ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਕਾਂਗਰਸ ਨੇ ਲੋਕ ਸਭਾ ਚੋਣਾਂ ਦੇ ਐਲਾਨ ਤੋਂ ਕੁਝ ਦਿਨ ਪਹਿਲਾਂ ਚੋਣ ਕਮਿਸ਼ਨਰ (Election Commissioner) ਅਰੁਣ ਗੋਇਲ ਦੇ ਅਸਤੀਫ਼ੇ ’ਤੇ ਸ਼ਨਿੱਚਰਵਾਰ ਨੂੰ ਡੂੰਘੀ ਚਿੰਤਾ ਪ੍ਰਗਟ ਕੀਤੀ ਹੈ। ਸੋਸ਼ਲ ਮੀਡੀਆ ਐਕਸ ’ਤੇ ਇੱਕ ਪੋਸਟ ’ਚ ਕਾਂਗਰਸ ਪ੍ਰਧਾਨ ਮਲਿਕਾਰੁਜਨ ਖੜਗੇ ਨੇ ਕਿਹਾ ਕਿ ਲੋਕ ਸਭਾ ਚੋਣਾਂ ਦਾ ਐਲਾਨ ਹੋਣ ਵਾਲਾ ਹੈ ਅਤੇ ਭਾਰਤ ’ਚ ਸਿਰਫ਼ ਇੱਕ ਚੋਣ ਕਮਿਸ਼ਨਰ ਬਚਿਆ ਹੈ। ਖੜਗੇ ਕਿਹਾ ਕਿ ਜਿਵੇਂ ਕਿ ਮੈਂ ਪਹਿਲਾਂ ਕਿਹਾ ਹੈ ਕਿ ਜੇਕਰ ਅਸੀਂ ਆਪਣੀਆਂ ਆਜ਼ਾਦ ਸੰਸਥਾਵਾਂ ਦੇ ਵਿਨਾਸ਼ ਨੂੰ ਰੋਕਣਾ ਹੈ ਤਾਂ ਸਾਡੀ ਲੋਕਤੰਤਰ ਨੂੰ ਤਾਨਾਸ਼ਾਹੀ ਹੜੱਪ ਲਵੇਗੀ।
ਉਨ੍ਹਾਂ ਕਿਹਾ ਕਿ ਈਸੀਆਈ ਹੁਣ ਖਿੱਲਰਣ ਵਾਲੀਆਂ ਅੰਤਿਮ ਸੰਵਿਧਾਨਿਕ ਸੰਸਥਾਵਾਂ ’ਚੋਂ ਇੱਕ ਹੋਵੇਗੀ। ਇਹ ਦੋਸ਼ ਲਾਉਂਦੇ ਹੋਏ ਕਿ ਚੋਣ ਕਮਿਸ਼ਨਰਾਂ ਦੀ ਚੋਣ ਦੀ ਨਵੀਂ ਪ੍ਰਕਿਰਿਆ ਨੇ ਸਾਰੀ ਸ਼ਕਤੀ ਸੱਤਾਧਾਰੀ ਪਾਰਟੀ ਨੂੰ ਦੇ ਦਿੱਤੀ ਹੈ, ਸ੍ਰੀ ਖੜਗੇ ਨੇ ਆਪਣੀ ਪੋਸਟ ਜ਼ਰੀਏ ਪ੍ਰਧਾਨ ਮੰਤਰੀ ਨੂੰ ਪੁੱਛਿਆ ਕਿ 23 ਦਸੰਬਰ ਨੂੰ ਕਾਰਜਕਾਲ ਪੂਰਾ ਹੋਣ ਤੋਂ ਬਾਅਦ ਵੀ ਨਵੇਂ ਚੋਣ ਕਮਿਸ਼ਨਰ ਦੀ ਨਿਯੁਕਤੀ ਕਿਉਂ ਨਹੀਂ ਕੀਤੀ ਗਈ? ਖੜਗੇ ਨੇ ਕਿਹਾ ਕਿ ਮੋਦੀ ਸਰਕਾਰ ਨੂੰ ਇਨ੍ਹਾਂ ਸਵਾਲਾਂ ਦਾ ਜਵਾਬ ਦੇਣਾ ਚਾਹੀਦਾ ਹੈ ਅਤੇ ਸਹੀ ਸਪੱਸ਼ਟੀਕਰਨ ਦੇਣਾ ਚਾਹੀਦਾ ਹੈ। (Election Commissioner)
Roti on Gas : ਕਿਤੇ ਜਾਨ ਨਾ ਲੈ ਲਵੇ ਰੋਟੀਆਂ ਪਕਾਉਂਦੇ ਸਮੇਂ ਕੀਤੀ ਗਈ ਇਹ ਗਲਤੀ, ਧਿਆਨ ਨਾਲ ਪੜ੍ਹੋ ਤੇ ਸਿੱਖੋ
