ਸੰਤ ਕਦੇ ਕਿਸੇ ਨੂੰ ਬੁਰਾ ਨਹੀਂ ਕਹਿੰਦੇ : Saint Dr MSG
ਸਰਸਾ (ਸੱਚ ਕਹੂੰ ਨਿਊਜ਼)। Saint Dr MSG : ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਸੰਤ, ਪੀਰ-ਫ਼ਕੀਰ ਇਸ ਦੁਨੀਆਂ ‘ਚ ਸਭ ਦਾ ਭਲਾ ਕਰਨ ਲਈ ਆਉਂਦੇ ਹਨ ਉਨ੍ਹਾਂ ਦਾ ਕਿਸੇ ਵੀ ਧਰਮ, ਮਜ਼ਹਬ ਜਾਂ ਕਿਸੇ ਵਿਅਕਤੀ ਨਾਲ ਕੋਈ ਵੈਰ-ਵਿਰੋਧ ਨਹੀਂ ਹੁੰਦਾ ਸੰਤ, ਪੀਰ-ਫ਼ਕੀਰ ਹਰ ਜੀਵ ਨੂੰ ਪਿਆਰ ਦਾ ਪਾਠ ਪੜ੍ਹਾਉਂਦੇ ਹਨ ਅਤੇ ਇਹ ਸੰਦੇਸ਼ ਦਿੰਦੇ ਹਨ ਕਿ ਜੋ ਸੰਤ, ਪੀਰ-ਪੈਗੰਬਰਾਂ ਨੇ ਲਿਖਿਆ ਹੈ ਉਸ ਨੂੰ ਸਿਰਫ਼ ਪੜ੍ਹ ਕੇ ਛੱਡੋ ਨਾ ਸਗੋਂ ਉਨ੍ਹਾਂ ਦੇ ਲਿਖੇ ਹੋਏ ਬਚਨਾਂ ਨੂੰ ਪੜ੍ਹ ਕੇ ਉਨ੍ਹਾਂ ‘ਤੇ ਅਮਲ ਵੀ ਕਰੋ ਇਨਸਾਨ ਜੇਕਰ ਉਨ੍ਹਾਂ ਬਚਨਾਂ ‘ਤੇ ਚਲਦਾ ਹੈ ਤਾਂ ਮਾਲਕ ਦੀ ਦਇਆ-ਮਿਹਰ ਰਹਿਮਤ ਨਾਲ ਮਾਲਾਮਾਲ ਜ਼ਰੂਰ ਹੋ ਜਾਂਦਾ ਹੈ।
ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਸੰਤ, ਪੀਰ-ਫ਼ਕੀਰ ਜੋ ਵੀ ਬਚਨ ਕਰਦੇ ਹਨ ਉਹ ਕਦੇ ਖਾਲੀ ਨਹੀਂ ਜਾਂਦੇ ਅਤੇ ਸਾਡੇ ਗੁਰੂ, ਪੀਰ-ਪੈਗੰਬਰਾਂ ਨੇ ਜੋ ਕੁਝ ਵੀ ਲਿਖਿਆ ਹੈ ਉਹ ਝੂਠ ਨਹੀਂ ਹੈ ਉਨ੍ਹਾਂ ਜੋ ਵੀ ਲਿਖਿਆ ਹੈ ਉਹ ਸੱਚ ਸੀ, ਸੱਚ ਹੈ ਅਤੇ ਸੱਚ ਹੀ ਰਹੇਗਾ ਆਦਮੀ ਨੂੰ ਜੇਕਰ ਚੰਦ ਨੋਟਾਂ ਦੀ ਹਵਾ ਮਿਲ ਜਾਵੇ ਤਾਂ ਆਦਮੀ ਬਦਲ ਜਾਂਦਾ ਹੈ ਭਰਾ, ਭਰਾ ਦਾ ਦੁਸ਼ਮਣ ਹੋ ਜਾਂਦਾ ਹੈ ਪੈਸਿਆਂ ਦੇ ਚੰਦ ਟੁਕੜਿਆਂ ਲਈ ਲੋਕ ਆਪਣਾ ਦੀਨ, ਈਮਾਨ, ਮਜ਼ਹਬ ਸਭ ਕੁਝ ਵੇਚ ਦਿੰਦੇ ਹਨ ਪਰ ਸੰਤ ਵਿਕਾਊ ਨਹੀਂ ਹੁੰਦੇ ਅਤੇ ਕਿਸੇ ਦੇ ਕਹਿਣ ਨਾਲ ਉਹ ਬਚਨ ਨਹੀਂ ਕਰਦੇ ਸਗੋਂ ਉਹ ਤਾਂ ਸਭ ਲਈ ਦੁਆ ਕਰਦੇ ਸਨ। Saint Dr MSG
