ਬਹਿਰੀਨ ਤੋਂ ਪਰਤੀਆਂ ਮੋਗਾ ਦੀਆਂ ਤਿੰਨ ਲੜਕੀਆਂ ਨੇ ਜਿਸ ਤਰ੍ਹਾਂ ਦੀ ਆਪਣੀ ਦਾਸਤਾਨ ਬਿਆਨ ਕੀਤੀ ਹੈ ਉਹ ਚਿੰਤਾਜਨਕ ਤੇ ਸਬਕ ਲੈਣ ਲਈ ਕਾਫ਼ੀ ਹੈ ਇਨ੍ਹਾਂ ਲੜਕੀਆਂ ਦਾ ਦਾਅਵਾ ਹੈ ਕਿ ਉਨ੍ਹਾਂ ਦੀ ਉੱਥੇ ਕੁੱਟਮਾਰ ਕੀਤੀ ਜਾਂਦੀ ਸੀ ਤੇ ਗੁਲਾਮਾਂ ਵਾਂਗ ਰੱਖਿਆ ਜਾਂਦਾ ਸੀ ਉਨ੍ਹਾਂ ਨੂੰ ਭੁੱਖੇ ਰਹਿਣ ਲਈ ਵੀ ਮਜ਼ਬੂਰ ਕੀਤਾ ਜਾਂਦਾ ਸੀ ਲੜਕੀਆਂ ਨਾਲ ਮਾੜੇ ਵਿਹਾਰ ਦਾ ਇਹ ਪਹਿਲਾ ਮਾਮਲਾ ਨਹੀਂ ਹੈ ਇਸ ਤੋਂ ਪਹਿਲਾਂ ਵੀ ਅਰਬ ਮੁਲਕਾਂ ਤੋਂ ਪਰਤੀਆਂ ਲੜਕੀਆਂ ਨੇ ਅਜਿਹੇ ਹੀ ਕਈ ਖੁਲਾਸੇ ਕੀਤੇ ਸਨ ਅਜਿਹੀਆਂ ਕਈ ਲੜਕੀਆਂ ਨੇ ਬੜੀ ਮੁਸ਼ਕਲ ਨਾਲ ਕਿਵੇਂ ਨਾ ਕਿਵੇਂ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਸੰਪਰਕ ਕੀਤਾ ਤੇ ਸਿਆਸੀ ਪਹੁੰਚ ਨਾਲ ਇਨ੍ਹਾਂ ਨੂੰ ਵਾਪਸ ਲਿਆਂਦਾ ਗਿਆ ਪਿਛਲੇ ਮਹੀਨਿਆਂ ’ਚ ਸੰਸਦ ਮੈਂਬਰ ਬਲਬੀਰ ਸਿੰਘ ਸੀਚੇਵਾਲ ਦਾ ਵੀ ਇਹ ਬਿਆਨ ਸਾਹਮਣੇ ਆਇਆ ਸੀ। (Abroad)
ਪੁਲਿਸ ਵੱਲੋਂ ਚੋਰ ਗਿਰੋਹ ਦਾ ਪਰਦਾਫਾਸ਼, ਚੋਰੀ ਕੀਤਾ ਮਾਲ ਬਰਾਮਦ
ਕਿ ਉਨ੍ਹਾਂ ਨੇ 60 ਲੜਕੀਆਂ ਨੂੰ ਅਰਬ ਮੁਲਕਾਂ ’ਚੋਂ ਵਾਪਸ ਲਿਆਂਦਾ ਸੀ ਜ਼ਿਆਦਾਤਰ ਅਜਿਹੇ ਮਾਮਲੇ ਅਰਬ ਮੁਲਕਾਂ ਦੇ ਹੀ ਸਾਹਮਣੇ ਆ ਰਹੇ ਹਨ ਅਸਲ ’ਚ ਥੋੜ੍ਹੇ ਪੈਸਿਆਂ ’ਚ ਵੀਜ਼ਾ ਮਿਲ ਜਾਣ ਕਰਕੇ ਖਾਸ ਕਰਕੇ ਨਿਮਨ ਮੱਧ ਵਰਗ ਦੀਆਂ ਔਰਤਾਂ ਅਰਬ ਦੇਸ਼ਾਂ ਨੂੰ ਤਰਜ਼ੀਹ ਦਿੰਦੀਆਂ ਹਨ ਤੇ ਇੱਥੇ ਲਾਲਚੀ ਲੋਕਾਂ ਦੇ ਘਰ ਕੰਮ ਕਰਦੀਆਂ ਹਨ ਇਸ ਮਾਮਲੇ ’ਚ ਉਹ ਏਜੰਟ ਵੀ ਦੋਸ਼ੀ ਹਨ ਜੋ ਲੜਕੀਆਂ ਨਾਲ ਧੋਖਾ ਕਰਕੇ ਫਸਾ ਦਿੰਦੇ ਹਨ ਸਰਕਾਰ ਨੂੰ ਧੋਖੇਬਾਜ਼ ਏਜੰਟਾਂ ਖਿਲਾਫ਼ ਕਾਰਵਾਈ ਕਰਨੀ ਚਾਹੀਦੀ ਹੈ ਦੂਜੇ ਪਾਸੇ ਲੜਕੀਆਂ ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਵੀ ਸਮਝਦਾਰੀ ਤੋਂ ਕੰਮ ਲੈਣਾ ਚਾਹੀਦਾ ਹੈ ਕਿ ਉਹ ਸਬੰਧਿਤ ਦੇਸ਼ ਦੇ ਹਾਲਾਤਾਂ ਦਾ ਪਤਾ ਕਰ ਲੈਣ ਤੇ ਏਜੰਟਾਂ ਬਾਰੇ ਸਹੀ ਜਾਣਕਾਰੀ ਲੈਣ ਬਾਅਦ ਹੀ ਲੜਕੀਆਂ ਨੂੰ ਵਿਦੇਸ਼ ਭੇਜਣ ਜ਼ਿੰਦਗੀ ਪੈਸੇ ਨਾਲੋਂ ਕਿਤੇ ਵੱਡੀ ਹੈ। (Abroad)
