ਚੇਨ ਜਿਕਿਨ ਨੇ ਕਨਫਿਊਸ਼ੀਅਸ ਦੇ ਪੁੱਤਰ ਨੂੰ ਪੁੱਛਿਆ, ‘‘ਕੀ ਤੇਰੇ ਪਿਤਾ ਨੇ ਤੈਨੂੰ ਅਜਿਹਾ ਕੁਝ ਸਿਖਾਇਆ ਹੈ ਜੋ ਅਸੀਂ ਨਹੀਂ ਜਾਣਦੇ?’’
‘‘ਨਹੀਂ’’, ਕਨਫਿਊਸ਼ੀਅਸ ਦੇ ਪੁੱਤਰ ਨੇ ਕਿਹਾ, ‘‘ਪਰੰਤੂ ਇੱਕ ਵਾਰ ਜਦੋਂ ਮੈਂ ਇਕੱਲਾ ਸੀ ਤਾਂ ਉਹਨਾਂ ਨੇ ਮੈਨੂੰ ਪੁੱਛਿਆ ਕਿ ਮੈਂ ਕਵਿਤਾ ਪੜ੍ਹਦਾ ਹਾਂ ਜਾਂ ਨਹੀਂ ਮੇਰੇ ‘ਨਾ’ ਕਰਨ ’ਤੇ ਉਨ੍ਹਾਂ ਕਿਹਾ ਕਿ ਮੈਨੂੰ ਕਵਿਤਾ ਬੋਲ ਕੇ ਪੜ੍ਹਨੀ ਚਾਹੀਦੀ ਹੈ ਕਿਉਂਕਿ ਇਹ ਵਿਅਕਤੀ ਨੂੰ ਚੰਗੇ ਰਾਹ ’ਤੇ ਤੋਰਦੀ ਹੈ। (Three answers)
ਇੱਕ ਵਾਰ ਉਹਨਾਂ ਨੇ ਮੈਨੂੰ ਦੇਵਤਿਆਂ ਬਾਰੇ ਪੁੱਛਿਆ। ਮੈਂ ਇਹ ਨਹੀਂ ਜਾਣਦਾ ਸੀ ਇਸ ਲਈ ਉਨ੍ਹਾਂ ਨੇ ਮੈਨੂੰ ਇਸ ਦਾ ਅਭਿਆਸ ਕਰਨ ਲਈ ਕਿਹਾ, ਤਾਂ ਕਿ ਦੇਵਤਿਆਂ ਦਾ ਬਖਿਆਨ ਕਰਨ ਨਾਲ ਮੈਂ ਖੁਦ ਦਾ ਵੀ ਬੋਧ ਕਰ ਸਕਾ। ਪਰੰਤੂ ਉਨ੍ਹਾਂ ਨੇ ਇਹ ਦੇਖਣ ਲਈ ਮੇਰੇ ’ਤੇ ਨਜ਼ਰ ਨਹੀਂ ਰੱਖੀ ਕਿ ਮੈਂ ਉਨ੍ਹਾਂ ਦੀ ਆਗਿਆ ਦਾ ਪਾਲਣ ਕਰ ਰਿਹਾਂ ਜਾਂ ਨਹੀਂ ਉੱਥੋਂ ਤੁਰਦੇ ਸਮੇਂ ਚੇਨ ਜਿਕਿਨ ਨੇ ਮਨ ਹੀ ਮਨ ’ਚ ਕਿਹਾ।
‘‘ਮੈਂ ਉਸ ਨੂੰ ਇੱਕ ਪ੍ਰਸ਼ਨ ਪੁੱਛਿਆ ਤੇ ਮੈਨੂੰ ਤਿੰਨ ਉੱਤਰ ਮਿਲੇ ਮੈਂ ਕਾਵਿ ਬਾਰੇ ਕੁਝ ਜਾਣਨ ਦੀ ਕੋਸ਼ਿਸ਼ ਕਰਾਂ ਮੈਨੂੰ ਦੇਵਤਿਆਂ ਨੂੰ ਅਲੰਕ੍ਰਿਤ ਕਰਨ ਦੇ ਵਿਸ਼ੇ ’ਚ ਵੀ ਗਿਆਨ ਮਿਲਿਆ ਤੇ ਮੈਂ ਇਹ ਵੀ ਸਿੱਖਿਆ ਕਿ ਇਮਾਨਦਾਰ ਵਿਅਕਤੀ ਦੂਜਿਆਂ ਦੀ ਇਮਾਨਦਾਰੀ ਦੀ ਜਾਂਚ-ਪੜਤਾਲ ਨਹੀਂ ਕਰਦੇ’’।
