ਬੱਚਿਆਂ ਨਾਲ ਪਿਆਰ
ਖਲੀਫ਼ਾ ਹਜ਼ਰਤ ਉਮਰ ਨੇ ਇੱਕ ਵਿਅਕਤੀ ਨੂੰ ਕਿਸੇ ਰਾਜ ਦਾ ਗਵਰਨਰ ਨਿਯੁਕਤ ਕੀਤਾ ਨਿਯੁਕਤੀ ਪੱਤਰ ਦੇਣ ਤੋਂ ਪਹਿਲਾਂ ਖਲੀਫ਼ਾ ਨੇ ਉਸ ਨੂੰ ਜ਼ਰੂਰੀ ਗੱਲਾਂ ਵੀ ਸਮਝਾ ਦਿੱਤੀਆਂ ਉਸੇ ਸਮੇਂ ਉਨ੍ਹਾਂ ਦੇ ਸਾਹਮਣੇ ਇੱਕ ਬੱਚਾ ਆਇਆ ਹਜ਼ਰਤ ਉਮਰ ਨੇ ਬੱਚੇ ਨੂੰ ਪ੍ਰੇਮ ਨਾਲ ਆਪਣੀ ਬੁੱਕਲ ’ਚ ਚੁੱਕ ਲਿਆ ਫਿਰ ਤਰ੍ਹਾਂ-ਤਰ੍ਹਾਂ ਦੀਆਂ ਆਵਾਜ਼ਾਂ ਕੱਢ ਕੇ ਉਸ ਨੂੰ ਰਿਝਾਉਣ ਲੱਗੇ।
ਇਹ ਸਭ ਵੇਖ ਕੇ ਉਹ ਵਿਅਕਤੀ ਬੋਲਿਆ, ‘‘ਖਲੀਫ਼ਾ ਸਾਹਿਬ, ਮੇਰੇ ਘਰ ਤਾਂ ਚਾਰ ਬੱਚੇ ਹਨ, ਪਰ ਮੈਂ ਕਦੇ ਉਨ੍ਹਾਂ ਪ੍ਰਤੀ ਇੰਨਾ ਪਿਆਰ ਨਹੀਂ ਪ੍ਰਗਟਾਇਆ!’’ ਇਹ ਸੁਣਦਿਆਂ ਹੀ ਹਜ਼ਰਤ ਉਮਰ ਇੱਕਦਮ ਗੰਭੀਰ ਹੋ ਗਏ ਉਨ੍ਹਾਂ ਨੇ ਉਸ ਵਿਅਕਤੀ ਤੋਂ ਤੁਰੰਤ ਨਿਯੁਕਤੀ-ਪੱਤਰ ਵਾਪਸ ਲੈ ਲਿਆ ਤੇ ਉਸ ਦੇ ਟੁਕੜੇ-ਟੁਕੜੇ ਕਰਦੇ ਹੋਏ ਕਿਹਾ, ‘‘ਮੈਂ ਤੇਰੀ ਨਿਯੁਕਤੀ ਕੀਤੀ, ਇਸ ਦਾ ਮੈਨੂੰ ਅਫ਼ਸੋਸ ਹੈ ਜਦੋਂ ਤੈਨੂੰ ਬੱਚਿਆਂ ਨਾਲ ਹੀ ਪਿਆਰ ਨਹੀਂ ਹੈ ਤਾਂ ਤੁੰ ਪਰਜਾ ਨਾਲ ਕਿਹੋ-ਜਿਹਾ ਵਿਹਾਰ ਕਰੇਂਗਾ! ਤੇਰੇ ਦਿਲ ’ਚ ਪ੍ਰੇਮ ਦਾ ਪਵਿੱਤਰ ਝਰਨਾ ਸੁੱਕ ਚੁੱਕਾ ਹੈ ਤੁੰ ਇਸ ਅਹੁਦੇ ਦੇ ਯੋਗ ਨਹੀਂ ਹੈਂ’’ ਉਹ ਨਿਰਾਸ਼ ਹੋ ਕੇ ਵਾਪਸ ਚਲਾ ਗਿਆ
