ਕੋਹਲੀ ਨੇ ਤਿੰਨ ਸਾਲ ਬਾਅਦ ਵਨਡੇ ‘ਚ ਲਾਇਆ ਸੈਂਕੜਾ

91 ਗੇਂਦਾਂ ‘ਚ 11 ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 113 ਦੌੜਾਂ ਬਣਾਈਆਂ

ਚਟਗਾਂਵ। ਕ੍ਰਿਕਟ ਜਗਤ ਦੇ ਬੇਤਾਜ ਬਾਦਸ਼ਾਹ ਵਿਰਾਟ ਕੋਹਲੀ (Virat Kohli) ਨੇ ਸ਼ਨਿੱਚਰਵਾਰ ਨੂੰ ਬੰਗਲਾਦੇਸ਼ ਖਿਲਾਫ ਸੈਂਕੜਾ ਲਗਾ ਕੇ ਤਿੰਨ ਸਾਲ ਬਾਅਦ ਵਨਡੇ ਕ੍ਰਿਕਟ ਵਿੱਚ 100 ਦੌੜਾਂ ਦਾ ਅੰਕੜਾ ਛੂਹ ਲਿਆ। ਜ਼ਹੂਰ ਅਹਿਮਦ ਚੌਧਰੀ ਸਟੇਡੀਅਮ ‘ਚ ਖੇਡੇ ਗਏ ਤੀਜੇ ਵਨਡੇ ‘ਚ ਵਿਰਾਟ ਕੋਹਲੀ ਨੇ 91 ਗੇਂਦਾਂ ‘ਚ 11 ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 113 ਦੌੜਾਂ ਬਣਾਈਆਂ। ਕੋਹਲੀ ਨੇ ਇਸ ਤੋਂ ਪਹਿਲਾਂ ਵਨਡੇ ਕ੍ਰਿਕਟ ‘ਚ 14 ਅਗਸਤ 2019 ਨੂੰ ਵੈਸਟਇੰਡੀਜ਼ ਖਿਲਾਫ ਸੈਂਕੜਾ ਲਗਾਇਆ ਸੀ।

ਕੋਹਲੀ (Virat Kohli)  ਦਾ 44ਵਾਂ ਵਨਡੇ ਸੈਂਕੜਾ

ਕੋਹਲੀ (Virat Kohli) ਨੇ ਅੰਤਰਰਾਸ਼ਟਰੀ ਕ੍ਰਿਕਟ ‘ਚ 72 ਸੈਂਕੜੇ ਲਗਾ ਕੇ ਆਸਟ੍ਰੇਲੀਆ ਦੇ ਸਾਬਕਾ ਬੱਲੇਬਾਜ਼ ਰਿਕੀ ਪੋਂਟਿੰਗ (71) ਨੂੰ ਪਿੱਛੇ ਛੱਡ ਦਿੱਤਾ ਹੈ। ਉਹ ਹੁਣ ਸਭ ਤੋਂ ਵੱਧ ਸੈਂਕੜੇ ਬਣਾਉਣ ਦੇ ਮਾਮਲੇ ਵਿੱਚ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ (100 ਸੈਂਕੜੇ) ਤੋਂ ਪਿੱਛੇ ਹੈ। ਕੋਹਲੀ ਨੇ ਈਸ਼ਾਨ ਕਿਸ਼ਨ ਦੇ ਨਾਲ ਦੂਜੀ ਵਿਕਟ ਲਈ 290 ਦੌੜਾਂ ਦੀ ਸਾਂਝੇਦਾਰੀ ਕਰਦੇ ਹੋਏ ਆਪਣਾ 44ਵਾਂ ਵਨਡੇ ਸੈਂਕੜਾ ਲਗਾਇਆ।

ਇਸ਼ਾਨ ਕਿਸ਼ਨ ਨੇ 213 ਦੌੜਾਂ ਬਣਾਈਆਂ

ਇਸ ਦੌਰਾਨ ਇਸ਼ਾਨ ਕਿਸ਼ਨ ਨੇ 213 ਦੌੜਾਂ ਬਣਾਈਆਂ ਅਤੇ ਵਨਡੇ ਕ੍ਰਿਕਟ ‘ਚ ਆਪਣਾ ਪਹਿਲਾ ਸੈਂਕੜਾ ਅਤੇ ਪਹਿਲਾ ਦੋਹਰਾ ਸੈਂਕੜਾ ਲਗਾਇਆ। ਉਨ੍ਹਾਂ ਨੇ 138 ਗੇਂਦਾਂ ਖੇਡੀਆਂ ਅਤੇ ਆਪਣੀ ਪਾਰੀ ‘ਚ 24 ਚੌਕੇ ਅਤੇ 10 ਛੱਕੇ ਲਗਾਏ। ਜਿੱਥੇ ਕੋਹਲੀ ਦਾ ਬੱਲਾ ਤਿੰਨ ਸਾਲਾਂ ਤੋਂ ਨਹੀਂ ਚੱਲ ਰਿਹਾ ਸੀ ਜਿਸ ਕਾਰਨ ਪ੍ਰਸ਼ੰਸ਼ਕ ਜਿੱਥੇ ਨਿਰਾਸ਼ ਸਨ ਕੋਹਲੀ ਦੇ ਇਸ ਸੈਂਕੜੇ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਖੁਸ਼ੀ ਮਨਾਉਣਦਾ ਮੌਕਾ ਦੇ ਦਿੱਤਾ।

ਕੋਹਲੀ (Virat Kohli) ਨੇ ਅਗਸਤ 2022 ‘ਚ ਸੰਯੁਕਤ ਅਰਬ ਅਮੀਰਾਤ ‘ਚ ਖੇਡੇ ਗਏ ਏਸ਼ੀਆ ਕੱਪ ‘ਚ ਅਫਗਾਨਿਸਤਾਨ ਖਿਲਾਫ ਸੈਂਕੜਾ ਲਗਾ ਕੇ ਆਪਣੇ ਆਲੋਚਕਾਂ ਨੂੰ ਸ਼ਾਂਤ ਕੀਤਾ। ਉਸ ਨੇ 1,021 ਦਿਨਾਂ ਦੇ ਵਕਫ਼ੇ ਤੋਂ ਬਾਅਦ ਸੈਂਕੜਾ ਬਣਾਉਣ ਤੋਂ ਬਾਅਦ 61 ਗੇਂਦਾਂ ‘ਤੇ ਅਜੇਤੂ 122 ਦੌੜਾਂ ਬਣਾਈਆਂ। ਕੋਹਲੀ ਨੇ ਇਹ ਸੈਂਕੜਾ ਲਗਾ ਕੇ ਪੁਰਾਣੇ ਅੰਦਾਜ਼ ‘ਚ ਵਾਪਸੀ ਦਾ ਸੰਕੇਤ ਦਿੱਤਾ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