PIL filed against Rajasthan Deputy CMs : ਜੈਪੁਰ (ਗੁਰਜੰਟ ਧਾਲੀਵਾਲ)। ਦੀਆ ਕੁਮਾਰੀ ਤੇ ਪ੍ਰੇਮ ਚੰਦ ਬੈਰਵਾ ਦੁਆਰਾ ਉੱਪ ਮੁੱਖ ਮੰਤਰੀ ਦੇ ਰੂਪ ’ਚ ਚੁੱਕੀ ਗਈ ਸਹੂੰ ਨੂੰ ਚੁਣੌਤੀ ਦੇ ਵਾਲੀ ਅਰਜ਼ੀ ਰਾਜਸਥਾਨ ਹਾਈਕੋਰਟ ’ਚ ਦਾਖਲ ਕੀਤੀ ਗਈ ਹੈ। ਅਰਜ਼ੀਕਰਤਾ ਨੇ ਮੁੱਖ ਮੰਤਰੀ ਅਹੁਦੇ ਲਈ ਚੁੱਕੀ ਗਈ ਸਹੂੰ ਨੂੰ ਗੈਰ-ਸੰਵਿਧਾਨਿਕ ਦੱਸਿਆ ਹੈ ਕਿਉਂਕਿ ਭਾਰਤ ਦੇ ਸੰਵਿਧਾਨ ’ਚ ਅਜਿਹੇ ਕਿਸੇ ਅਹੁਦੇ ਦਾ ਜ਼ਿਕਰ ਨਹੀਂ ਹੈ। ਅਰਜ਼ੀਕਰਤਾ ਨੇ ਉੱਪ ਮੁੱਖ ਮੰਤਰੀਆਂ ਦੀ ਨਿਯੁਕਤੀ ਰੱਦ ਕਰਨ ਦੀ ਬੇਨਤੀ ਕੀਤੀ ਹੈ ਕਿਉੀਕਿ ਇਹ ਭਾਰਤ ਦੇ ਸੰਵਿਧਾਨ ਦੀਆਂ ਤਜਵੀਜਾਂ ਦੀ ਉਲੰਘਣਾ ਹੈ।
ਦੋਵਾਂ ਉੱਪ ਮੁੱਖ ਮੰਤਰੀਆਂ ਖਿਲਾਫ਼ ਅਰਜ਼ੀ ਦਾਖਲ
ਰਾਜਸਥਾਨ ਹਾਈ ਕੋਰਟ ਦੇ ਵਕੀਲ ਓਮ ਪਕਾਸ਼ ਸੋਲੰਕੀ ਨੇ ਸ਼ਨਿੱਚਰਵਾਰ ਨੂੰ ਅਰਜ਼ੀ ਦਾਖਲ ਕੀਤੀ, ਜਿਸ ’ਚ ਕਿਹਾ ਗਿਆ ਹੈ ਕਿ ਦੀਆ ਕੁਮਾਰੀ ਅਤੇ ਪ੍ਰੇਮ ਚੰਦ ਬੈਰਵਾ ਦਾ ਡਿਪਟੀ ਸੀਐੱਮ ਦੇ ਰੂਪ ’ਚ ਸਹੂੰ ਚੁੱਕਣੀ ਅਤੇ ਨਿਯੁਕਤੀ ਗੈਰ ਸੰਵਿਧਾਨਿਕ ਤੇ ਕਾਨੂੰਨ ਦੇ ਖਿਲਾਫ਼ ਹੈ। ਸੋਲੰਕੀ ਨੇ ਆਪਣਂ ਅਰਜ਼ੀ ’ਚ ਰਜਾਪਾਲ, ਮੁੱਖ ਮੰਤਰੀ, ਕੇਂਦਰ ਸਰਕਾਰ ਦੇ ਸਕੱਤਰ, ਮੁੱਖ ਸਕੱਤਰ, ਡਿਪਟੀ ਸੀਐਮ ਦੀਆ ਕੁਮਾਰੀ ਤੇ ਪ੍ਰੇਮ ਚੰਦ ਬੈਰਵਾ ਨੂੰ ਪੱਖ ਬਣਾਇਆ ਹੈ।
Also Read : ਪਹਿਲੀ ਜਨਵਰੀ ਤੋਂ ਕਾਰਡ ਧਾਰਕਾਂ ਦੀਆਂ ਵਧ ਸਕਦੀਆਂ ਨੇ ਮੁਸੀਬਤਾਂ, ਹੋ ਸਕਦੇ ਹੋ ਮੁਫ਼ਤ ਰਾਸ਼ਨ ਸੇਵਾਵਾਂ ਤੋਂ ਵਾਂਝੇ!
ਸੋਲੰਕੀ ਨੇ ਕਿਹਾ ਕਿ ਭਾਰਤ ਦੇ ਸੰਵਿਧਾਨ ’ਚ ਕਿਤੇ ਵੀ ਡਿਪਟੀ ਸੀਐੱਮ ਦਾ ਕੋਈ ਅਹੁਦਾ ਨਹੀਂ ਹੈ ਅਤੇ ਨਾਂ ਹੀ ਇਸ ਅਹੁਦੇ ’ਤੇ ਨਿਯੁਕਤੀ ਦੀ ਕੋਈ ਤਜਵੀਜ ਹੈ। ਸੰਵਿਧਾਨ ਦੇ ਅਨੁਛੇਦ 163 ਅਤੇ 164 ਦੇ ਤਹਿਤ, ਰਾਜਸਪਾਲ ਦੀ ਮੰਤਰੀ ਪ੍ਰੀਸ਼ਦ ਦੀ ਨਿਯੁਕਤੀ ਮੁੱਖ ਮੰਤਰੀ ਦੀ ਸਿਫਾਰਸ਼ ’ਤੇ ਹੀ ਕੀਤੀ ਜਾਂਦੀ ਹੈ। ਅਨੁਛੇਦ 163 ਦੇ ਤਹਿਤ ਹੀ ਸਹੂੰ ਚੁੱਕੀ ਜਾਂਦੀ ਹੈ ਅਤੇ ਇਯ ’ਚ ਰਾਜਪਾਲ ਇੱਕ ਮੁੱਖ ਮੰਤਰੀ ਤੇ ਉਸ ਦੇ ਮੰਤਰੀਆਂ ਨੂੰ ਸਹੂੰ ਚੁਕਵਾਉਂਦੇ ਹਨ।
