Israel Iran conflict 2025
ਤਹਿਰਾਨ (ਏਜੰਸੀ)। Israel Iran conflict 2025: ਅੱਜ ਇਜ਼ਰਾਈਲ ਤੇ ਈਰਾਨ ਵਿਚਕਾਰ ਚੱਲ ਰਹੇ ਟਕਰਾਅ ਦਾ 9ਵਾਂ ਦਿਨ ਹੈ। ਇਜ਼ਰਾਈਲ ਦੀ ਫੌਜ ਨੇ ਸ਼ਨਿੱਚਰਵਾਰ ਨੂੰ ਈਰਾਨੀ ਫੌਜ ਦੇ 3 ਕਮਾਂਡਰਾਂ ਨੂੰ ਮਾਰਨ ਦਾ ਦਾਅਵਾ ਕੀਤਾ ਹੈ। ਇਨ੍ਹਾਂ ’ਚ ਡਰੋਨ ਯੂਨਿਟ, ਆਈਆਰਜੀਸੀ ਕੁਦਸ ਫੋਰਸ ਤੇ ਆਈਆਰਜੀਸੀ ਦੇ ਫਲਸਤੀਨੀ ਮਾਮਲਿਆਂ ਨਾਲ ਜੁੜੇ ਅਧਿਕਾਰੀ ਸ਼ਾਮਲ ਹਨ। ਇਜ਼ਰਾਈਲ ਨੇ ਈਰਾਨੀ ਸ਼ਹਿਰਾਂ – ਖੋਰਮਾਬਾਦ, ਕੋਮ, ਇਸਫਾਹਨ ’ਤੇ ਵੀ ਮਿਜ਼ਾਈਲਾਂ ਦਾਗੀਆਂ। ਇਸ ’ਚ 5 ਲੋਕਾਂ ਦੀ ਮੌਤ ਹੋ ਗਈ ਤੇ 4 ਜ਼ਖਮੀ ਹੋ ਗਏ। ਇਸ ਦੇ ਨਾਲ ਹੀ ਈਰਾਨ ਨੇ ਸ਼ਨਿੱਚਰਵਾਰ ਸਵੇਰੇ ਇਜ਼ਰਾਈਲ ਦੇ ਤੇਲ ਅਵੀਵ ਸਮੇਤ ਹੋਰ ਸ਼ਹਿਰਾਂ ’ਤੇ ਮਿਜ਼ਾਈਲ ਹਮਲੇ ਕੀਤੇ।
ਇਹ ਖਬਰ ਵੀ ਪੜ੍ਹੋ : Air India Ahmedabad Accident: ਏਅਰ ਇੰਡੀਆ ਦੇ 3 ਅਧਿਕਾਰੀਆਂ ਨੂੰ ਹਟਾਉਣ ਦੇ ਹੁਕਮ, 10 ਦਿਨਾਂ ’ਚ ਮੰਗੀ ਰਿਪੋਰਟ
ਹਾਲਾਂਕਿ, ਇਨ੍ਹਾਂ ’ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਇਸ ਦੌਰਾਨ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਉਹ ਇਜ਼ਰਾਈਲ ਨੂੰ ਯੁੱਧ ਰੋਕਣ ਲਈ ਨਹੀਂ ਕਹਿਣਗੇ। ਇਸ ਸਮੇਂ, ਇਜ਼ਰਾਈਲ ਯੁੱਧ ’ਚ ਅੱਗੇ ਹੈ। ਇਸ ਕਾਰਨ, ਇਸ ਨੂੰ ਰੋਕਣਾ ਮੁਸ਼ਕਲ ਹੈ। ਇਜ਼ਰਾਈਲ ਨੇ 13 ਜੂਨ ਦੀ ਸਵੇਰ ਨੂੰ ਈਰਾਨ ’ਤੇ ਹਮਲਾ ਕਰਨ ਵਾਲਾ ਪਹਿਲਾ ਦੇਸ਼ ਸੀ। ਪਿਛਲੇ 8 ਦਿਨਾਂ ’ਚ, ਈਰਾਨ ’ਚ ਹੁਣ ਤੱਕ 657 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਤੇ 2000 ਤੋਂ ਵੱਧ ਜ਼ਖਮੀ ਹੋਏ ਹਨ। ਇਜ਼ਰਾਈਲ ’ਚ 24 ਲੋਕ ਮਾਰੇ ਗਏ ਹਨ, ਜਦੋਂ ਕਿ 900 ਤੋਂ ਵੱਧ ਜ਼ਖਮੀ ਹੋਏ ਹਨ। Israel Iran conflict 2025
ਈਰਾਨ ਸਰਕਾਰ ਬੋਲੀ, ਇਜ਼ਰਾਈਲੀ ਹਮਲੇ ’ਚ ਹੁਣ ਤੱਕ 430 ਲੋਕਾਂ ਦੀ ਮੌਤ
ਇਰਾਨ ਦੇ ਸਰਕਾਰੀ ਅਖਬਾਰ ਨੂਰ ਨਿਊਜ਼ ਨੇ ਦੇਸ਼ ਦੇ ਸਿਹਤ ਮੰਤਰਾਲੇ ਦੇ ਹਵਾਲੇ ਨਾਲ ਕਿਹਾ ਹੈ ਕਿ 13 ਜੂਨ ਨੂੰ ਇਜ਼ਰਾਈਲੀ ਹਮਲੇ ਤੋਂ ਬਾਅਦ ਈਰਾਨ ’ਚ ਘੱਟੋ-ਘੱਟ 430 ਨਾਗਰਿਕ ਮਾਰੇ ਗਏ ਹਨ। 3,500 ਜ਼ਖਮੀ ਹੋਏ ਹਨ। ਅਮਰੀਕਾ ਸਥਿਤ ਮਨੁੱਖੀ ਅਧਿਕਾਰ ਕਾਰਕੁਨ ਨਿਊਜ਼ ਏਜੰਸੀ ਅਨੁਸਾਰ, ਈਰਾਨ ’ਚ 657 ਲੋਕਾਂ ਦੀ ਮੌਤ ਹੋ ਗਈ ਹੈ ਤੇ 2000 ਤੋਂ ਵੱਧ ਜ਼ਖਮੀ ਹੋਏ ਹਨ। ਮ੍ਰਿਤਕਾਂ ਵਿੱਚ ਫੌਜ ਦੇ ਉੱਚ ਅਧਿਕਾਰੀ ਤੇ ਪ੍ਰਮਾਣੂ ਵਿਗਿਆਨੀ ਸ਼ਾਮਲ ਹਨ।
