ਬੰਗਾਲ ’ਚ ਰੇਮਲ ਦੀ ਰਫ਼ਤਾਰ ਨੇ ਪਟੜੀ ਤੋਂ ਉਤਾਰੀ ਜ਼ਿੰਦਗੀ Cyclone Remal
- ਖਾੜੀ ’ਚ ਉਠੀਆਂ ਭਾਰੀ ਲਹਿਰਾਂ
(ਏਜੰਸੀ) ਕੋਲਕਾਤਾ। ਚੱਕਰਵਾਤੀ ਤੂਫਾਨ ਰੇਮਲ ਦੇ ਪ੍ਰਭਾਵ ਕਾਰਨ ਪੱਛਮੀ ਬੰਗਾਲ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਲਗਾਤਾਰ ਭਾਰੀ ਮੀਂਹ ਅਤੇ 135 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲਣ ਵਾਲੀਆਂ ਹਵਾਵਾਂ ਕਾਰਨ ਸੋਮਵਾਰ ਨੂੰ ਆਮ ਜਨਜੀਵਨ ਪ੍ਰਭਾਵਿਤ ਹੋ ਗਿਆ। ਤੂਫਾਨ ਕਾਰਨ ਕੋਲਕਾਤਾ ਅਤੇ ਕਈ ਹੋਰ ਜ਼ਿਲ੍ਹਿਆਂ ’ਚ ਛੱਪਰ ਵਾਲੇ ਘਰ ਤਬਾਹ ਹੋ ਗਏ ਅਤੇ ਬਿਜਲੀ ਦੇ ਖੰਭੇ ਡਿੱਗ ਗਏ। ਜਦੋਂ ਰੇਮਲ ਪੱਛਮੀ ਬੰਗਾਲ ਅਤੇ ਨਾਲ ਲੱਗਦੇ ਬੰਗਲਾਦੇਸ਼ ਦੇ ਸਮੁੰਦਰੀ ਤੱਟਾਂ ਵਿਚਕਾਰ ਟਕਰਾਇਆ ਤਾਂ ਮਕਾਨ ਡਿੱਗਣ ਅਤੇ ਮਲਬੇ ਹੇਠਾਂ ਦੱਬਣ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ ਕਈ ਹੋਰ ਜ਼ਖਮੀ ਹੋ ਗਏ। Cyclone Remal
ਮਲਬੇ ਹੇਠਾਂ ਦੱਬਣ ਕਾਰਨ ਦੋ ਜਣਿਆ ਦੀ ਮੌਤ, ਕਈ ਜ਼ਖਮੀ (Cyclone Remal)
ਖੇਤਰੀ ਮੌਸਮ ਵਿਗਿਆਨ ਕੇਂਦਰ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਚੱਕਰਵਾਤ ਦਾ ਲੈਂਡਫਾਲ ਐਤਵਾਰ ਰਾਤ ਕਰੀਬ 8.30 ਵਜੇ ਸ਼ੁਰੂ ਹੋਇਆ ਅਤੇ ਸੋਮਵਾਰ ਤੜਕੇ ਸੂਬੇ ਦੇ ਦੱਖਣੀ 24 ਪਰਗਨਾ ਜ਼ਿਲ੍ਹੇ ਦੇ ਸਾਗਰ ਟਾਪੂ ਅਤੇ ਮੋਂਗਲਾ ਨੇੜੇ ਬੰਗਾ ਦੇ ਖੇਪੁਪਾਰਾ ਵਿਚਕਾਰ ਖਤਮ ਹੋਇਆ। ਕੋਲਕਾਤਾ ਵਿੱਚ 146 ਮਿਲੀਮੀਟਰ ਮੀਂਹ ਪਿਆ ਅਤੇ 100 ਤੋਂ 110 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲੀਆਂ, ਜੋ 135 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਤੱਕ ਪਹੁੰਚ ਗਈ।