Read This : Motivational Quotes: ਦ੍ਰਿੜ੍ਹ ਵਿਸ਼ਵਾਸ ਨੇ ਲੜਕੇ ਨੂੰ ਇਸ ਤਰ੍ਹਾਂ ਕੀਤਾ ਜਿੰਦਾ! ਭਾਵੁਕ ਕਰ ਦੇਵੇਗਾ ਇਹ ਵਾਕਿਆ…
ਕਰਦੇ ਹਨ ਅਤੇ ਕਰਦੇ ਹੀ ਰਹਿਣਗੇ ਜਿਸ ਤਰ੍ਹਾਂ ਰੁੱਖ ਆਪਣਾ ਫ਼ਲ ਖੁਦ ਨਹੀਂ ਖਾਂਦਾ ਅਤੇ ਸਮੁੰਦਰ ਆਪਣਾ ਪਾਣੀ ਖੁਦ ਨਹੀਂ ਪੀਂਦਾ ਉਸੇ ਤਰ੍ਹਾਂ ਸੰਤ, ਪੀਰ-ਫ਼ਕੀਰ ਵੀ ਪਰਮਾਰਥ ਲਈ, ਦੂਸਰਿਆਂ ਦੀ ਖੁਸ਼ੀ, ਪਰਮਾਨੰਦ ਲਈ ਸੰਸਾਰ ਵਿਚ ਆਉਂਦੇ ਹਨ ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਸੰਤਾਂ ਦੇ ਬਚਨਾਂ ਦਾ ਕਦੇ ਵੀ ਬੁਰਾ ਨਹੀਂ ਮੰਨਣਾ ਚਾਹੀਦਾ ਜੋ ਇਨਸਾਨ ਬਚਨਾਂ ਨੂੰ ਗਲਤ ਮੰਨਦਾ ਹੈ ਇਸਦਾ ਅਰਥ ਹੈ ਕਿ ਉਹ ਮਨ ਦੇ ਵੱਸ ਵਿਚ ਹੈ ਇਸ ਲਈ ਮਨ ਨਾਲ ਲੜਨਾ ਚਾਹੀਦਾ ਹੈ ਸੰਤ ਕਦੇ ਕਿਸੇ ਨੂੰ ਬੁਰਾ ਨਹੀਂ ਕਹਿੰਦੇ ਕਈ ਵਾਰ ਸੰਤ, ਪੀਰ-ਫ਼ਕੀਰ ਸਖ਼ਤ ਅਲਫ਼ਾਜ਼ ਦਾ ਇਸਤੇਮਾਲ ਵੀ ਕਰਦੇ ਹਨ ਪਰ ਇਸ ਵਿਚ ਵੀ ਪਤਾ ਨਹੀਂ ਆਦਮੀ ਦੇ ਕਿੰਨੇ ਹੀ ਬੁਰੇ ਕਰਮ ਸੜ ਕੇ ਸੁਆਹ ਹੋ ਜਾਂਦੇ ਹਨ ਉਨ੍ਹਾਂ ਬਚਨਾਂ ਨੂੰ ਕਦੇ ਵੀ ਗਲਤ ਤਰੀਕੇ ਨਾਲ ਨਹੀਂ ਸਮਝਣਾ ਚਾਹੀਦਾ।
ਕਿਉਂਕਿ ਗਰਮ ਪਾਣੀ ਕਦੇ ਵੀ ਘਰ ਨੂੰ ਸਾੜ ਨਹੀਂ ਸਕਦਾ ਗਰਮ ਪਾਣੀ ਵਿਚ ਨਿੰਮ ਦਾ ਰਸ ਪਾ ਕੇ ਜ਼ਖ਼ਮ ‘ਤੇ ਲਾਉਣ ਨਾਲ ਜਖ਼ਮ ਸਾਫ਼ ਹੋ ਜਾਂਦਾ ਹੈ ਗਰਮ ਦੁੱਧ ਵੀ ਘਰ ਨੂੰ ਨਹੀਂ ਸਾੜਦਾ ਸਗੋਂ ਕੁਝ ਦੇਰ ਬਾਅਦ ਉਸ ‘ਤੇ ਵੀ ਮਲਾਈ ਆ ਜਾਂਦੀ ਹੈ ਭਾਵ ਸੰਤ, ਪੀਰ-ਫ਼ਕੀਰ ਜੇਕਰ ਕੋਈ ਸਖ਼ਤ ਬਚਨ ਕਰਦੇ ਹਨ ਤਾਂ ਸਮਝ ਲੈਣਾ ਚਾਹੀਦਾ ਹੈ ਕਿ ਇਨਸਾਨ ਦਾ ਆਉਣ ਵਾਲਾ ਕੋਈ ਭਿਆਨਕ ਕਰਮ ਖ਼ਤਮ ਹੋ ਗਿਆ ਅਜਿਹਾ ਵੀ ਤਾਂ ਹੀ ਸੰਭਵ ਹੈ ਜਦੋਂ ਇਨਸਾਨ ਉਨ੍ਹਾਂ ਬਚਨਾਂ ਨੂੰ ਆਪਣੇ ਅੰਦਰ ਵਸਾ ਲਵੇ ਜੇਕਰ ਬਚਨਾਂ ਨੂੰ ਕੱਢ ਦਿੰਦਾ ਹੈ ਤਾਂ ਸੋਚੋ! ਉਸਦਾ ਭਲਾ ਕਿਵੇਂ ਹੋਵੇਗਾ?
