ਫਤਿਹਾਬਾਦ (ਸੱਚ ਕਹੂੰ ਨਿਊਜ਼)। ਹਰਿਆਣਾ ਸਿੱਖਿਆ ਬੋਰਡ ਦੀ ਪ੍ਰੀਖਿਆ ਸ਼ੁਰੂ ਹੋਏ 4 ਦਿਨ ਬੀਤ ਚੁੱਕੇ ਹਨ। ਪਿਛਲੇ ਤਿੰਨ ਦਿਨਾਂ ਤੋਂ ਨਕਲ ਦਾ ਇੱਕ ਵੀ ਮਾਮਲਾ ਸਾਹਮਣੇ ਨਹੀਂ ਆ ਰਿਹਾ ਹੈ। ਵੀਰਵਾਰ ਨੂੰ 12ਵੀਂ ਕੈਮਿਸਟਰੀ, ਅਕਾਊਂਟਸ ਅਤੇ ਪਬਲਿਕ ਐਡਮਿਨ ਦੀ ਪ੍ਰੀਖਿਆ ਸੀ। ਅਜਿਹੇ ’ਚ ਬੋਰਡ ਕੰਟਰੋਲ ਰੂਮ ਫਲਾਇੰਗ ਨੇ ਦੋ ਨਕਲ ਕਰਨ ਵਾਲੇ ਫੜੇ ਹਨ। ਟੀਮ ਜਦੋਂ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਪਹੁੰਚੀ ਤਾਂ ਉਨ੍ਹਾਂ ਇੱਕ ਨੌਜਵਾਨ ਦੀ ਉੱਤਰ ਪੱਤਰੀ ਚੈੱਕ ਕੀਤੀ। (Fatehabad News)
ਚੈਕਿੰਗ ਕਰਨ ’ਤੇ ਉਸ ਕੋਲੋਂ ਇੱਕ ਪਰਚੀ ਮਿਲੀ। ਜਦੋਂ ਉਕਤ ਟੀਮ ਨੇ ਦੂਜੇ ਕਮਰੇ ਦੀ ਜਾਂਚ ਕੀਤੀ ਤਾਂ ਇੱਕ ਲੜਕੀ ਕੋਲ ਉੱਤਰ ਪੱਤਰੀ ਦੀ ਪਰਚੀ ਵੀ ਮਿਲੀ। ਜਦੋਂ ਪਰਚੀ ਦਾ ਮੇਲ ਹੋਇਆ ਤਾਂ ਇਹ ਸਹੀ ਪਾਈ ਗਈ। ਟੀਮ ਨੇ ਲੜਕੇ ਅਤੇ ਲੜਕੀ ’ਤੇ ਯੂਐੱਮਸੀ ਇਸ ਤੋਂ ਇਲਾਵਾ ਜ਼ਿਲ੍ਹੇ ’ਚ ਪ੍ਰੀਖਿਆ ਸ਼ਾਂਤੀਪੂਰਵਕ ਨੇਪਰੇ ਚੜ੍ਹੀ ਹੈ। (Fatehabad News)
ਜ਼ਿਲ੍ਹੇ ਵਿੱਚ ਬੋਰਡ ਦੀਆਂ ਪ੍ਰੀਖਿਆਵਾਂ ਨੂੰ ਨਕਲ ਰਹਿਤ ਬਣਾਉਣ ਲਈ 14 ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ। ਇਸ ਵਾਰ ਹੋਰ ਸਖਤੀ ਹੋਣ ਕਾਰਨ ਨਕਲ ਦੇ ਮਾਮਲੇ ਵੀ ਘੱਟ ਆ ਰਹੇ ਹਨ। ਸਿੱਖਿਆ ਵਿਭਾਗ ਦੀ ਟੀਮ ਨੇ 52 ਕੇਂਦਰਾਂ ਦਾ ਨਿਰੀਖਣ ਕੀਤਾ। ਅੰਗਰੇਜੀ ਦੇ ਪੇਪਰ ਵਿੱਚ ਨਕਲ ਦੇ ਜ਼ਿਆਦਾ ਮਾਮਲੇ ਸਾਹਮਣੇ ਆਉਣ ਦੀ ਸੰਭਾਵਨਾ ਰਹਿੰਦੀ ਹੈ। ਇਸ ਵਾਰ ਇੱਕ ਵੀ ਜਾਅਲੀ ਉਮੀਦਵਾਰ ਨਹੀਂ ਫੜਿਆ ਗਿਆ। ਇਸ ਦਾ ਮੁੱਖ ਕਾਰਨ ਪਿਛਲੇ ਸਾਲ ਦੀ ਸਖਤੀ ਹੈ। ਪਿਛਲੇ ਸਾਲ ਫੜੇ ਗਏ ਸਾਰੇ ਫਰਜੀ ਉਮੀਦਵਾਰਾਂ ਖਿਲਾਫ ਕੇਸ ਦਰਜ ਕੀਤਾ ਗਿਆ ਸੀ।