ਇਹ ਵੀ ਪੜ੍ਹੋ: ਨਾਭਾ ਦੇ ਬੌੜਾਂ ਗੇਟ ਚੌਕ ਵਿਖੇ ਜ਼ਮੀਨ ਪ੍ਰਾਪਤੀ ਸੰਘਰਸ਼ ਕਮੇਟੀ ਵੱਲੋਂ ਚੱਕਾ ਜਾਮ
ਤੇਜ਼ ਹਵਾਵਾਂ ਕਾਰਨ ਦਰੱਖਤ ਉਖੜ ਗਏ ਅਤੇ ਬਿਜਲੀ ਦੀਆਂ ਤਾਰਾਂ ਟੁੱਟ ਗਈਆਂ। ਕੋਲਕਾਤਾ ’ਚ ਕੰਧ ਡਿੱਗਣ ਨਾਲ ਇੱਕ ਵਿਅਕਤੀ ਜ਼ਖਮੀ ਹੋ ਗਿਆ। ਦੱਖਣੀ ਕੋਲਕਾਤਾ ਦੇ ਢਾਕੁਰੀਆ, ਪਾਰਕ ਸਰਕਸ ਅਤੇ ਬਾਲੀਗੰਜ ਵਰਗੇ ਖੇਤਰ ਗੋਡੇ-ਗੋਡੇ ਪਾਣੀ ਨਾਲ ਡੁੱਬ ਗਏ, ਜਦੋਂ ਕਿ ਟਾਲੀਗੰਜ ਅਤੇ ਕਵੀ ਨਜ਼ਰੂਲ ਸਟੇਸ਼ਨਾਂ ’ਤੇ ਮੈਟਰੋ ਰੇਲਵੇ ਦੇ ਸ਼ੈੱਡ ਉੱਡ ਗਏ। ਕੋਲਕਾਤਾ ਵਿੱਚ ਪਾਰਕ ਸਟਰੀਟ ਅਤੇ ਐਸਪਲੇਨੇਡ ਸਟੇਸ਼ਨਾਂ ਦੇ ਵਿਚਕਾਰ ਟਰੈਕ ’ਤੇ ਪਾਣੀ ਭਰ ਜਾਣ ਕਾਰਨ ਉੱਤਰ-ਦੱਖਣੀ ਮੈਟਰੋ ਰੇਲਵੇ ਲਾਈਨ ਦੀਆਂ ਸੇਵਾਵਾਂ ਪ੍ਰਭਾਵਿਤ ਹੋਈਆਂ।
ਤੂਫਾਨ ਕਾਰਨ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਇੰਟਰਨੈਸ਼ਨਲ (ਐੱਨਐੱਸਸੀਬੀਆਈ) ਹਵਾਈ ਅੱਡੇ ’ਤੇ 340 ਘਰੇਲੂ ਅਤੇ 54 ਅੰਤਰਰਾਸ਼ਟਰੀ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ। ਉੱਤਰੀ 24 ਪਰਗਨਾ, ਦੱਖਣੀ 24 ਪਰਗਨਾ ਅਤੇ ਪੂਰਬੀ ਮਿਦਨਾਪੁਰ ਜ਼ਿਲ੍ਹਿਆਂ ’ਚ ਤੂਫਾਨ ਕਾਰਨ ਕਈ ਕੱਚੇ ਘਰ ਢਹਿ ਗਏ ਅਤੇ ਬਿਜਲੀ ਦੇ ਖੰਭੇ ਵੀ ਟੁੱਟ ਗਏ। ਬੰਗਾਲ ਦੀ ਖਾੜੀ ’ਚ ਭਾਰੀ ਲਹਿਰਾਂ ਦੇਖੀਆਂ ਗਈਆਂ।
ਬੰਗਲਾਦੇਸ਼ ’ਚ 7 ਮੌਤਾਂ (Cyclone Remal)
ਬੰਗਲਾਦੇਸ਼ ਵਿੱਚ ਵੀ ਤੂਫ਼ਾਨ ਦਾ ਜ਼ਬਰਦਸਤ ਅਸਰ ਪਿਆ ਹੈ। ਢਾਕਾ ਦੇ ਸੋਮੋਏ ਟੀਵੀ ਮੁਤਾਬਕ ਬੰਗਲਾਦੇਸ਼ ਵਿੱਚ ਤੂਫ਼ਾਨ ਕਾਰਨ 7 ਲੋਕਾਂ ਦੀ ਮੌਤ ਹੋ ਗਈ। ਸਰਕਾਰ ਨੇ ਡੇਢ ਕਰੋੜ ਲੋਕਾਂ ਦੇ ਘਰਾਂ ਦੀ ਬਿਜਲੀ ਕੱਟ ਦਿੱਤੀ ਹੈ।
