ਬਰਮਿੰਘਮ (ਏਜੰਸੀ)। ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੀ ਜੇਤੂ ਅਸਟਰੇਲੀਆ ਅਤੇ ਇੰਗਲੈਂਡ ਵਿਚਕਾਰ ਏਸ਼ੇਜ (Ashes Series) ਲੜੀ ਦਾ ਪਹਿਲਾ ਟੈਸਟ ਮੈਚ ਬਰਮਿੰਘਮ ’ਚ ਖੇਡਿਆ ਜਾ ਰਿਹਾ ਹੈ। ਇਸ ਸਮੇਂ ਤੀਜੇ ਸੈਸ਼ਨ ਦੀ ਖੇਡ ਜਾਰੀ ਹੈ। ਅਸਟਰੇਲੀਆ ਨੇ ਖਬਰ ਲਿਖੇ ਜਾਣ ਤੱਕ 6 ਵਿਕਟਾਂ ਗੁਆ ਕੇ 208 ਦੌੜਾਂ ਬਣਾ ਲਈਆਂ ਹਨ। ਇਸ ਲਈ ਅਸਟਰੇਲੀਆ ਨੂੰ ਪਹਿਲਾ ਏਸ਼ੇਜ ਟੈਸਟ ਜਿੱਤਣ ਲਈ 73 ਦੌੜਾਂ ਦੀ ਜਰੂਰਤ ਹੈ ਅਤੇ ਉਸ ਦੀਆਂ ਸਿਰਫ 4 ਵਿਕਟਾਂ ਹੀ ਬਾਕੀ ਹਨ।
ਇਹ ਵੀ ਪੜ੍ਹੋ : ਅਖੀਰ 21 ਜੂਨ ਹੀ ਕਿਉਂ ਹੁੰਦਾ ਹੈ ਸਾਲ ਦਾ ਸਭ ਤੋਂ ਵੱਡਾ ਦਿਨ, ਜਾਣੋ
ਅਸਟਰੇਲੀਆ ਨੂੰ ਜਿੱਤ ਲਈ 81 ਦੌੜਾਂ ਦੀ ਜਰੂਰਤ ਹੈ ਅਤੇ ਇੰਗਲੈਂਡ ਨੂੰ ਜਿੱਤ ਲਈ 4 ਵਿਕਟਾਂ ਦੀ ਜ਼ਰੂਰਤ ਹੈ। ਪੰਜਵੇਂ ਦਿਨ ਦੀ ਜੇਕਰ ਗੱਲ ਕਰੀਏ ਤਾਂ ਪਹਿਲਾ ਸੈਸ਼ਨ ਮੀਂਹ ਕਾਰਨ ਰੱਦ ਕਰ ਦਿੱਤਾ ਗਿਆ ਸੀ। ਦੂਜੇ ਸੈਸ਼ਨ ’ਚ ਅਸਟਰੇਲੀਆ ਨੇ ਚੰਗੀ ਬੱਲੇਬਾਜੀ ਕੀਤੀ ਹੈ। ਤੀਜੇ ਸੈਸ਼ਨ ’ਚ ਉਸਮਾਨ ਖਵਾਜਾ ਅਤੇ ਐਲੇਕਸ ਕੈਰੀ ਦੋਵੇਂ ਬੱਲੇਬਾਜ ਕ੍ਰੀਜ ’ਤੇ ਮੌਜ਼ੂਦ ਹਨ। ਉਸਮਾਨ ਖਵਾਜ 186 ਗੇਂਦਾਂ ਦਾ ਸਾਹਮਣਾ ਕਰਕੇ 61 ਦੌੜਾਂ ’ਤੇ ਨਾਬਾਦ ਹਨ ਅਤੇ ਐਲੇਕਸ ਕੈਰੀ ਨੇ 15 ਗੇਂਦਾਂ ਦਾ ਸਾਹਮਣਾ ਕਰਕੇ 8 ਦੌੜਾਂ ਬਣਾਈਆਂ ਹਨ। ਇਸ ਸਮੇਂ ਸਿਰਫ ਅਸਟਰੇਲੀਆ ਜਿੱਤ ਤੋਂ 73 ਦੌੜਾਂ ਦੂਰ ਹੈ। ਜੇਕਰ ਅਸਟਰੇਲੀਆ ਜਾਂ ਇੰਗਲੈਂਡ ਦੋਵਾਂ ’ਚੋ ਕੋਈ ਵੀ ਇਹ ਮੈਚ ਜਿੱਤਦਾ ਹੈ ਤਾਂ ਉਹ ਲੜੀ ’ਚ 1-0 ਦੀ ਲੀੜ ਬਣਾ ਲਵੇਗਾ।
ਹੁਣ ਪੜ੍ਹੋ ਮੈਚ ਦੀ ਪੂਰੀ ਰਿਪੋਰਟ | Ashes Series
ਚੌਥੇ ਦਿਨ ਇੰਗਲੈਂਡ ਨੇ ਦੂਜੀ ਪਾਰੀ ’ਚ 28/2 ਦੇ ਸਕੋਰ ਤੋਂ ਦਿਨ ਦੀ ਸ਼ੁਰੂਆਤ ਕੀਤੀ ਸੀ। ਚੌਥੇ ਦਿਨ ਜੋ ਰੂਟ 0 ਅਤੇ ਓਲੀ ਪੋਪ ਵੀ 0 ਦੌੜਾਂ ’ਤੇ ਨਾਬਾਦ ਸਨ। ਇੰਗਲੈਂਡ ਨੂੰ ਦਿਨ ਦਾ ਪਹਿਲਾ ਝਟਕਾ ਪਾਪ ਦੇ ਰੂਪ ’ਚ ਲੱਗਿਆ। ਉਹ 14 ਦੌੜਾਂ ਬਣਾ ਕੇ ਅਸਟਰੇਲੀਆਈ ਕਪਤਾਨ ਪੈਟ ਕੰਮਿਸ ਦਾ ਸ਼ਿਕਾਰ ਬਣੇ। ਕੰਮਿਸ ਨੇ ਉਨ੍ਹਾ ਨੂੰ ਬੋਲਡ ਕੀਤਾ। ਇਸ ਤੋਂ ਬਾਅਦ ਨਾਥਨ ਲਿਓਨ ਨੇ ਜੋ ਰੂਟ ਨੂੰ ਆਉਟ ਕਰਕੇ ਇੰਗਲੈਂਡ ਨੂੰ ਵੱਡਾ ਝਟਕਾ ਦਿੱਤਾ।
ਜੋ ਰੂਟ ਨੇ 46 ਦੌੜਾਂ ਬਣਾਈਆਂ। ਇਸ ਤਰ੍ਹਾਂ ਇੰਗਲੈਂਡ ਨੂੰ 129 ਦੌੜਾਂ ’ਤੇ ਚੌਥਾ ਝਟਕਾ ਮਿਲਿਆ। ਇੰਗਲੈਂਡ ਲਈ ਹੈਰੀ ਬਰੂਕ ਨੇ ਵੀ 46 ਦੌੜਾਂ ਬਣਾਈਆਂ ਜਦਕਿ ਕਪਤਾਨ ਬੇਨ ਸਟੋਕਸ ਨੇ 43 ਦੌੜਾਂ ਦਾ ਯੋਗਦਾਨ ਦਿੱਤਾ। ਜੇਮਸ ਐਂਡਰਸਨ 12 ਦੌੜਾਂ ਬਣਾ ਕੇ ਇੰਗਲੈਂਡ ਦੀ ਆਖਿਰੀ ਵਿਕਟ ਦੇ ਰੂਪ ’ਚ ਆਉਟ ਹੋਏ। ਅਸਟਰੇਲੀਆ ਨੂੰ ਪਹਿਲਾ ਏਸ਼ੇਜ ਟੈਸਟ ਜਿੱਤਣ ਲਈ ਹੁਣ 281 ਦੌੜਾਂ ਦਾ ਟੀਚਾ ਮਿਲਿਆ।
