ਰਿਸ਼ਭ ਪੰਤ ਦਾ ਅਰਧਸੈਂਕੜਾ | IND vs NZ
- ਭਾਰਤ ਨਿਊਜੀਲੈਂਡ ਤੋਂ ਲੀਡ ਲੈਣ ਦੇ ਕਰੀਬ | IND vs NZ
ਸਪੋਰਟਸ ਡੈਸਕ। IND vs NZ: ਭਾਰਤ ਤੇ ਨਿਊਜ਼ੀਲੈਂਡ ਵਿਚਕਾਰ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਬੈਂਗਲੁਰੂ ਦੇ ਐਮ ਚਿੰਨਾਸਵਾਮੀ ਸਟੇਡੀਅਮ ’ਚ ਖੇਡਿਆ ਜਾ ਰਿਹਾ ਹੈ। ਸ਼ਨਿੱਚਰਵਾਰ ਨੂੰ ਮੁਕਾਬਲੇ ਦਾ ਚੌਥਾ ਦਿਨ ਹੈ। ਫਿਲਹਾਲ ਮੀਂਹ ਕਾਰਨ ਖੇਡ ਨੂੰ ਰੋਕਿਆ ਗਿਆ ਹੈ। ਭਾਰਤ ਨਿਊਜੀਲੈਂਡ ਤੋਂ ਸਿਰਫ਼ 12 ਦੌੜਾਂ ਪਿੱਛੇ ਹੈ। ਟੀਮ ਨੇ ਦੂਜੀ ਪਾਰੀ ’ਚ 3 ਵਿਕਟਾਂ ’ਤੇ 344 ਦੌੜਾਂ ਬਣਾਈਆਂ ਹਨ। ਸਰਫਰਾਜ਼ ਖਾਨ ਤੇ ਰਿਸ਼ਭ ਪੰਤ ਨਾਬਾਦ ਹਨ। ਸਰਫਰਾਜ਼ ਨੇ ਆਪਣਾ ਸੈਂਕੜਾ ਪੂਰਾ ਕਰ ਲਿਆ ਹੈ। ਪੰਤ ਨੇ ਵੀ ਅਰਧਸੈਂਕੜਾ ਪੂਰਾ ਕਰ ਲਿਆ ਹੈ। ਦੋਵਾਂ ਵਿਚਕਾਰ ਸੈਂਕੜੇ ਦੀ ਸਾਂਝੇਦਾਰੀ ਰਹੀ ਹੈ। IND vs NZ
Read This : IND vs NZ: ਤੀਜੇ ਦਿਨ ਦੀ ਆਖਿਰੀ ਗੇਂਦ ‘ਤੇ ਕੋਹਲੀ ਆਊਟ, ਅਜੇ ਵੀ ਨਿਊਜੀਲੈਂਡ ਅੱਗੇ
ਵਿਰਾਟ ਕੋਹਲੀ (70 ਦੌੜਾਂ) ਤੀਜੇ ਦਿਨ ਦੀ ਆਖਰੀ ਗੇਂਦ ’ਤੇ ਆਊਟ ਹੋ ਗਏ ਸਨ। ਵਿਰਾਟ ਨੂੰ ਗਲੇਨ ਫਿਲਿਪਸ ਨੇ ਵਿਕਟਕੀਪਰ ਟਾਮ ਬਲੰਡੇਲ ਹੱਥੋਂ ਕੈਚ ਕਰਵਾਇਆ। ਰੋਹਿਤ ਸ਼ਰਮਾ 52 ਦੌੜਾਂ ਬਣਾ ਕੇ ਆਊਟ ਹੋਏ ਤੇ ਯਸ਼ਸਵੀ ਜਾਇਸਵਾਲ 35 ਦੌੜਾਂ ਬਣਾ ਕੇ ਆਊਟ ਹੋਏ ਸਨ। ਏਜਾਜ਼ ਪਟੇਲ ਨੇ 2 ਤੇ ਗਲੇਨ ਫਿਲਿਪਸ ਨੇ 1 ਵਿਕਟ ਲਈ ਹੈ। ਕੋਹਲੀ ਤੇ ਸਰਫਰਾਜ਼ ਵਿਚਕਾਰ ਤੀਜੇ ਦਿਨ ਤੀਜੇ ਵਿਕਟ ਲਈ 136 ਦੌੜਾਂ ਦੀ ਸਾਂਝੇਦਾਰੀ ਹੋਈ ਸੀ। ਨਿਊਜ਼ੀਲੈਂਡ ਪਹਿਲੀ ਪਾਰੀ ’ਚ 402 ਦੌੜਾਂ ’ਤੇ ਆਲ ਆਊਟ ਹੋ ਗਈ ਸੀ। ਟੀਮ ਨੇ 356 ਦੌੜਾਂ ਦੀ ਬੜ੍ਹਤ ਹਾਸਲ ਕੀਤੀ। 3 ਮੈਚਾਂ ਦੀ ਸੀਰੀਜ਼ ਦੇ ਪਹਿਲੇ ਮੈਚ ਦੇ ਦੂਜੇ ਦਿਨ ਨਿਊਜ਼ੀਲੈਂਡ ਨੇ ਭਾਰਤ ਨੂੰ ਪਹਿਲੀ ਪਾਰੀ ’ਚ 46 ਦੌੜਾਂ ’ਤੇ ਆਲ ਆਊਟ ਕਰ ਦਿੱਤਾ ਸੀ। ਮੀਂਹ ਕਾਰਨ ਪਹਿਲੇ ਦਿਨ ਦੀ ਖੇਡ ਰੋਕੀ ਗਈ ਸੀ। IND vs NZ
