India A vs Pakistan A: ਭਾਰਤ ਦੇ ਇਹ ਖਿਡਾਰੀ ਪਾਕਿਸਤਾਨ ਲਈ ਬਣੇ ‘ਖੂਹ’ ਅਤੇ ‘ਖਾਈ’

ਭਾਰਤੀ ਗੇਂਦਬਾਜ਼ ਤੇ ਬੱਲੇਬਾਜ਼ ਨੇ ਪਾਕਿ ਨੂੰ ਦਿੱਤਾ ਮੂੰਹ ਤੋੜ ਜਵਾਬ!

ਨਵੀਂ ਦਿੱਲੀ। India A vs Pakistan A: ਭਾਰਤ-ਏ ਅਤੇ ਪਾਕਿਸਤਾਨ-ਏ ਟੀਮ ਵਿਚਕਾਰ ਏਸੀਸੀ ਪੁਰਸ਼ਾਂ ਦੀ ਉਭਰਦੀ ਟੀਮ ਏਸ਼ੀਆ ਕੱਪ ਦੇ 19 ਜੁਲਾਈ ਨੂੰ ਹੋਏ ਮਹਾਂਮੁਕਾਬਲੇ ˆਚ ਭਾਰਤੀ ਟੀਮ ਦੇ ਦੋ ਖਿਡਾਰੀ ਪਾਕਿਸਤਾਨ ਲਈ ਇੱਧਰ ਖੂਹ ਓਧਰ ਖਾਈ ਸਿੱਧ ਹੋਏ। ਇਸ਼ ਇਸ ਮੈਚ ਵਿੱਚ ਭਾਰਤੀ ਟੀਮ ਨੇ ਪਾਕਿਸਤਾਨ ਨੂੰ ਡੋਬ ਕੇ ਰੱਖ ਦਿੱਤਾ।

ਭਾਰਤੀ ਟੀਮ ਸ਼ੁਰੂ ਤੋਂ ਹੀ ਪਾਕਿਸਤਾਨੀ ਟੀਮ ‘ਤੇ ਹਾਵੀ ਰਹੀ ਅਤੇ ਅੰਤ ‘ਚ ਜਿੱਤ ਹਾਸਲ ਕਰਨ ‘ਚ ਕਾਮਯਾਬ ਰਹੀ। ਟੀਮ ਇੰਡੀਆ ਦੀ ਇਸ ਆਸਾਨ ਜਿੱਤ ਦੇ ਹੀਰੋ 20 ਸਾਲਾ ਤੇਜ਼ ਗੇਂਦਬਾਜ਼ ਰਾਜਵਰਧਨ ਹੰਗਰਗੇਕਰ ਅਤੇ 21 ਸਾਲਾ ਸਟਾਰ ਓਪਨਰ ਸਾਈ ਸੁਦਰਸ਼ਨ ਸਨ। ਪੂਰੀ ਪਾਕਿਸਤਾਨੀ ਟੀਮ ਨੇ ਦੋਵਾਂ ਖਿਡਾਰੀਆਂ ਅੱਗੇ ਗੋਡੇ ਟੇਕ ਦਿੱਤੇ। India A vs Pakistan A

ਰਾਜਵਰਧਨ ਹੰਗੇਰਗੇਕਰ ਪਾਕਿਸਤਾਨ ਲਈ ਖੂਹ ਸਾਬਤ ਹੋਏ

ਪਾਕਿਸਤਾਨ ਟੀਮ ਦੇ ਕਪਤਾਨ ਮੁਹੰਮਦ ਹੈਰਿਸ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਪਰ ਰਾਜਵਰਧਨ ਨੇ ਪਾਕਿਸਤਾਨੀ ਟੀਮ ਦੇ ਪੰਜ ਖਿਡਾਰੀਆਂ ਨੂੰ ਪਵੇਲੀਅਨ ਭੇਜ ਕੇ ਪਾਕਿਸਤਾਨ ਦੀ ਟੀਮ ਨੂੰ ਖੂਹ ਵਿੱਚ ਧੱਕ ਦਿੱਤਾ। ਪਾਕਿਸਤਾਨ ਦੀ ਲਗਭਗ ਅੱਧੀ ਟੀਮ ਉਸ ਦੀ ਕਹਿਰ ਢਾਹੁਉਂਦਿਆਂ ਗੇਂਦਾਂ ’ਤੇ ਆਊਟ ਹੋ ਗਈ। (India A vs Pakistan A)

