ਅਰਵਿੰਦ ਨਗਰ ਕਲੋਨੀ ਦੇ ਉੱਦਮੀ ਨੌਜਵਾਨਾਂ ਨੇ ਬੂਟੇ ਲਾ ਕੇ ਵਣ ਮਹਾਂਉਤਸਵ ਮਨਾਇਆ
ਕੋਟਕਪੂਰਾ, (ਸੁਭਾਸ਼ ਸ਼ਰਮਾ)। ਸਥਾਨਕ ਬਠਿੰਡਾ ਰੋਡ ਤੇ ਸਥਿਤ ਅਰਵਿੰਦ ਨਗਰ ਕਲੋਨੀ ਦੇ ਉੱਦਮੀ ਨੌਜਵਾਨ ਹਰਵਿੰਦਰ ਸਿੰਘ ਵੈਨਸੀ ਦੇ ਯਤਨਾਂ ਸਦਕਾ ਤੇ ਪੰਜਾਬ ਸਰਕਾਰ ਵੱਲੋਂ ਵੱਧ ਤੋਂ ਵੱਧ ਦਰੱਖਤ ਲਗਾ ਕੇ ਵਾਤਾਵਰਨ ਸਾਫ ਸੁਥਰਾ ਬਣਾਉਣ ਲਈ ਚਲਾਈ ਗਈ ਮੁਹਿੰਮ ਵਿੱਚ ਆਪਣਾ ਯੋਗਦਾਨ ਪਾਉਂਦੇ ਹੋਏ ਕਾਲੋਨੀ ਵਿੱਚ ਨਿੰਮ , ਟਾਹਲੀ , ਸੁਹੰਜਣਾ , ਅਮਰੂਦ , ਜਾਮਣ ਤੇ ਕਈ ਹੋਰ ਕਿਸਮਾਂ ਦੇ 200 ਦੇ ਕਰੀਬ ਬੂਟੇ ਲਗਾਏ ਗਏ ।
ਉਨ੍ਹਾਂ ਅੱਗੇ ਦੱਸਿਆ ਕਿ ਆਉਣ ਵਾਲੇ ਦਿਨਾਂ ਵਿੱਚ ਅਰਵਿੰਦ ਨਗਰ ਕਲੋਨੀ ਵਿੱਚ 500 ਤੋਂ ਵਧੇਰੇ ਨਵੇਂ ਬੂਟੇ ਲਗਾਉਣ ਦਾ ਟੀਚਾ ਮਿਥਿਆ ਗਿਆ ਹੈ । ਇਸ ਮੌਕੇ ‘ ਤੇ ਹੋਰਨਾਂ ਤੋਂ ਇਲਾਵਾ ਤਰਸੇਮ ਲਾਲ ਮੌਂਗਾ ਮੁੱਖ ਅਧਿਆਪਕ, ਮਨਜੀਤ ਕੁਮਾਰ ਲੈਕਚਰਾਰ, ਸਵਰਨ ਕੰਵਲ ਮਾਨ , ਮਨਪ੍ਰੀਤ ਸਿੰਘ ਚਾਨਾ ਅਧਿਆਪਕ ,ਨਰੇਸ਼ ਕੁਮਾਰ ਐਲ.ਆਈ. ਸੀ. ਐਡਵਾਈਜ਼ਰ, ਅਧਿਆਪਕ ਆਗੂ ਪ੍ਰੇਮ ਚਾਵਲਾ, ਮੈਡਮ ਪ੍ਰਵੀਨ ਰਾਣੀ ਸ਼ਰਮਾ , ਸੁਨੀਤਾ ਰਾਣੀ ਸੀਨੀਅਰ ਸਹਾਇਕ ਤੇ ਸੰਤੋਸ਼ ਕੁਮਾਰੀ ਚਾਵਲਾ ਆਦਿ ਸ਼ਾਮਿਲ ਸਨ ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
