ਦੇਸ਼ਾਂ ਨੂੰ ਕੋਵਿਡ ਪਾਬੰਦੀਆਂ ਹਟਾਉਣ ਲਈ ਜਲਦਬਾਜ਼ੀ ਨਹੀਂ ਕਰਨੀ ਚਾਹੀਦੀ: ਡਬਲਯੂਐਚਓ
ਜਿਨੇਵਾ। ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਨੇ ਕੋਵਿਡ-19 ਮਹਾਂਮਾਰੀ ਨਾਲ ਸਬੰਧਤ (Covid Restrictions) ਪਾਬੰਦੀਆਂ ਹਟਾਉਣ ਦੀ ਸ਼ੁਰੂਆਤ ਕਰਨ ਵਾਲੇ ਦੇਸ਼ਾਂ ਨੂੰ ਪਾਬੰਦੀਆਂ ਨੂੰ ਸਥਿਰ ਅਤੇ ਹੌਲੀ-ਹੌਲੀ ਢਿੱਲ ਦੇਣ ਬਾਰੇ ਵਿਚਾਰ ਕਰਨ ਲਈ ਕਿਹਾ ਹੈ, ਕਿਉਂਕਿ ਹਾਲ ਹੀ ਦੇ ਅੰਕੜੇ ਅਨੁਸਾਰ ਦੁਨੀਆ ਭਰ ਵਿੱਚ ਕਰੋਨਾਵਾਇਰਸ ਦੇ ਕਾਰਨ ਮੌਤਾਂ ਦੀ ਗਿਣਤੀ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਡਬਲਯੂਐਚਓ ਦੇ ਡਾਇਰੈਕਟਰ-ਜਨਰਲ ਟੇਡਰੋਸ ਅਡਾਨੋਮ ਘੇਬਰੇਅਸਸ ਨੇ ਇੱਕ ਪ੍ਰੈਸ ਬ੍ਰੀਫਿੰਗ ਵਿੱਚ ਕਿਹਾ,‘‘ ਓਮੀਕਰੋਨ ਵੇਰੀਐਂਟ ਨੂੰ ਪਹਿਲੀ ਵਾਰ ਸਿਰਫ 10 ਹਫ਼ਤੇ ਪਹਿਲਾਂ ਮਾਨਤਾ ਦਿੱਤੀ ਗਈ ਸੀ, ਇਸ ਤੱਥ ਦੇ ਬਾਵਜੂਦ ਕਿ ਡਬਲਯੂਐਚਓ ਨੂੰ ਲਗਭਗ 9 ਕਰੋੜ ਕੇਸਾਂ ਦੀ ਰਿਪੋਰਟ ਕੀਤੀ ਗਈ ਹੈ, ਜੋ ਪੂਰੇ 2020 ਵਿੱਚ ਸਾਹਮਣੇ ਆਏ ਕੁੱਲ ਕੇਸਾਂ ਦੀ ਗਿਣਤੀ ਤੋਂ ਵੱਧ ਹੈ। ਅਸੀਂ ਹੁਣ ਦੁਨੀਆ ਦੇ ਜ਼ਿਆਦਾਤਰ ਖੇਤਰਾਂ ਵਿੱਚ ਮੌਤਾਂ ਵਿੱਚ ਬਹੁਤ ਚਿੰਤਾਜਨਕ ਵਾਧਾ ਦੇਖ ਰਹੇ ਹਾਂ।’’
ਉਨ੍ਹਾਂ ਨੇ ਕੁਝ ਦੇਸ਼ਾਂ ਦੇ ਨਾਗਰਿਕਾਂ ਦੀ ਧਾਰਨਾ ਬਾਰੇ ਆਪਣੀ ਚਿੰਤਾ ਨੂੰ ਦੁਹਰਾਇਆ ਕਿ ‘ਟੀਕੇ ਦੇ ਕਾਰਨ, ਅਤੇ ਓਮੀਕਰੋਨ ਦੀ ਉੱਚ ਪ੍ਰਸਾਰਣ ਅਤੇ ਘੱਟ ਗੰਭੀਰਤਾ ਕਾਰਨ, ਇਸ ਦੇ ਫੈਲਣ ਨੂੰ ਰੋਕਣਾ ਹੁਣ ਸੰਭਵ ਨਹੀਂ ਹੈ ਅਤੇ ਜ਼ਰੂਰੀ ਵੀ ਨਹੀਂ ਹੈ।’ ਗੇਬਰੇਅਸਸ ਨੇ ਕਿਹਾ, ‘‘ਵਧੇਰੇ ਪ੍ਰਸਾਰਣ ਦਾ ਅਰਥ ਹੈ ਵਧੇਰੇ ਮੌਤਾਂ। ਅਸੀਂ ਕਿਸੇ ਵੀ ਦੇਸ਼ ਨੂੰ ਫਿਰ ਤੋਂ ਅਖੌਤੀ ਤਾਲਾਬੰਦੀ ਲਗਾਉਣ ਲਈ ਨਹੀਂ ਕਹਿ ਰਹੇ ਹਾਂ, ਪਰ ਅਸੀਂ ਸਾਰੇ ਦੇਸ਼ਾਂ ਨੂੰ ਹਰ ਉਪਾਅ ਕਰਕੇ ਆਪਣੇ ਲੋਕਾਂ ਦੀ ਰੱਖਿਆ ਕਰਨ ਲਈ ਕਹਿ ਰਹੇ ਹਾਂ, ਸਿਰਫ ਟੀਕੇ ਲਗਵਾਉਣਾ ਕਾਫ਼ੀ ਨਹੀਂ ਹੈ। ਕਿਸੇ ਵੀ ਦੇਸ਼ ਲਈ ਮਹਾਂਮਾਰੀ ਦੇ ਸਾਹਮਣੇ ਸਮਰਪਣ ਕਰਨਾ ਜਾਂ ਜਿੱਤ ਦਾ ਐਲਾਨ ਕਰਨਾ ਬਹੁਤ ਜਲਦੀ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
 ਨੇ...){kind=link}