ਉਸ ਦੀ ਤੇਜ਼ ਗੇਂਦਬਾਜ਼ੀ ਨੇ ਪਾਕਿਸਤਾਨੀ ਬੱਲੇਬਾਜ਼ਾਂ ਨੂੰ ਝਟਕਾ ਦਿੱਤਾ। ਹੰਗਰਗੇਕਰ ਦੂਜੇ ਓਵਰ ਤੋਂ ਹੀ ਪਾਕਿਸਤਾਨੀ ਟੀਮ ਲਈ ਖੂਹ ਸਾਬਤ ਹੋਏ ਅਤੇ ਇੱਕ-ਇੱਕ ਕਰਕੇ ਪਾਕਿ ਟੀਮ ਦੇ ਖਿਡਾਰੀ ਇਸ ਵਿੱਚ ਡਿੱਗਦੇ ਚਲੇ ਗਏ। ਰਾਜਵਰਧਨ ਨੇ ਮੈਚ ‘ਚ ਆਪਣੇ ਦੂਜੇ ਅਤੇ ਚੌਥੇ ਓਵਰ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਪਾਕਿਸਤਾਨ ਨੂੰ 9 ਦੌੜਾਂ ‘ਤੇ ਦੋ ਵੱਡੇ ਝਟਕੇ ਦਿੱਤੇ, ਜਿਸ ਕਾਰਨ ਪਾਕਿਸਤਾਨ 100 ਦੌੜਾਂ ਦੇ ਅੰਦਰ 6 ਵਿਕਟਾਂ ਗੁਆ ਬੈਠੀ।

ਰਾਜਵਰਧਨ ਨੇ ਮੈਚ ‘ਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਅਤੇ 8 ਓਵਰਾਂ ‘ਚ 42 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ। ਉਸ ਨੇ ਆਪਣੇ ਸਪੈੱਲ ਵਿਚ ਇਕ ਮੇਡਨ ਓਵਰ ਵੀ ਕੀਤਾ ਅਤੇ ਉਸ ਦੀ ਇਕਾਨਮੀ ਰੇਟ ਵੀ 5.25 ਰਹੀ। ਇਸ ਦੌਰਾਨ ਮਾਨਵ ਸੁਥਾਰ ਨੇ ਰਾਜਵਰਧਨ ਨਾਲ ਖੇਡਦੇ ਹੋਏ 36 ਦੌੜਾਂ ਦੇ ਕੇ 3 ਵਿਕਟਾਂ ਝਟਕਾਈਆਂ ਅਤੇ ਪਾਕਿਸਤਾਨੀ ਟੀਮ ਦੀ ਬੇੜੀ ਪੂਰੀ ਤਰ੍ਹਾਂ ਡੁੱਬ ਗਈ। ਪਾਕਿਸਤਾਨ ਲਈ ਸਲਾਮੀ ਬੱਲੇਬਾਜ਼ ਸਾਹਿਬਜ਼ਾਦਾ ਫਰਹਾਨ ਨੇ 35 ਅਤੇ ਹਸੀਬੁੱਲਾ ਖਾਨ ਨੇ 27 ਦੌੜਾਂ ਬਣਾਈਆਂ। ਕਪਤਾਨ ਵਿਕਟਕੀਪਰ ਹੈਰਿਸ 14 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਏ। ਇਸ ਤੋਂ ਬਾਅਦ ਕਾਸਿਮ ਅਕਰਮ ਅਤੇ ਮੁਬਾਸਿਰ ਖਾਨ ਨੇ 53 ਦੌੜਾਂ ਦੀ ਸਾਂਝੇਦਾਰੀ ਕਰ ਕੇ ਧਮਾਕੇਦਾਰ ਟੀਮ ਨੂੰ ਸੰਭਾਲਿਆ ਅਤੇ ਪਾਕਿਸਤਾਨ ਦੀ ਟੀਮ ਨੇ 206 ਦੌੜਾਂ ਬਣਾਈਆਂ।

ਸਾਈ ਸੁਦਰਸ਼ਨ ਪਾਕਿ ਟੀਮ ਲਈ ਖਾਈ ਸਾਬਤ ਹੋਏ (India A vs Pakistan A)

