਿਸਾਨਾਂ ਦੀ ਕਮਾਈ ਵਿੱਚ ਵਾਧਾ ਹੋਇਆ ਹੋਇਆ ਹੈ ਉਥੇ ਹੀ ਵਾਤਾਵਰਣ ਦੀ ਸ਼ੁਧਤਾ ਵਿੱਚ ਵੀ ਫਾਇਦਾ ਹੋਇਆ ਹੈ।

ਇਸ ਮੌਕੇ ਕੰਪਨੀ ਅਧਿਕਾਰੀਆਂ ਨੇ ਦਿਨੋ ਦਿਨ ਵਾਤਾਵਰਨ ਵਿੱਚ ਹੋ ਰਹੀਆਂ ਤਬਦੀਲੀਆਂ ਨੂੰ ਸੰਤੁਲਨ ਰੱਖਣ ਲਈ ਵਧੇਰੇ ਪੌਦੇ ਲਾਉਣ ਲਈ ਲੋਕਾਂ ਨੂੰ ਸੱਦਾ ਦਿੱਤਾ ਅਤੇ ਇਨ੍ਹਾਂ ਦੀ ਸਾਂਭ ਸੰਭਾਲ ਕਰਨ ਦੀ ਅਪੀਲ ਕੀਤੀ। ਇਸ ਤੋਂ ਇਲਾਵਾ ਕਿਸਾਨਾਂ ਨੂੰ ਪਰਾਲੀ ਨਾ ਸਾੜਨ ਦਾ ਵੀ ਸੱਦਾ ਦਿੱਤਾ ਗਿਆ। ਉਨ੍ਹਾਂ ਆਖਿਆ ਕਿ ਆਉਣ ਵਾਲੇ ਸੀਜਨ ਦੌਰਾਨ ਡਿਪਟੀ ਕਮਿਸ਼ਨਰ ਬਠਿੰਡਾ ਅਤੇ ਖੇਤੀਬਾੜੀ ਵਿਭਾਗ ਬਠਿੰਡਾ ਦੇ ਸਹਿਯੋਗ ਨਾਲ ਇਸ ਇਲਾਕੇ ਵਿੱਚ ਵੱਧ ਤੋਂ ਵੱਧ ਪੌਦੇ ਲਗਾਏ ਜਾਣਗੇ ਅਤੇ ਇਸ ਨਾਲ ਹੀ ਪਰਾਲੀ ਦੀ ਖਰੀਦ ਕਰਕੇ ਪਰਾਲੀ ਨੂੰ ਅੱਗ ਨਾ ਲਗਾਉਣ ਵਿੱਚ ਮੱਦਦ ਕੀਤੀ ਜਾਵੇਗੀ। ਇਸ ਮੌਕੇ ਵਾਤਾਵਰਣ ਪ੍ਰੇਮੀ ਜਗਜੀਤ ਸਿੰਘ ਮਾਨ, ਕੰਪਨੀ ਤੇ ਕਰਮਚਾਰੀ ਅਤੇ ਅਧਿਕਾਰੀ ਹਾਜ਼ਰ ਸਨ।