ਬ੍ਰਾਜੀਲ ’ਚ ਮੀਂਹ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 27 ਪਹੁੰਚੀ | Brazil
ਰੀਓ ਡੀ ਜਨੇਰੀਓ, (ਏਜੰਸੀ)। ਦੱਖਣੀ-ਪੂਰਬੀ ਬ੍ਰਾਜੀਲ ’ਚ ਸ਼ੁੱਕਰਵਾਰ ਨੂੰ ਭਾਰੀ ਮੀਂਹ ਪੈਣ ਕਾਰਨ ਘੱਟੋ-ਘੱਟ 27 ਲੋਕਾਂ ਦੀ ਮੌਤ ਹੋ ਗਈ ਅਤੇ ਛੇ ਹੋਰ ਲਾਪਤਾ ਹਨ। ਸਥਾਨਕ ਮੀਡੀਆ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਸ ਦੌਰਾਨ ਸਰਕਾਰੀ ਸੂਤਰਾਂ ਦੇ ਹਵਾਲੇ ਨਾਲ ਮੀਡੀਆ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਭਾਰੀ ਮੀਂਹ ਕਾਰਨ 8,000 ਤੋਂ ਵੱਧ ਲੋਕਾਂ ਨੂੰ ਆਪਣੇ ਘਰ ਛੱਡਣ ਲਈ ਮਜਬੂਰ ਹੋਣਾ ਪਿਆ। ਐਸਪੀਰੀਟੋ ਸੈਂਟੋ ਤੇ ਰੀਓ ਡੀ ਜਨੇਰੀਓ ਰਾਜ ਮੀਂਹ ਨਾਲ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਹੋਏ, ਜਿੱਥੇ ਹੜ੍ਹਾਂ ਅਤੇ ਜਮੀਨ ਖਿਸਕਣ ਨਾਲ ਲੜੀਵਾਰ 19 ਤੇ ਅੱਠ ਮੌਤਾਂ ਦਰਜ ਕੀਤੀਆਂ ਗਈਆਂ। (Brazil)
Holi 2024 : ਨੇਹ ਰੰਗ ’ਚ ਰੰਗੇ ਜਨ-ਜਨ ਦੇ ਭਜਨ ਲਾਲ
ਮਿਨਾਸ ਗੇਰੇਸ ਅਤੇ ਸਾਓ ਪੌਲੋ ਰਾਜਾਂ ਵਿੱਚ ਵੀ ਭਾਰੀ ਮੀਂਹ ਪਿਆ, ਹਾਲਾਂਕਿ ਹੁਣ ਤੱਕ ਕਿਸੇ ਦੇ ਜਖਮੀ ਹੋਣ ਦੀ ਖਬਰ ਨਹੀਂ ਹੈ। ਰੀਓ ਡੀ ਜੇਨੇਰੀਓ ਸੂਬੇ ਦੇ ਪੈਟ੍ਰੋਪੋਲਿਸ ਸ਼ਹਿਰ ’ਚ ਜਮੀਨ ਖਿਸਕਣ ਕਾਰਨ ਇੱਕ ਹੀ ਪਰਿਵਾਰ ਦੇ ਚਾਰ ਮੈਂਬਰਾਂ ਦੀ ਮੌਤ ਹੋ ਗਈ। ਫਾਇਰਫਾਈਟਰਜ ਚਾਰ ਸਾਲ ਦੀ ਬੱਚੀ ਨੂੰ ਇਮਾਰਤ ’ਚੋਂ ਬਾਹਰ ਕੱਢਣ ’ਚ ਸਫਲ ਰਹੇ। ਜਦੋਂ ਉਸਦਾ ਟਰੱਕ ਰੀਓ ਡੀ ਜੇਨੇਰੀਓ ਦੇ ਉਪਨਗਰ ਡੂਕੇ ਡੀ ਕੈਸੀਅਸ ਵਿੱਚ ਇੱਕ ਨਦੀ ’ਚ ਡਿੱਗ ਗਿਆ। ਇਸ ਦੇ ਨਾਲ ਹੀ ਰੀਓ ਡੀ ਜੇਨੇਰੀਓ ਸੂਬੇ ਦੇ ਅਰਰੀਅਲ ਡੋ ਕਾਬੋ ਵਿੱਚ ਵੀ ਬਿਜਲੀ ਡਿੱਗਣ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। (Brazil)