ਭਾਰਤੀ ਟੀਮ ਦੇ ਸਲਾਮੀ ਬੱਲੇਬਾਜ਼ 21 ਸਾਲਾ ਸਾਈ ਸੁਦਰਸ਼ਨ ਨੇ ਪਾਕਿਸਤਾਨੀ ਟੀਮ ਵੱਲੋਂ ਦਿੱਤੇ ਟੀਚੇ ਦਾ ਪਿੱਛਾ ਕਰਦਿਆਂ ਮੋਰਚਾ ਸੰਭਾਲਿਆ। ਸ਼ਾਨਦਾਰ ਬੱਲੇਬਾਜ਼ੀ ‘ਚ ਮੁਹਾਰਤ ਰੱਖਣ ਵਾਲੇ ਸਾਈ ਸੁਦਰਸ਼ਨ ਪਾਕਿਸਤਾਨੀ ਟੀਮ ਲਈ ਖਾਈ ਸਾਬਿਤ ਹੋਏ, ਜਿਸ ਨੇ ਪਾਕਿਸਤਾਨੀ ਗੇਂਦਬਾਜ਼ਾਂ ਨੂੰ ਬੁਰੀ ਤਰ੍ਹਾਂ ਨਾਲ ਧੋ ਦਿੱਤਾ। ਅਜਿਹਾ ਕੋਈ ਗੇਂਦਬਾਜ਼ ਨਹੀਂ ਸੀ ਜਿਸ ਨੂੰ ਸੁਦਰਸ਼ਨ ਨੇ ਧੋਤਾ ਹੋਵੇ। ਸੁਦਰਸ਼ਨ ਨੇ ਆਪਣੀ ਪਾਰੀ ਵਿੱਚ 110 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ ਖੁਦ ਟੀਮ ਲਈ ਅੱਧਾ ਸਕੋਰ ਬਣਾਇਆ। ਉਸ ਨੇ 104 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ। ਉਸਨੇ ਆਪਣੀ ਪਾਰੀ ਵਿੱਚ 1 ਛੱਕਾ ਅਤੇ 9 ਚੌਕੇ ਲਗਾਏ ਅਤੇ ਇੱਕ ਛੱਕਾ ਲਗਾ ਕੇ ਆਪਣਾ ਸੈਂਕੜਾ ਵੀ ਪੂਰਾ ਕੀਤਾ।

ਇਹ ਵੀ ਪੜ੍ਹੋ : ਇਸ ਪਿੰਡ ਨੇ ਲੈ ਲਿਆ ਵੱਡਾ ਫ਼ੈਸਲਾ, ਹੁਣ ਨਹੀਂ ਹੋਵੇਗੀ ਇਹ ਬੁਰਾਈ

ਦੱਸ ਦੇਈਏ ਕਿ ਭਾਰਤੀ ਪਾਰੀ ਦੇ 37ਵੇਂ ਓਵਰ ਵਿੱਚ ਸੁਦਰਸ਼ਨ ਨੂੰ ਸੈਂਕੜਾ ਪੂਰਾ ਕਰਨ ਲਈ 2 ਦੌੜਾਂ ਦੀ ਲੋੜ ਸੀ ਅਤੇ ਟੀਮ ਨੂੰ ਜਿੱਤ ਲਈ 2 ਦੌੜਾਂ ਦੀ ਲੋੜ ਸੀ। ਫਿਰ ਸੁਦਰਸ਼ਨ ਨੇ ਓਵਰ ਦੀ ਚੌਥੀ ਗੇਂਦ ‘ਤੇ ਛੱਕਾ ਲਗਾ ਕੇ ਟੀਮ ਨੂੰ ਜਿੱਤ ਦਿਵਾ ਦਿੱਤੀ। ਇਸ ਤਰ੍ਹਾਂ ਸਾਈ ਸੁਦਰਸ਼ਨ ਨੇ ਪਾਕਿਸਤਾਨ ਦੀ ਸੋਚ ਨੂੰ ਖੂਹ ਤੋਂ ਬਚ ਕੇ ਕੱਢਣ ਦੇ ਰਸਤੇ ਬੰਦ ਕਰ ਦਿੱਤੇ ਤੇ ਖਾਈ ਬਣ ਕੇ 104 ਦੌੜਾਂ ਦੀ ਵੱਡੀ ਪਾਰੀ ਖੇਡੀ। ਟੀਮ ਇੰਡੀਆ ਲਈ ਸੁਦਰਸ਼ਨ ਤੋਂ ਇਲਾਵਾ ਨਿਕਿਨ ਜੋਸ ਨੇ 64 ਗੇਂਦਾਂ ‘ਤੇ 53 ਦੌੜਾਂ ਬਣਾਈਆਂ। ਕਪਤਾਨ ਯਸ਼ ਢੁਲ ਨੇ 21 ਦੌੜਾਂ ਬਣਾਈਆਂ ਜਦਕਿ ਕੋਈ ਵੀ ਗੇਂਦਬਾਜ਼ ਪਾਕਿਸਤਾਨ ਟੀਮ ਲਈ ਕਮਾਲ ਨਹੀਂ ਕਰ ਸਕਿਆ। ਮੁਬਾਸਿਰ ਖਾਨ ਅਤੇ ਮਹਿਰਾਨ ਮੁਮਤਾਜ਼ 1-1 ਵਿਕਟ ਹੀ ਲੈ ਸਕੇ। ਕੋਈ ਵੀ ਗੇਂਦਬਾਜ਼ ਪਾਕਿਸਤਾਨ ਦੀ ਨੱਇਆ ਨੂੰ ਪਾਰ ਨਹੀਂ ਕਰ ਸਕਿਆ।