ਫਾਜਿ਼ਲਕਾ (ਸੱਚ ਕਹੂੰ ਨਿਊਜ਼) ਸਿਟੀ ਪੁਲਿਸ ਨੇ ਇੱਕ ਵਾਨਟੇਡ ਚੋਰ ਨੂੰ ਕਾਬੂ (Arrested) ਕੀਤਾ ਹੈ। ਜਿਹੜਾ ਪਿਛਲੇ ਕਾਫੀ ਲੰਬੇ ਸਮੇਂ ਤੋਂ ਚੋਰੀ ਦੀਆਂ ਵਾਰਦਾਰਾਂ ਨੂੰ ਅੰਜਾਮ ਦੇ ਰਿਹਾ ਸੀ। ਪੁਲਿਸ ਵੱਲੋਂ ਫੜੇ ਗਏ ਚੋਰ ਨੂੰ ਅਦਾਲਤ ’ਚ ਪੇਸ਼ ਕਰਕੇ ਪੂੱਛਗਿੱਛ ਲਈ ਰਿਮਾਂਡ ’ਤੇ ਲਿਆ ਜਾ ਰਿਹਾ ਹੈ। ਐੱਸਐੱਚਓ ਚੰਦਰਸ਼ੇਖਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਫਾਜ਼ਿਲਕਾ ਦੇ ਬਿਜਲੀ ਘਰ ਕੋਲ ਰਹਿੰਦੇ ਸੁਨੀਲ ਕੁਮਾਰ ਉਰਫ ਚੂਹਾ ਨੂੰ ਗਿ੍ਰਫਤਾਰ ਕੀਤਾ ਹੈ।
ਇਹ ਵੀ ਪੜ੍ਹੋ : ਹਰਿਆਣਾ-ਪੰਜਾਬ, ਐੱਨਸੀਆਰ ਅਤੇ ਉੱਤਰ-ਪ੍ਰਦੇਸ਼ ’ਚ ਮੀਂਹ ਦੀ ਸੰਭਾਵਨਾ
ਜਿਹੜਾ ਪਿਛਲੇ ਲੰਬੇ ਸਮੇਂ ਤੋਂ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇ ਰਿਹਾ ਸੀ ਅਤੇ ਉਸ ਦੀ ਕਾਫੀ ਸਮੇਂ ਤੋਂ ਤਲਾਸ਼ ਕੀਤੀ ਜਾ ਰਹੀ ਸੀ। ਉਹ ਦੋ ਚੋਰੀ ਦੇ ਮਾਮਲਿਆਂ ’ਚ ਵੀ ਨਾਮਜਦ ਹੈ। ਐੱਸਐੱਚਓ ਨੇ ਦੱਸਿਆ ਕਿ ਪ੍ਰਾਥਮਿਕ ਤਫਤੀਸ਼ ਦੌਰਾਨ ਸੁਨੀਲ ਕੁਮਾਰ ਚੂਹਾ ਕੇ ਕਬੂਲ ਕੀਤਾ ਹੈ ਕਿ ਉਸ ਨੇ ਘਰਾਂ ਅਤੇ ਦੁਕਾਨਾਂ ’ਚ 15 ਚੋਰੀਆਂ ਕੀਤੀਆਂ ਹਨ। ਉਸ ਕੋਲ ਪੁਲਿਸ ਨੇ ਕੁਝ ਘਰੇਲੂ ਸਮਾਨ ਵੀ ਬਰਾਮਦ ਕੀਤਾ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਅਗਲੇਰੀ ਜਾਂਚ ਕੀਤੀ ਜਾ ਰਹੀ ਹੈ।
